Sustatu

Bulego orduetan beste zereginik ez dugunez, euskal bulegariok The Kelly Family taldearen Agur Jaunak grabaketaren Youtubeko bideoa pasatu diogu elkarri frenetetikoki azken egunotan. Hain izan da notizia inportantea, non aste honetako Gaur Egun albistegiko portadako titularren artean ere eman duten. Ia-ia Nafarroan sortutako talde bat dela ez zekien inork?

Koldo Amestoy kondalariak bere bloga estreinatu du: http://www.koldo-amestoy.com. Euskarazko eta frantsesezko artikuluak aldizkatzen ditu bere eguneroko gogoeten eta azken ikuskizunen berri emanez.

2007ko abenduaren 19an Aretxabaletako Erregistro Zibilak ume bat lehenengo aldiz euskaraz erregistratu zuenetik, guraso asko izan dira Behatokira jo dutenak euren umeak euskaraz inskribatzeko helburuarekin. Baita lortu ere, Bilbon esaterako, egin dira jada euskarazko erregistroak. Ondorioz eta gurasoen eskariei erantzunez, haur jaioberria euskaraz erregistratzeko eman beharreko urratsak azaltzen dituen dokumentua prestatu du Behatokiak eta beharrezkoak diren formularioak ere eskuragarri ditu.

Elkarteetan eragiteko Kontseiluak abian jarritako norbanako konpromisoen kanpaina arrakastatsua ari da izaten. Norbanako ugarik bete dute jada Kontseiluak posta arruntez nahiz internet bidez zabaldutako testa, eta dagoeneko zenbait elkarte hasi dira euskararen aldeko neurriak hartzen.

Jabik jarri gintuen irudi hauen pistan mullet orrazkerari buruzko joan den asteko piezan. Atzo, estilo amerikarrekoa jartzearekin bat laguntza eskatu genuen, eta iritsi da. Eulalia Abaitua Allende-Salazarrek 19. mendean Arratian gizonezkoei ateratako argazki bi (honakoa, eta kapela duenarena bestea) pasatu dizkigu Oier Araolazak.

Museo batera eraman berri dituzten Robert Caparen negatibo galduen artean, dozenaka eta agian ehundaka argazki daude Euskal Herrikoak. The New York Times egunkariak argitaratu dituen lehen irudietan, negatibo sorta batzuen etiketak ikusten dira: Zornotza, Bilbo, Elgeta, Eibar, Bermeo... Caparen argazkiez gain, Gerta Taro eta David Chim Seymourrenak ere badaude negatibo galduen artean, eta baliteke Euskal Herriko horiek, etiketengatik, Seymourrenak izatea.

Infonomia berritzaileen sareak eskualde ordezkaritza bat ireki du Euskal Herrian, eta Arrasateko Garaia Berrikuntza Gunean du egoitza. Elkartze gune honek berrikuntzaren esparruan punta-puntakoak diren enpresen arteko loturak sustatzeko aukera eskainiko dio Garaiari, eta baita ikertzaileen arteko topaketak eta elkarreraginak erraztekoa ere. Infonomia sareak 17.000 kide ditu eta, beraz, berrikuntzan interesatutako Europako pertsonen sare nagusietako bat da. Horietatik, mila inguru Euskal Herrikoak dira.

Ubuntu sistema eragilea euskaraz instalatzea gauza erraza bihurtu du WUBI programak. Windows-en gaineko instalatzaile arrunt baten gisa lan egiten du WUBIk. Benetan: aldamenean informatikaririk eduki barik, Ubuntu jar dezakezu zure PC-an euskaraz, era seguruan. Bestalde, bihar asteartea 29 Planet Ubuntu euskalduna sortzeko aburuz bilera deitu dute Leioan. Linux aldaerarik erabilterrazena da Ubuntu.

Enaitz Iriondoren kasua sutautsa bailitzan hedatu da interneten. Internetek aurrea hartu dio prentsa tradizionalari eta blogarion bultzadaz iritsi da portada guztietara.

Mullet euskaldunaren jatortasunaz egon dira erantzun batzuk gure aurreko argazkiaren kontura. Inguru anglosaxoietan zerekin lotzen den ikusteko, berriz, amerikar estilo jatorreko mullet hau adierazgarria izan daiteke, berriz, Nascar auto-lasterketetako zaletuaren estetikaren eredua.

Euskarazko Interneteko sari kuttunena, Sareko Argia, euskarazko Wikipediarentzat izan da. Oraintxe eman ditu Argia aldizkariak Argia Sariak.

Euskal kulturaren kontsumoaz aste honetan izandako mahainguruko Mikel Iturriak bere blogean jarri du zer azaldu zuen berak. Han gehixeago ere badago, klikatzen baduzu.

Euskal orrazkerarik abertzaleena da seguraski: gainaldean motz baina lepoaldean ilea luze beherantz, alkandora gaineraino. Eta termino zehatzak deskribatzen du ingelesez: mullet (Wikipediako sarrerak "euskal separatisten" estetika ere aipatzen du). Baina, hara!, askorentzat (kanpotarrentzat bereziki) zaharkitutako estetika itsusi baten adierazgarria da, eta halaxe deskribatzen du zehatz Wheylonak, Donostiako blogari kaliforniarrak.

Urte berezia da aurtengoa Gasteizen. Bertako gaztetxeak eta Hala Bedi irrati libreak 20 eta 25 urte betetzen dituztelako hurrenez hurren. Aitzakia hau aprobetxatuz, urte osorako kanpaina aurkeztu berri da Txorionak! lelopean eta txorimaloa hartuta irudi nagusi moduan.

Maitane delako baten sexu iragarkia irten da atzo eta gaur Diario Vasco egunkarian. Gaztelaniaz, errore ortografiko batzuekin, zera eskaintzen du Maitanek: Oñatiko musua, arrantzalearen postura, orgasmoan irrintzia, irteerak edo baserrian bertan... Eguneraketa, otsailak 25: Fermin Etxegoien ETBko gidoilariak dio programa berri baterako amua dela iragarki hori.

2007ko azaroan AHT Gelditu! Elkarlanean AHTak izango luken ibilbidea irudikatzen duen Google Earth-eko .kmz fitxategiaren 1.0 bertsioa publikatu genuen. Gure weborrian jadanik 1.1 bertsioa eskuragarri dezute.

Ondarroako Udalak eta Elkar argitaletxeak antolatzen duten Augustin Zubikarai nobela laburren lehiaketa Jose Inazio Basterretxea irakasle eta idazle galdakoztarrak irabazi du zazpigarren deialdian, "Mandatariaren gerra" deritzan lanari esker.

EuskalNatura.net webguneak urtebete egin du gaur, urtarrilak 23. 2006ko urrian lantzen hasi eta duela urtebete eman zuten jakitera komunikabideetan EHUn Biologia ikasketak egiten diharduten 6 gaztek. Egun, biologia eta geologia ikasketak egiten ari diren 20 eta 22 urte bitarteko 12 lagun ari dira webgunea berritu eta osatzen.

Berria egunkariak eta Martin Ugalde Kultur Parkeak elkarlanean antolatzen duten Martin Ugalde Foroan mahai-ingurua galdera honen inguruan: Kontsumitzen al da euskarazko kultur produkzioa? Gaur asteazkena, urtarrilak 23, 19.00etan, Andoainen.

Mondragon Unibertsiateak sortu berri ditu blog plataforma bat, blog batzaile bat, wiki plataforma bat eta lantalde bat Facebook komunitatean. Baliabide horien bidez, unibertsitatea hasi da lehen urratsak egiten, bai edukiak eta baita ikasleekiko harremanak beste modu batean kudeatzeko, Web 2.0k eskaintzen dituen baliabideak erabilita, alegia, software sozialaren bitartez.