Sustatu

Urte luzez entzun dugu egunen batean atmosferara CO2-rik botako ez zuen autoa aterako zutela, eta azkenean gertatu da, Honda FCX Clarity modeloa jadanik eskatu daiteke.

Berritz ere frantziar jakobinismoak gure hizkuntzen aitorpenaz abiat eztabaida bertan behera gelditu dadin lortu du. Izan ere, gora-behera askoren ondoren, maiatzaren 7an frantses legebiltzarrean abitu eztabaidari segida eman bazitzaion maiatzaren 22an, Konstituzioaren 1 artikuluaren moldaketa eragingo lukeen aipua onartuz – baina esan beharra dago, herri mugimendua asetzea lortu gabe- atzo, Senatuak atzera bota du kontrako testu bat bozkatuz.

ZT Corpusa, Zientzia eta Teknologiaren Corpusa, handitu egin da, eta kontsulta-aukera berriak eskaintzen ditu. Zientzia eta teknologiaren alorreko euskara ikertzeko garatutako hizkuntza-baliabide ahaltsua da ZT Corpusa. Elhuyar Fundazioak eta EHUko IXA Taldeak elkarlanean garatutako proiektu honen lehen emaitzak 2006aren hondarrean aurkeztu ziren jendaurrean, on-line kontsultatzeko interfazea kaleratu zenean. Baina beti hedatu eta hobetzeko asmoari jarraituz, kontsulta-aukera hedatuez eta testu gehiagoz hornitu da berriki.

Firefox 3 instalatu duzu? ba egizu hemendik, eta gero euskaraz konfiguratu, arren. Ondoren, ez sakatu botoi hau berriro. Gort! Klaatu barada nikto! Bakean eta borondate onez etorri gara zuek bisitatzera! Beste nabigatzailerik erabiltzen baduzu, are gutxiago saiatu. Gogoratu: Miazkatu behar ez den metalezko ipurdi distiratsua dute robotek.

Microsoft enpresaren inguruko berriekin jarraituz (bat, bi) atzo Arrasaten sinatu zen Garaia parke teknologikoan informatika enpresa honek izango duen ikerketa zentroaren eraketa. Milioi bat euroko kapitalarekin sortu da, horietarik 200.000 Gipuzkoako Foru Aldundiak inbertituak.

EGIN eta EGIN Irratiko langile-ohi talde batek bloga hasi du http://egin10.info helbidean, orain 10 urte jazotako gertakariak gogorarazteko, hots, Entzutegi Nazional espainolaren aginduz bi hedabideak itxi zirenekoa, 1998ko uztailaren 18an.

Eusko Jaurlaritzako HPSk eta Microsoftek etxe honen produktu batzuen aurkezpen ekitaldi bat antolatu dute ekainaren 25erako, Donostian. Gonbidapen oharrak dioenez, "Ekainaren 25etik aurrera, euskara ordenagailuen interfazeko hizkuntza nagusi bezala aukeratu ahal izango da. Dell, Investronica, HP eta Microsoft etxeek apustu garbia egin dute Euskadiri begira, euskara sustatzearen alde eta ekoizpena IKT tresnen bidez hobetzearen alde."

EAEn "hezkuntza birpentsatzeko lau euskal erakunderen baterako proiektu bat da" Heziberri. Partaidetzarako web bat ere aurkeztu dute, non blog batean iritziak jasotzea espero duten.

Inoiz sortu den Firefoxik onena. Firefox 3 inoiz baino bizkorragoa, seguruagoa eta adimentsuagoa da. Hemendik jaitsi daiteke. Adi helbide barra adimentsuari, benetan praktikoa da. Eta euskaraz bertsio osoa lehen egunetik, Librezale elkarteari esker. Eta gogoratu, euskarazko Firefox izateaz gain, inportantea dela nabigatzailearen hizkuntza lehenetsia euskara izatea, ez baita gauza bera!

Getariako historia eta artea ezagutzeko bisita gidatuak antolatu dira Ekainaren 17tik Irailaren 15era bitartean. Bisita gidatu hauek Getaria 1209-2009 proiektuaren barruan eginiko indusketa arkeologikoen emaitzak eta Salbatore Deuna elizaren sekretuak gertutik ezagutzeko aukera ematen dute.

Urtebete pasa da Ziurtagiriaren Elkarteak Bai Euskarari Ziurtagiriaren kudeaketaren ardura hartu zuenetik. 1.516 enpresa eta 20.000 lagun baino gehiago ari dira Bai Euskarari Ziurtagiriarekin lanean. 2012. urterako 1.500 ziurtagiri berri lortzea aurrikusten du Ziurtagiriaren Elkarteak egin duen estrategia planak.

Berezko abortuak iragartzeko markatzaileei buruzko lan batek irabazi du Basque Research web gunearen VI. Tesi Saria. Estibaliz Alegre Nafarroako Unibertsitateko ikertzailea da lan irabazlearen egilea. Bigarren saria unibertsitate bereko Carolina Cebriánek jaso du. Euskarazko lan onenaren saria Euskal Herriko Unibertsitateko Adam Zawiszewskirentzat izan da.

Bihar, ekainak 17, Firefox 3 nabigatzailearen lantzamendu ofiziala izango da. Mozilla Fundazioak, nabigatzaile librearen egileak, errekorra egin nahi du bihar, egun bakarrean gertaturiko software deskarga gehien lortu nahi dituzte. Zuk ere lagun dezakezu, euskaraz ere egongo baita Firefox 3. Eguneraketa, ekainak 17, 11.00: Deskarga eguna 19.00etan hasten omen da, Euskal Herriko orduan. Ordurarte Firefox 3 ofizialik ez da inon ageri deskargarako.

Adnan Hassanpour eta Hiwa Butimar idazle kurdueie heriotza-zigorra ezarri diete. Irango Gobernuak Adnan Hassanpour eta Hiwa Butimar idazle kurduak urkatu ez ditzan xede harturik, Euskal PENek ekimen batzuk antolatu ditu 2008ko ekainean.

BiscayTIK ("Biscay, Technologies of Information and Knowledge" edo "Bizkaia, Informazioaren eta Ezagutzaren Teknologiak") proiektua Microsoft enpresari esleitu dio Bizkaiko Foru Aldundiak. 45 milioi euroko inbertsioa egingo da, eta Microsoftek 17.4 milioi jasoko ditu. Kritikak azaleratzen hasi dira jada proiektuaren inguruan.

Iragarki laburren inguruan atzo hemen iragarritako webgunea martxan dago jada: iragarkilaburrak.com . Datorren astean, ehun mila aleko paperezko produktu batekin osatuko da proiektu hau.

Ingurugiroa zaintzeko praktika egoki batzuez dibulgazioa eta sentsibilizazioa egiteko martxan jarri duen webguneak izenburu horixe du: Hirigintza eta Iraunkorra. Domeinua, Hirigintzaetairaunkorra.com . Gaztelaniaz, Urbanismo y Sostenibilidad esaten diote honi.

Idazle katalan, galego eta euskaldunen elkarteek Galeusca Federazioa sortuko dute datorren igandean, hilak 15, Pobleten. 1984an Pobleten (Herrialde Katalanak) sinatutako "Pobleteko Manifestuaren" 25. Urteurrena ospatzen dela, hiru elkarteotako bazkideek Batzar Nagusietan onartutako tresna juridikoa sortuko da koordinazioa eta ekimen bateraturak bideratu xedez.

Ostiral honetan martxan jarriko dute Bertako Hedabideek (EKT)Iragarki Laburrak proiektua, hainbat herri-komunikabiderekin elkarlanean. Izenak berak dioen moduan, iragarki klasifikatuen edo merkeen euskarazko ataria izango da, eta hasiera batean paperean ere argitaratuko dira iragarkiak, ostiralero 8 orrialdeko gehigarri batean, 100.000 ale inguruko tiradarekin. Zuzenketa: Iban Arregiren testua gaizki ulertuta, izenburuan errorea sartu du Sustatuk lehen, paperezko bertsioa ez da hilaren 13an irtengo, baizik eta ekainaren 18an. Barkatu gaizki-ulertuak.

Geurea Ikurriña egitasmoak batetik euskal nortasun ikurren inguruan babesa eta indarra bildu nahi ditu. Azken urteetan esparru honetan eman den atzerakadari aurre eginteaz gain, Ikurriñak hainbat garaietan izan duen eta egun galtzen ari den balore politikoa berriro atxeman eta euskal instituzioetan dagokion tokia eman nahi diogu.