Sustatu

Azken egunetako polemika da. Zappingzalea izeneko Twitterreko kontuak ETB2ko Akelarre saioko pasarte bilduma zabaldu ondoren, zabaldu dira kritikak programa honek iseka egiten digula euskaldunei, ETB2tik euskara eta euskal kultura arroztasun eta ezjakintasunetik tratatzen dutela. 

Open Data Euskadik martxan jarritako sistema da Udalmap, Udal Informazio Sistema, non erabilera publikoko hainbat datu argitaratzen diren. Datuetara sarbide errazago bat emateko, API atzipena berritu dute.

Adimen Artifizialaren inguruan irudigintzan eta testu-sorkuntzan aurrerapenak egin dira azken hilabeteotan. Bilaketaren alorrean, iragarpenak bai, baina oraindik ikusi behar ditugu horiek. Bitartean, pentsa dezakegu musika alorrean ere ikustekoak izango dira laster zelako ekarpen iraultzaileak datozen. Aurrerapen gisa,Maroofy tresna dakargu hona.

Loaldi luze baten ondoren, Euskal Itzultzaile, Zuzentzaile eta Interpreteen Elkarteak 31 eskutik bloga berrabiarazi du. Euskararen erabilerari buruz aritzeko talde-bloga aktobo egon zen 2012tik 2016ra bitarte. Pantaila testu jakingarri bezain gustagarriz bete zituen ekimenaren bigarren etapari helduko dio orain EIZIEk. Berrikuntza batzuk ere badakartza: webgunearen itxura, artikuluen maiztasuna, kolaboratzaileak…

Twitcheko zuzenekoan, beste bideo bat entxufatu dugu: ingelesez entzun ahal izan da Game of Thrones telesaileko pasarte bat Segura Irratian, baina Twitcheko zuzenekoan azpidatzi euskaldunekin ikusi ahal izan dugu. Horixe baita albistea, 21. mendeko telesail entzutetsuen eta arrakastatsuena, osorik euskaratua dagoela: 8 denboraldiak, 73 aatalak.

Ezagutzen al dituzu emakume erreferenteak? Zientzialariak, erizainak, margolariak, astronautak, matematikariak, medikuak, idazleak, zaintzaileak, kirolariak, borrokalariak...? Ezagutzen badituzu, ondo, EmariAPP aplikazioan jokatu ahal izango duzu eta puntuazio onak atera. Eta bestela, ikasteko balioko dizu.

Umbra Light Jaialdia "argi jaialdi" bat da, Gasteizen urtero argirik gutxieneko egunetan antolatzen dena, eta aurten otsailaren 9tik 11ra egingo dena, ‘Enpatia’ goiburuarekin.

Adimen artifiziala bilaketan integratzeko ahaleginak iragarri dituzte Googlek eta Microsoft-ek. Produktu berrien aurkezpena egin dute ordu gutxiren aldearekin enpresa bietako zuzendari nagusiek. Joan gara begiratzera eta... promesak dira oraingoz. Ikusiko dugu noiz jartzen den martxan Bing berritua (Microsoften bilatzailearen bertsio berria) eta noiz Bard, Googlek izen berriarekin baitaiatu duen tresna.

CodeSyntax eta Sustatuko lankide Mikel Larreategik EITBren Nahieran streaming zerbitzu eta bideo-biltegiaren bertsio erabilgarri eta API bat sortu zuen 2016an. 2020an Asier Musak web aplikazio gisa hobetu zuen proiektu hura (ikus Sustatun), eta orain Larreategik berriro egokitu du kodea. 

Kirol Errekorrak da webgune bat Euskal Herriko kirol marka eta errekorren erregistroa egiteko erronkari eusten diona, Euskal Herria Kirola elkartearen (EHK) ekimenez da. Albistegiaren bidez ematen ari dira Euskal Herriko bertako markak, eta baita euskal kirolari batek nazioarteko erregistro bat egiten duenekoa. Adibideak, bi kasuetakoak, aste honetan bertan. Eta bestalde, erregistroen datutegi antolatu bat egiten ere hasi dira, bi kirol alorretan oraingoz, baina hedatzeko asmoarekin (eta laguntza eskatzen dute horretarako).

Dueka urte erdi, 2022ko uztailean sartu zen indarrean Espainiako Ikus-entzunezko komunikazioari buruzko 13/2022 lege orokorra; eta hartan euskararentzako (eta Espainiako Estatuko gaztelaniaz besteko hizkuntzentzazko) behintzat gutxieneko eginbehar barzuk markatzen ziren. Baina gaur Kontseiluak, Pantailak Euskarazek eta Hekimenek salatu dutenez, erakundeak eta plataformak ez dira ari legea betetzen.

Aurreko asteburuan emandako 2023ko Argia Sarietan, guri bereziki interesatzen zaigun Interneteko Argia Saria kategorian, Mastodon.eus eta Mastodon.Jalgi.eus  zerbitzuek gorpuzten duten Mastodoneko komunitate euskaldunari eman zioten. Mezuak trukatzeko komunitate gisa eta Twitterren alternatibatzat har dezakegun Mastodon plataformaz hitz egin dugu beraz Segura Irratian eta Twitchen eman zen zuzeneko honetan, orain hona dakarkiguna artxibatzeko.

Duela urte batzuk, paleontologo eta espeleologoek salatu zuten Abiadura Handiko Trenaren bideak Lezetxikiko kobazuloa (Debagoienan) suntsitu behar zuela. Alvaro Arrizabalaga indusketen arduradunak helegiteak aurkeztu ondoren, bidea aldatu omen zen (pasatzeko 70 metrora edo 200 metrora, segun aipatzen den lotura horietan) eta distantzia arriskutsua bazen ere... Azkenean lanak Lezetxikiraino bertaraino iritsi direla ikusi du Debagoieneko espeleologo talde batek, salatu dutenez.

Egunean Behin 11. denboraldiaren itzulera, Egun On Euskadi saioan egon da Sustatu eta CodeSyntax-eko Luistxo Fernandez lankidea. Hodei Esnaola aurkezlea eta berarekin batera ziren jokalariek zuzeneko partida ere egin dute. Bide batez, Cwis Bob Dydd bertsio galesa ere martxan dela komentatu duug.

Paleolitoko labar-arte kantabrikoan (Frantziako Dordoinatik Kantauriko leizeetaraino, Euskal Herria tartean dela) idazkera zantzuak edo gutxienez zenbaketa sistema bat dagoela proposatu du Cambridge Archaeological Journal-eko artikulu batek. Fidagarritasuna neurtzeko, eszeptizismorako datu bat: ikerlari nagusia altzarien errestauratzaile britainiar bat da.

Otsailak 4, larunbata, 17:00etan Etorkizuneko Gorputzak programari hasiera emateko Kafe Filosofiko baten inguruan elkarketa antolatu dute La Perrera espazioan, Sabino Arana 50, Bilbo.

Miguel García Milhaud blogari espainiar bat da, telekomunikazioetako ingeniaria, Interneten mapa bitxi eta interesgarriak bilatzeko eta komentatzeko ohitura duena. Mapa horien aipuak sare sozialetan egiten zituen, baina orain webgune bat egin du, mapen biltegia eta bloga aldi berean, eta benetan interesgarria delako ekarri dugu hona.

Irati Santiago (Amasa-Villabona, 1991) da gipuzkoar profesional gazte bat, Kaliforniako Los Angelesen kokatua, bideoak ekoizten lan egiten duena. Wikipediako ohartxo batetik fijatu gara berarengan, eta egin dituen lanetako batzuk ekarri ditugu artikuklu honetara. Argazkian (Ataria webgunekoa) ezkerrean ageri da Santiago.

Atzo berri eman genuen euskarazko Mastodon komunitateak Interneteko Argia Saria irabazi zuela, baina sarietako gainerako irabazleek ere aipua merezi dute jakina: Karpeta Urdinak dokumentala, Zugazart marrazki/iritzi-tira, (Min)bizi podkasta, Azterketak Euskaraz kanpaina, eta ohorezko sariduna, Oihana Goiriena (Pablo Gonzalez Polonian atxilo duten kazetariaren emaztea).

Mastodon sareko komunitate euskaldunak, bi zerbitzutan antolatuak, irabazi du Interneteko 2023ko Argia Saria. Mastodon.eus eta Mastodon.Jalgi.eus zerbitzu euskaldunetako ordezkariak jaso dute saria gaur Argiak antolatutako ekitaldian.