Sustatu

EIREk antolatuta, internet eta teknologia berrian eragina unibertsitateko liburugintzan eta irakaskuntzan aztertuko da, urriaren 4an Ibaetako Campusean.

Gaur da "Euskal zinemaren eguna" izendatu ohi dutena Donostiako Zinemaldian. Izena eta izana ezin esan bat datozenik kontu honetan, hemengo produkzio apurrak erdara hutsezkoak baitira (film laburren bat salbu); dena dela, dagoenaren artean pare bat hautatu ditugu, zeresan gehien horiexek eman dutelakoan: "Lucio" eta "El año de todos los demonios".

Kalitatezko lanak itzuli dira Zinemaldiko sail ofizialera asteazken honetan, oso tankera diferenteko film birekin: "A Thousand Years of Good Prayers" Wayne Wang txinatar-iparramerikarrarena, eta "Matar a todos" Esteban Schroeder hegoamerikarrarena.

"Existitzen da euskal komunitaterik Interneten? Komunitatea da ala kuadrillatxoa? Eta ikusgarri gara beste batzuen aurrean?" Galdera horiek eta antzeko hainbat kaleratu dira azken egunotan euskal blogosferan. Joxe Rojasen hitz batzuen haritik tiraka, galdera, erantzun eta mezu-truke interesgarriak sortu dira egunotan hainbat blog eta webgunetan.

Wikifarra %100 irekia dagoen topaketa bat da. Internet eta teknologiaren inguruan dabiltzan pertsonak bildu eta ondo pasatzeko egun baten moduan dago pentsatua. Euskal Herriko sare sozialik zabalena erabiliko dugu, taberna. Aurten Irailak 28, ostirala, 20:00etan Donostiako Doka kafe antzokian gelditu gara. Animatu!

Astearte honetan bi film guztiz desberdin eskaini dizkigute Zinemaldiko sail ofizialean: "Siete mesas de billar francés", Gracia Querejeta espainiarrarena, eta "Ceot oi kap gei" edo "Exodus", Pang Ho-Cheung hong-kongdarrarena. Diferenteak bai, baina ez batak ez besteak asebete ez gaituztenak.

Batxilergoko eta Lanbide Heziketako ikasleentzako sariketa honek ‘Informazioaren eta Komunikazioaren Teknologiak’ gaia du oinarri. Zientziaren Astearen barruan antolatu dute ekimen hau Elhuyar Fundazioak, Innobasquek eta Zientziaren kutxaGuneak

Hizkuntza normalizazioa eta motibazioari buruzko jardunaldia EMUNen 10. urteurrena ospatzeko. Hamar urte dira EMUN kooperatiban euskara planak egiteari ekin genionetik.

Film kanadar bat ("Emotional Arithmetic", Paolo Barzman) eta beste bat argentinarra ("Encarnacion", Anahi Berneri) ikusi ditugu astelehen goiz honetan, gaiz zein giroz oso diferenteak, biak ere sail ofizialean jokatzeaz gain zuzendari berrien sarirako hautagaiak, baina aukeran eskastxoak

Joan den asteko albiste hori, txortan berbaren etimologia ingelesarena... Zantzuen arabera, Azkoitiko abarketa langintzan jatorri seguruagoa du terminoak, kontatzen diguten marinelen istorioan baino. Eta, hortaz, kontu hau hoax bat da bete-betean, Interneteko gezur biral bat. Interneteko euskarazko lehen hoax historikoa?

Sail ofizialeko epaimahaiburu Paul Auster jaunak egindako azken filma eskaini digute igandean lehiaketa ofizialetik kanpo: "The Inner Life of Martin Frost" (Martin Frosten barne bizitza), austerzaleentzat egina dirudiena; eta horrez gain tamainaz, anbizioz eta nire ustez kalitatez benetan handia den pelikula bat: "Reclaim Your Brain" (Berreskura ezazu zeure burmuina).

Gure munduan zenbat mundu diferente kabitzen diren frogatzera datoz larunbat honetan Zinemaldiko sail ofizialean erakutsi dizkiguten film biek: Manuel Poirier frantsesaren "La maison", eta Hana Makhmalbaf irandarraren "Buda az sharm foru rikht" (Lotsaz lehertu zen Buda).

Inaugurazio eguneko maila onari eutsi dio Zinemaldiko sail ofizialak bigarren egunean, oso izaera diferentea baina gauzatze bikaina duten pelikula bi erakutsiz: "Mataharis" Iciar Bollain-ena, eta "Battle for Haditha" Nick Broomfield-ena.

Koldo Aldabek istorio polita zekarren atzoko Hizpideak atalean Berrian: euskara baizik ez zekiten etorkinak iritsi zirela 1911an New York-era. Uste dugu New York Times-eko hemeroteka n aurkitu duela kontua Aldabek. Are gehiago sarean bilatuta, untzi hartan iritsitakoen izenak eta erregistro originalak (batzuk bederen) aurkitu ditugu guk.

Askotan zineman euskarazko saioak direla jakiten dugu, hauek izan ondoren. Hemendik aurrera, interneteko egutegia izango duzu garaiz jakin ahal izateko.

Hasi da Donostiako 55. Zinemaldia, sail ofiziala inauguratu duen "Eastern promises" (Ekialdeko promesak) filmarekin, David Gronenberg zuzendariak Londresen kokatutako Errusiako mafiaren gainean egin duen pelikula ikusgarria. XME, Xabier Mendiguren Elizegi, Sustaturen korrespontsal akreditatua da Zinemaldian, eta bere blogean zein Sustatun argitaratuko ditu zine kritikak glamourrak dirauen bitartean.

Juan Martin Elexpuru idazleak duela bi urte argitaratu zuen Bergaraldeko hiztegia, Interneten jarri dute edozeinek erabiltzeko moduan. Bilaketak egiteko hainbat aukera eskaintzen ditu, eta norberak bere ekarpenak ere egin ditzake.

Joan den asteko albiste batean, erantzunen artean azaldu zen proposamen hau: "Filmak euskaraz ordenagailuan behintzat ikusi nahi baditugu (edo telebistan, proiektorean...), azpitituluak sortu beharko ditugu. Animatzen al da inor?" Proposamen horretaz gehiago, jarraian.

Iaz, Iturrama BHIko euskara departamentuari bururatu zitzaion geure ikasleei euskara azterketak gainditzeko on-line materiala sortzen hastea. Batxilergo mailako geure ikasleentzat joko berria asmatu dugu deklinabidea lantzeko.

UEUk, Ikastetxe Nagusiko eskaintzaren barruan, ikastaro sorta antolatu du 2007ko udazkenerako. Eskaintza horren barruan daude informatika alorreko bi ikastaro hauek: Bat: Web semantikoa minuskulaz, mikroformatuak eta beste teknologia.
Bi: Podcasting eta eduki sindikazioa.