Sustatu

Nature da munduko aldizkari zientifiko ezagun eta garrantzitsuenetako bat. Bere azken alean, editoriala dakar Frantziako Akademiak hartutako erabakiaz: salaketa gogorra, ez dezan Frantziak konstitizuioan frantsesa ez den hizkuntzarik aipatu. Comédie-Française deritzo Naturek erabakiari. Testu osoa jarraian.

TKE traineruen ligako albisteak galegoz daude Interneten Opentrad-en eskutik. Albisteak automatikoki itzultzen dira galegora. Integrazioa Eleka eta Lotura enpresen artean burutu da.

Ekainaren 30ean, larunbatarekin, Andoaingo Bastero Kulturgunean banatu ziren XX. Rikardo Arregi Kazetaritza Sariak. Sari nagusi Xabier Usabiaga txirrindulari-ohi eta kirol kazetariak eraman du Berrian, Euskadi Irratian eta Euskal Telebistan kaleratutako lanengatik.

Distantzia laburretan, gizonezkoaren koloniak ez du hutsik egin behar. Eta ezta ere GPSak. Baina gertatu, gertatzen da. Bereziki, poligonoetako helbide ez oso zehatzak dituzten enpresen kasuetan, hornikuntzako hainbat kamioi galdu egiten dira Euskal Herrian. Hona Elgoibarren dokumentaturiko kasu bat.

Gaur dela 100 urte, 1908ko ekainaren 30ean, izan zen Tunguskako gertakaria, Siberia urrunean, Tunguska izeneko eskualde batean, izandako leherketa handi bat, baso ugari suntsitu zituena. 100 urte geroago, ez dago ideia argirik zerk eragin zuen leherketa,

Eusko Jaurlaritzaren Herrizaingo Sailak iragarri du asteburu honetan gaurdanik EAEko herritarrek gure trafiko isunen egoera kontsultatu ahal izango dugula Internet bidez. Ez sinetsi. Baldintza teknikoak gutxiengo murritz batek besterik ez ditu. Eta baldintza horiekin ere, gaur bederen, zerbitzua ez dabil.

Kultura eta ondare alorretan internet egitasmo bat alhan ezarri nahi zuten Ipar Euskal Herri barnekaldeko eragileen laguntzeko programa bururatu da. Euskal kultur erakundeak kudeaturik, 15 elkarte eta artista lagundu ditu. Tailerrak 2007ko urritik 2008ko maiatzera iragan dira eta egitasmoaren Eduki izeneko bloga dago martxan

Atzoko Interneteko albistea: ICANN, dominioak kudeatzen dituen erakundeak erabaki du 2009tik aurrera lehenengo mailako dominio izenak (.com .net eta abar) asmatzeko bideak erraztea.

Iaz bezala Bertsolantegian bertsogintzari dagozkion esparruak landu eta gozatuko dira. Aukera anitza da, egungo bertsogintzaren nondik norakoak aztertzeko. Uztailaren 1etik 3ra burutuko da Eibarko Markeskoa Jauretxean. Anima zaitez! Izena emateko epea orindik zabalik dago.

Joan zen astean "Oiartzuarren baitan" proiektuaren aurkezpena eta omenaldi ekitaldia izan ziren Oiartzungo Petra Lekuona Zaharren Egoitzan. Proiektu horren bitartez, herriko hizkera eta ahozko ondarea jaso eta hedatu nahi izan da, herriko nagusienei elkarrizketak egin eta Interneten jarriz.

Euskal Konfederazioko eta Kontseiluko ordezkariak Baionan bildu dira gaur IV. inkesta soziolinguistikoaren Iparraldeko emaitzei buruz bi erakunde horiek egiten duten irakurketa plazaratzeko. Datuek euskara egoera larrian dela adierazten dutela azpimarratzeaz gain, egoera iraultzeko hartu beharreko neurriak ere zehaztu dituzte ordezkariek. Hona arloz arlo egiten duten azterketa.

Seguru nago bat baino gehiago ohartu dela Ibarretxe Lehendakariak euskaraz hitz egitean erabiltzen duen erregistro informalaz: "Oain aurrera egitia tokatzen zaigu."

Lekeitiko Kale Antzerki Nazioarteko jaialdiak web berria plazaratu du. Lekeitio dugu KALE-ARTEEN udako hiriburua. Orain sormenezko kale horietatik errazago ibiltzeko WEB berri bat plazaratu dugu.

Microsoft-ek Windows Vista sistema eragilearen eta Office pakete berrienaren euskarazko lokalizioak aurkeztu ditu gaur. Sarean daude jada deskargarako, language pack gisa: pakete arin batzuk dira, erraz instalatzekoak. Erabilpena sustatzeko, sariak dituen kanpaina biral bat jarri da martxan, eta ordenagailu ekoizle batzuen kolaborazioa ere lortu dute.

Tokiko hedabideon lana errazteko asmoz, haien langile beharrei erantzuteko lan poltsa eratu du Topagunearen Hedabide Sailak. Sarritan aldi baterako zein epe luzerako langileak behar izaten dira hedabideotan, haien jardueraren esparru guztietan: kazetaritzan, noski, baina baita diseinuan, maketazioan, argazkilaritzan, administrazioan, komertzial lanetan, publizitate alorrean, ikus-entzunezkoen alor teknikoan...

Reggio Emiliako udal haur eskolak eta Finlandiako hezkuntza sistema ezagutzeko bidaia pedagogikoen ostean, apur bat urrunago joanez, bi urtez behin Habanan ospatzen den Biltzar Pedagogikora joateko bidaia antolatzen ari da Hik Hasi Euskal Heziketarako Elkartea.

Donostiako Tabakalerak (Kultura Garaikidearen Nazioarteko Zentro bilakatuko denak) fabrika izaten jarraituko du, ikusizko kulturaren fabrika. Ideia honekin bat eginez, berritze arkitektonikoa eraikinaren berezitasunarekiko eta fabrika izaerarekiko errespetutik abiatuta planteatzen da.

Zortzi urte daramatza Beasaingo Sustraiez Blai Kultur Elkarteak izen bera duen munduko musiken jaialdia antolatzen eta jadanik, lortu du bere tokitxoa Euskal herriko jaialdien artean, Goierrin bertan nahiz kanpoan eman baita ezagutzera.

EuskoSarek Eusko Movie 2008 aurkezten du: telefono mugikorraz, argazki makinaz, edo bideoz filmatutako pelikulen lehiaketa. Proiektuak Euskal Filmotekaren eta Eusko Ikaskuntzako Zinemagintza Sailaren laguntza du. Parte-hartzea Uztailak 20rarte iraungo du.

Euskal Herriko Unibertsitateak “Euskal Hizkuntzalaritza eta Filologia”-ko master ofiziala eskaintzen du 2008/2009 ikasturterako. Master honek doktoretzarako aukera ematen du eta urritik apirila bitarte eskainiko da Gasteizen, Letren Fakultatean. Eskolak arratsaldeko 4’30-9 bitarte dira eta ikasleak urte betean edo bitan egin ditzake masterra osatzen duten 60 kredituak. Irakasleak goi mailakoak dira, honako unibertsitatetakoak: EHU, Iruñeko NUP, Bordele, Pabe, Frantziako CNRS, Suitzako Geneva, EEBBetako Reno edo Zaragozakoak.