Ez gehiago MCC, orain Mondragon

Hementxe dituzue logoak, kalitate hobearekin: ingelesez eta euskaraz

Zergatik izango ote da, baina logotipoak, monarkia gogorarazten dit.

Badakit jakin, erregeen kapelak beste pikuren bat gehiago izan dezakela, baina oharkabean, erret ikurra dela ematen du.

Gogoratzen jarrita...Erregea gogoratu dut Arrasaten.

Bakoitzak bere obsesioen araberako bisioak izaten dituelako, seguruenik...

Neuri ere koroa gogoratzen dit, bada. Eta, jakina, nork bere betaurrekoekin begiratzen die munduari, nola ez ba? Neuk ere obsesio horiek ditut.

Badirudi TU-Lankide aldizkariak, kooperatiben bozak, atera duela informazioa MCCk egin duen irudi aldaketaren gainean. Horrela du izenburua aldizkariaren azken aleak: “MCCk nortasun korporatiboa estreinatzen du, eta hor nabarmentzen dira MONDRAGON hitza, Humanity at work leloa eta ‘M’ solidario berria”. Aldizkariak, gainera, sei orrialde eskaini dizkio irudi aldaketari.

TU-Lankidek dioenez, Saffron enpresak zuzendu du irudi aldaketa, aholkularitza enpresa bat brandin kontuetan, eta horko bi aditu elkarrizketatu ditu: Wally Olins eta Jacob Benbunan.

M dirudien irudiari buruz, hauxe dio aldizkariak: “Askoz ere zailagoa izan zen ‘M’ sormenezkoa diseinatzea, gogora ekarri behar baitzuen ‘Mondragon’, bereiztu behar baitzen marken esparruan dauden milaka ‘M’etatik, eta bat etorri behar baitzen kooperatiben ikuskerarekin. Sortu dugun horretan, ‘M’ak bi pertsonaren itxura hartu du, eta horiek, elkarlanean, eskua ematen diote elkarri’.

Ez dirudi Mondragon.com domeinua korporazioaren kontrolpean dagoenik... Internet esistitzen dela kontuan hartu dute aldaketa handi hau egiterakoan?

Dominio horretaz aparte, zerbait begiratu dela esango nuke nik:

Ingelesez bilatuta Googlerentzat "Mondragon" Arrasateko MCC kooperatiba da: www.google.es/search?hl=en&q=Mondragon

Baina ez dago guztiz argi "MCC" bilatuta Arrasateko MCC kooperatiba den edo ez.

Horretaz aparte, Mondragon izena, EHn, Frantzian edo Filipinasen pare
bat herrien izenekin borrokatuko da (Ikus Mondragon wikipedian, aldiz MCC izena:

Mitsubishi Chemical Corporation, Motor Coach Canada edo Madison
Community Cooperative-tik hasita Marylebone Cricket Club-raino MCC
zerrenda luzea borrokan egiteko (Ikus MCC wikipedian )

Bi lagun ikusi daitezke...



Igel bat ere ikusten dut nik, baina imajinatzen dut Herensugea irudikatzen ahalegindu direlako ikusten dudala igela.



M hizkia argi eta garbi ikusten da. M batean koroa ikusi nahi duenak ikusiko du. Baina M guztietan. Nik neuk ez dut koroarik ikusten. Eta gaurko MCCko buruzagien koipeztatze monarkikoak higuindu egiten nauten arren, ez dut uste logoa asmatu dutenek horrelakorik adierazi nahi zutenik. Hori baino serioagoak dira. Logo bat ez da gauza koiunturala. Eta erregeak (edo beste edozein zahagiburu) lausengatzea bai.



Horixe uste dut.

Kooperatiba izanik .coop domeinua izan beharko luke, ezta? mcc.coop domeinua beraiena da, baina mondragon.coop domeinua hartuta dago...

Niretzako asmatu dute irudi grafiko berriarekin.

Beharbada, bertatik ez dugu hainbeste baloratzen, gure egunerokotasunean txertaturik dagoen zerbait delako, baina Mondragoeko kooperatibena mundu mailan aztertzen den fenomeno bitxia da, diferentea; eta bost kontinenteetako jende asko hona etortzen da eredu ekonomiko desberdin hau bertatik bertara ezagutzera.
Balio ezberdin hauek orain bere irudi grafikoan barruan daude sarturik, eta horregatik, oraindik ezagutzen ez duenak, orain hobeto ezagutu eta baloratuko du zer den Arrasateko kooperatiben mugimendua. Beste aldetik, balio hauek gainean eramanda, irmoki eutsi beharko diola Mondragonek, aurrerantzean ere, bere jatorrizko izaerari.

Wally Olinsek iaz Donostian eman zuen hitzaldi bat, AZK Komunikazioak eta Mondragon Unibertsitateak antolatutako jardunaldietan. Orduan aurreratu zuen orain aurkeztu den Mondragon marka berriaren nondik norako batzuk