Sustatu

Athletic Clubeko 30. presidentea aukeratzeko hauteskundeak martxan daude jada. Eguzkipean eta normaltasun osoz, ehundaka bazkide hurbiltzen ari dira Ibaiganera. EITB-ren gezurrezko webgunea agertu zen hasieran, baina benetako hiru hautagaiek kanpaina serioa egin dute Interneten.

Euskara-gaztelania/castellano-vasco hiztegiak 42.000 sarrera, 9.000 azpisarrera, 71.000 adiera ditu eta 18.900 adibide ditu, eta bi ataletan banatuta dago: euskara-gaztelania eta gaztelania-euskara. Gramatika eranskin bat ere badu hiztegiak.

Udan ikastaroak, kurtsoak, unibertsitateak, campusak.. izan ohi dira. Tailerrak antolatzea bururatu zaigu. Ikasturten hasieran Euskal Herria 2.0 (lokalizazioa eta internazionalizazioa) burutu genuen Donostiako Artelekun. Orain pratikari ekitea deliberatu dugu. Internet, tresna berriak, wikiak, blogak... erabiltzeko tailerrak antolatzea alegia.

Astebatez hainbat tailer antolatu ditugu toki ezberdinetan. Hasteko wikipedia, blogak eta web 2.0, Ubuntu eta software librea, bideogintza eta podcasting/irratigintza prestatu ditugu.

Euskarazko komunikazioan gertatu den erabateko hazkundeak ekarri dituen erronka eta behar berriei erantzuteko asmoz antolatu da aurkezten dizuegun master hau. Master honekin, egungo euskarazko komunikazioaren diagnosia egin asmo dugu, eskasietan eta premietan sakondu ahal izateko.

Bikaina izan da KREAren lehenengo sormen-programak izan duen harrera. 150 proiektu baino gehiago aurkeztu dira, 72.000 euro banatuko dituzten KREAren sormen-beketara. KREA zera da,
Caja Vital Kutxaren Gizarte Ekintzak sustatutako kultura garaikidea sortu eta hedatzeko zentroa.

UEUren Eibarko ikastaroen baitan bihar (uztailak 10 asteartea) "Informatika eta emakumea" izeneko mahai ingurua egingo da. Mahai ingurua "e-makumeak" izeneko taldeak antolatu du. Talde hau kezka baten ondorioz sortu zen; informatika ikasten gero eta neska gutxiago dago.

Lehengo egunean Karlos Santistebanen "Onomatopeia eta adierazpen hotsen hiztegia" eskuratu nuen eta benetan harrituta gelditu nintzen, lan benetan mardula delako, taldean egin ohi diren horietakoa.
Durangoko Azokarako iragarrita egon bazen ere, antza denez atzeratu egin da eta oraintxe ikusi du argia.

Arantzabalek esan dio Sustaturi: "Etxegoienek ez dit jarri ba Sustatu asmatu dudala nik? Hau da hau! Ez nuke makinaria demonio hau asmatzearen pisua nire gain hartu gura! Zorionez CS-ko lagunak dira nor kartzelara eramatekotan :-)" Argiako elkarrizketan aipatzen ditu Espaloia antzokia, kooperatibismoa, Sustatu, Goiena...

Zertarako dira sare sozialak? galdetzen du Gari Araolazak Teknosexuan. Auskalo. Edozertarako eta ezertarako ere ez. Baina Facebook modakoari puntu bereziki interesgarriak ikusten dizkio. Gariren artikulua hona ekarri dugu, han duen lizentziari esker.

Wdydwyd egitasmoa eredu, Zer-OH! Jarri dugu martxan. Zergatik orain? Zergatik hemen? UEUk bere eskaintza urte osora zabaldu du, baina udako ikastaroek bilgune garrantzitsua izaten jarraitzen dute... Udako ikastaroak ere Baiona eta Iruñatik, Eibarrera eta Lizarrara ere zabaldu dira... Zergatik UEUn?

Software Librea eta enpresari buruzko I. Jardunaldiak (sl2007 ) ospatuko dira gaur Deustuko Unibertsitateko ESIDE Ingeniaritza fakultatean. Bertan Sun, Novell, RedHat/JBoss, Telefónica I+D, ESLE, Irontec eta CodeSyntax izango dira beraien ikuspuntuak azaltzen eta beraien proiektuak erakusten.

EAEko administrazioa euskalduntzea kolapso egoeran dago. Eusko Jaurlaritzaren Administrazio Orokorra euskalduntzeko III. plangintzaldiaren balorazioaren aurrerapena aztertu du Euskararen Gizarte Erakundeen Kontseiluak. Administrazioaren euskalduntzearekin kezkatuta agertu da Kontseilua 25 urte pasatu ostean euskalduntze sistemak huts egiten duelako 'leku guztietatik':

Banoa bidaia agentziako bezeroak ziren gaur arratsaldean Yemenen hildako sei turistak. Bilbon eta Bartzelonan sukurtsalak dituen agentziak Europa Press-i baieztatu dionez. Ezkutuko Arabia izeneko ibilbidea egiten ari ziren, hango 18:30etan bonba auto baten leherketak harrapatu dituen turistak. Eurekin zegoen yemendar gidaria ere hil da leherketaren ondorioz. Eguneraketa asteartea: Hildakoen artean bi gipuzkoar daude, Mikel Essery Banoa agentziako langilea eta Donostiako bidaiari bat, Maddi Álvarez Calleja.

Software Librearen Fundazioak (FSF) GNU General Public License (GNU GPL 3) software libre lizentzia ezagunaren hirugarren bertsioa kaleratu du . Software libre mugimendua sortu zenetik 23 urte igaro dira eta erronka berriei aurre egin, software patenteak esate baterako, baina hasieran definitutako askatasunak mantentzen ditu GNU GPL 3ak.

Elhuyar Fundazioak hizkuntza-teknologietan ikertzeko lan-eskaintza egin du. Hizkuntza-teknologiak ikertzea eta garatzea da lanpostuaren xedea, etorkizun handiko proiektu batean.

Hizkuntzalariak eta ingeniariak formatzen ibili gara 2001. urtetik hizkuntzaren teknologian agente aktiboak izan daitezen. Hasieran Hiztek masterra izan zen (2001-2006), gero HAP doktorego-programa (2004-2007) eta orain master ofizial berrien erronkari ekin diogu.

Aurtengo ekainaren 28an Askapen Gay-lesbikorako Euskal Mugimenduak bere 30. urteurrena ospatzen du. Mmilaka pertsona mundu osoan kalera irteten jarraitzen dugu sexu askatasunaren alde borrokatzeko.

Diario Vasco egunkariak argitaratu duenez, gaztelaniaz idazten duten idazle jakin batzuk ere ez daude oso konforme Euskadi Sariekin. Utikan Euskadi Sariak agiria sinatu zutenekin zerikusirik ez, baina Fernando Aramburu donostiarra eta Francisco Javier Irazoki nafarra ere haserre omen daude.

Ekainaren 26an, sareko irratiek "isiltasunaren eguna" egin zuten Ameriketako Estatu Batuetan protesta gisa. Izan ere, AEBetako musika industriak indarrean jarri nahi du irratiek ordaindu behar duten royaltien edo egile eskubideen zergaren igoera. Sareko irratiek uste dute Internetek eskaintzen dituen musika zerbitzu askorekin amaituko duela igoera horrek. Ezer egin ezean, Estatu Batuetako kongresuan zuzenean aplikatuko da igoera hori uztailaren 15etik aurrera.

Ekainaren 16an EJTA elkarteak --European Journalism Training Association / Europako Kazetaritza Fakultate eta Eskolen Elkartea--, aho batez onartu zuen Mondragon Unibertsitatearen HUHEZI fakultatea kide moduan, Parisen egindako urteroko bilkuran.