‘Luna KREA’, irailaren 12ko gau gasteiztarra

Izan ere, sorkuntza-lanik gazte eta garaikideenak bere egingo ditu hiriak, eta hogeita hamar lokalek eta hainbat espazio enblematikok musikako azken joerak, kafe-antzerkirik lotsagabeena, koreografia berri-berriak eta hiri-errezitaldiak hartuko dituzte. Etenik gabeko programazioa izango da, arratsaldeko 16:30etik goizaldeko 2ak arte iraungo duena eta beste diziplina batzuk ere barne hartuko dituena, hala nola: komikia, ikus-entzunezkoen proiekzioak edo ilusionismoa.

Eta hori guztia, Caja Vital Kutxak sustatutako KREA Adierazpen Garaikidea proiektuaren eskutik, urterokoa izateko asmoarekin sortutako ekimen honen bitartez sorkuntza bultzatu eta arte-diziplina ezberdinetako profesionalen belaunaldi berrien sorkuntza-lana publikoari hurbiltzeko. Horretarako, lanbide ezberdinetako artista ugari arituko dira, hala nola: dj-ak, marrazkilariak, poetak, musikariak, aktoreak, bideo-sortzaileak, etab.

Programazioaren aurrerapen gisa, hogeita hamarretik gorako partaideen artean, bertako musika-taldeak nabarmentzen dira, eta besteak beste, ‘Rockaína’ -rocka, punk-rocka, pop-rocka, edo rap-rock hiri-poesiaren elementuekin nahasten dituen taldea- edo ‘El antídoto’ - hip-hop underground-eko taldea, umore- eta garraztasun-dosi zehatza erabiltzen duena -.

Era berean, arte eszenikoetan, honako hauek izango ditugu: Teatro Tearto taldearen ‘El feeling es así’ antzezlana -bizitzako gauza txikietan eta xehetasun arruntetan oinarritutako eta kritika sozial sakona egiten duen ikuskizun garratza- edo DJ Lobo - Lovemonk zigilu apartaren arduraduna da, eta funk, latin edo house musika-motak zein afrobeat edo broken-beatz bezalakoak erabiltzen ditu jai-giro itzela sortuz- bezalako dj-ak.

Kreared.com: Luna KREAren egitaraua.