HPSren dirulaguntzak Interneteko proiektuetarako
Ekainean ebatzi ziren arren, EHAA buletin ofizialak abuztuan argitaratu zituen Eusko Jaurlaritzako Kultura Saileko Hizkuntza Politikarako Sailburuordetzako (HPA) euskara sustatzeko dirulaguntza esleipenak. Informazioaren eta komunikazioaren teknologietan (IKT) hainbat proiektuk jaso dute laguntza, eta hedabideen alorrean ere bada Interneterako laguntzarik.
Hedabideak
Hedabideen deialdian, Internet bidezkoak ere sartzen ziren, eta haraxe aurkeztu zen Sustatu: 8.549 euroko dirulaguntza jaso dugu. Esparru honetan laguntza handienak jaso dituzten proiektuak hauek dira:
- Hitza desberdinen webguneen artean 44.178 euro.
- Europa Press, 27.314
- Berria.info 29.716
- Gaur8.info 34.620
Prentsa idatziko alorrean, Berriak (1.616.699 euro), Hitzak (400.000), eta Argiak (324.000) eramaten dute deialdiaren gehiengoa.
IKT
Informazio eta Komunikazioaren Teknologietan (IKT) euskara sustatzeko deialdian, berriz, hauek izan dira laguntza handiena jaso duten proiektuak:
- Nontzeberri: 56.692 euro
- Elhuyarren Zientzia.net 53.118 euro
- Redox-Ekodomus 34.007 euro
- Elhuyarren Zernola.net 33.057 euro
- Nafarroako ikastolak: 32.451
- Digital Vascaren (Diario Vascoren Interneteko adarra), Klik eta klik: 31.201
- Norbolsa: 28.699
Sustatu, esan bezala, ez da deialdi honetan sartu baina webgune honen bultzatzaile diren enpresek, CodeSyntax eta Goienak, beste proiektu batzuk garatu ahal izango dituzte laguntzarekin. Goienaren ekimenak hauek dira:
- Goiena.net: 15.200 euro
- Goiena blog komunitatea 9.050
- SMSoinu 7.297 euro
- Guraso.com: 6.580 euro
- Danbaka: 5.950 euro
CodeSyntax-enak:
- Blogak.com 9.348 euro
- Publizitatea.net ekimena: 5.719 euro
- Plone CMS sistema euskaratzeko, 2.827 eurok
Arreta deitu diguten beste kontu batzuk:
- China Shipping Spain Agency-k euskarara itzultzeko laguntza lortu du 1.950 euro.
- Deustu Fundazioaren webtb.eu proiektua, euskarazko telebista interaktiboa, 22.771 euro.
- Errioxa Aldeko Euskaldunak Ttiki-Ttaka elkartearen Ebro ondoan gazteak kalaka blogarentzat, 750 euro.
- Bakarrik 5 proiektu ageri dira hizkuntza teknologien atalean: Vicomtech, Eleka, Elhuyar (2) eta Uzeirenak.
- Zenbait joko euskaraz honako enpresen eskutik: Gestionet Multimedia SL, Digital de Medios (Ziberritarrak), Ametsa Soft.
- Lan mundurako euskarazko edukiak atalean 2 proiektu baino ez.
Beste alor batzuk
Aipaturiko esleipen sorta horiez gain, beste deialdi batzuetako laguntzak ere argitaratu ziren abuztuaren 12ko EHAA alean:
- Euskalgintza deialdia
- LanHitz deialdia (enpresetako euskara-planak)
- Toki-entitateetako normalizazio planetarako laguntzak.
Erantzunak
BERRIAko harpidedunei EKTko azken Akziodunen Batzarrean emandako informazioaren arabera:
Dirulaguntzen pisua BERRIAren aurrekontuan % 20aren azpikoa da.
BERRIA da euskarazko komunikabideen artean bere aurrekontuetan dirulaguntza portzentaje txikiena duen produktua.
Hala ere, zergatik galdu behar dituzte euskarazko komunikabideek laguntza horiek?
Hauteskunde kanpaina abiatu da?
> Berriak (1.616.699 euro),
Berriak laguntza huek galduko balitu (PSOE Jaurlaritzan egonez gero gerta liteke), Berriak iraungo ahalko luke? Beldurtuta nauka perpepektiba bat da. Eta euskalgintzan mugintzen den beste ekimen askori buruz gauza bera galde nezake.
Agian idei hau euskararen aurka daudenek zabaldu dute... agian.