Teknofiloen albistegia
1

Chrome? Jarraitu Firefox 3 erabiltzen

Erabiltzailearen aurpegia
Sustatu
2008-09-05 : 11:09

Iragarri bezala, irten da Chrome kalera, Googleren nabigatzailea. Eta irakurle fin batek azkar ikusi bezala, ez dago euskarazko bertsiorik. Lastima. Produktua azkarra da oso, eta detaile interesgarriak ditu. Baina Firefox euskarazkoa erabiltzen jarraitzeko gomendatzera ausartuko gara.

Euskara eta Chrome

Euskara eta Chrome

  • Chrome 50 hizkuntzatan ageri da, horien artean katalanez, baina ez da euskaraz azaltzen. Hizkuntza gehiago gehitzeko ze plan izango duten ez dakigu, baina seguruenik etorriko dira hizkuntza berriak.
  • Gainera, berez, beste hizkuntza bat ezartzen dizu nabigatzailearen hobespen nagusi bezala. Beste irakurle bat ere ohartu da horretaz (Sustatun sarri azpimarratu dugu zein garrantzitsua den hau). Firefox-en euskara lehenetsita baduzu ere, ez du datu hori harengandik inportatzen Chrome instalatzen duzunean.
  • Zuzenketa ortografikoa beti dago aktibatuta. Hizkuntza jakin bat aukeratu beharra dago, eta hortaz, euskaraz datu-orri bat betetzean berba guztiak gorriz azpimarratzen dizkizu Chromek.


Argazkiak.org | Euskaraz idazten Chromen © cc-by-sa: codesyntax

  • Firefox-eko tresnarik baliotsuenetako bat, Euskalbar, ez dago prest Chromerentzako. Ez dakigu zein plug-in mota izango dituen nabigatzaile berriak: denborak esango du hori.

Hizkuntzaren hobespen horiek erraminten menuan topatuko dituzu, Options aukeran, Minor Tweaks fitxan, Language botoian. Euskara hobesteko nabigaziorako, Add botoian sakatu eta Basque aukeratu. Gero goraino igo, lehena gera dadin.


Argazkiak.org | Chrome Spell-checker © cc-by-sa: codesyntax

Alderdi interesgarriak

  • Bilaketa eta helbide barra bat bera dira: omnibar deitu diote, eta ikaragarri indartsua da tekla gutxi batzuk zanpatu eta iradokitzen dizkizun aukerengatik.
  • Bilaketak antolatzeko sistema interesgarria. Bilaketa-lehiatila bat erabiltzen baduzu tokiren batean, hartaz gogoratzen da Chrome, eta hasierako orri mosaiko itxurakoan jarriko dizu. Era berean, laburdurak markatu ditzakezu omnibar bidez bilaketak egiteko hainbat tokitan.


Argazkiak.org | Chrome search shortcuts © cc-by-sa: codesyntax

Goiko irudi honek erakusten du zenbait bilatzailerentzat laburdurak aukeratu ditugula: ta Tagzaniarentzat edo mi Mininovarentzat. Horri esker, omnibar lerroan ta ekain bilatu eta termino horren bilaketa zuzena lortuko dugu Tagzanian.

  • Azkar dabil. Promesa horrekin aurkeztu zen eta egiazki bete dute.
  • Kodearen inspektorea: orri jakin baten egitura ikuskatzeko tresna berez dakar Chromek, HTML eta CSS kodeketan lan egiten duten diseinatzaile eta webgileentzat egokia.

Pentsatzeko

Interneteko erabilpenaren dominazio osoago baterantz ote doa Google? Zergatik behar zuen nabigatzaile bat? Hainbat iritzi plazaratu dira jada kontu honen inguruan eta gehiago ere argitaratuko dira. Miguel Cuesta Dirson aditu bizkaitarrak bereziki analisi zorrotza egin du, eta irakurri.

Bestalde, egun hauetan Microsoft-en Internet Explorerren bertsio berria irten da beta eran, Internet Explorer 8. Bertsio berri hau, Firefox 3 eta Chrome konparatuz, artikulua idatzi dute Microsiervos blogean.

Guri dagokigunez, alderdi interesgarriak hor daudela ukatu gabe, Firefox 3 euskaraz gomendatzen jarraituko dugu, internauta euskaldunarentzat ondoen prestatutako nabigatzailea delako.

Erantzunak

Julen
2008-09-05 : 11:22

Gehigarriak oraindik ez ditu onartzen Chrome-k, baina programatzaileentzat API ezberdinak izango ditu.


Bilaketen laburdurena aspalditik dakar Firefox 3k. Bilaketa-motorrak kudeatzeko leihoan gehi daitezke gako-hitzak.


Kode inspektoreari dagokionez, Firefox 2an berez bazetorren ere, Firefox 3rako gehigarri gisa utzi dute. Baina hori baino askoz hobea da Firebug eta nekez hobe daiteke halako tresna (JavaScript arazteko tresnarik onenetakoa, dudarik gabe).


Chrome-ren lokalizazioak nondik atera diren batek daki, baina euskarazko bertsioek Googlen izan duten arreta kontuan hartuta... honen inguruan informatzen saiatuko naiz.


Chrome-k Internet Explorer 8 betak baino memoria gehiago jaten du eta, aldi berean, IE 8ak Windows XP baino memoria gehiago behar du.


Erantzun

Twitter ikonoa  Facebook ikonoa  Sartu

Publizitatea

Azken erantzunak

Euskerazko inkestara sartzeko klikatzen dodanea... (rmlozoya)
Hiztegien erabilerari buruz..., 2017-05-18
Eta wannacry ramsonware delako hori ezin da lin... (debagoienekotrikieguna2016)
Windows erabiltzaileak jo d..., 2017-05-17
Gabon Iñaki, Hara, entzun izan dut inoiz pert... (aintzanem6@gmail.com)
Iñaki Segurola Puntuka: 'Za..., 2017-05-12
Erabiltzailearen aurpegia
Eskola 2.0 n aspaldi ari dira ikasleak aplikazi... (Xabier Mujika)
Euskaldunak, eta nabigatzai..., 2017-05-16
Erabiltzailearen aurpegia
eta ikastoletan bai ala ? (Xabier Mujika)
Zergatik ez dute irakasleek..., 2017-05-15

»» Jardun osoa

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago