Sustatu

Mikel Laboaren musika entzuteko aukerak badaude Interneten. Hainbat blogari euskaldunek, beren blogetan gogoratu zutenean kantariaren ibilbidea, bideoak itsatsi zituzten (Youtubekoak gehienak, baina Euskaltubekoak ere bai). Baina badaude kantuak entzuteko beste modu batzuk ere.

Datorren astean, Gasteizko Artium museoan Lazarragaren inguruko jardunaldiak burutuko dira. Henrike Knorrek antolatzen zituen jardunaldien segida bezala uler daitezke, baina Aramaion izan beharrean Gasteizen burutuko ditugu aurtengoak.

Live Search bilatzailea, SkyDrive, Spaces, Taldeak, Argazkiak, Gertaerak, Live.com gune nagusia... denek interfazea euskaraz dute orain. (Igor Leturiak aurkitu ditu, eta bere blogean idatzi du artikulua. Handik ekarri dugu bere lizentziari esker)

Euskaldun guztion aberria bere azkeneko literatur lanaren kontrazalean agertzen den esaldia osatzeko erabili (eta plagiatu) zituen elementuetatik tiraka (aberia eta EusKafka), Iban Zaldua idazleak artikuluxka bat osatu du, eta sustatuzaleen laguntza eskatzen du terminoon benetako jatorria ikertzen jarraitzeko...

Elhuyar Fundazioak Armix Ilargian Galduta izeneko bideo-jokoa argitaratu berri du, 7-10 urteko gaztetxoentzat. Bideo-joko hau Armix pertsonaia protagonistatzat duen serie bateko bigarren CD-ROMa da, eta jolasen bidez, jokalariak matematikako, inguruaren ezaguerako eta hizkuntzako gaiak landuko ditu.

Pil-pilean elkarteko lagunek antolatuta, kantu-afaria izango da datorren igandean, hilak 7, Soraluzen, San Andres auzoko elkartean. Mikel Laboaren abestiek girotuko dute gaua. Kantuzale eta artista denek, ateak zabal-zabalik dituzue, soraluzetarra izan edo sunsunkordakoa. Gogoz bazaude, abisatu eta etorri!

Hausnartu, euskal soziolinguistika sariak banatu dira abenduaren 3an Euskararen Nazioarteko Eguna ospatuz, Martin Ugalde Kultur Parkean buruturiko ekitaldian.

Azpeitiko Kiruri jatetxeko aparkalekuan gertatu da tiroketa eta zenbait iturriren arabera, Altuna y Uria eraikuntza enpresako enpresaria da tirokatua.

Azken ordua 13:56: hil egin da. Hildakoa Inazio Uria Mendizabal da, 71 urtekoa.

Entzun! liburuaren lehen zenbakia Durangoko azokan aurkeztuko da. Berez, lehen liburua da, baina aldizkariaren numerazio historikoari jarraituz, Entzun!en 58. zenbakia dugu honako hau. Liburu formatuan bilduta dator Entzun! berria. 144 orri ditu, koloretan, luxuzko aurkezpenarekin.

Euskararen Nazioarteko Eguna 1949. urtean sortu zen Eusko Ikaskuntzaren baitan. Euskararen balio unibertsala aldarrikatzen da egun honetan; euskara ere beste hizkuntzen pareko dela adierazi eta bizitzako eremu guztietan erabilgarri dela azpimarratu nahi da. Jakin badakigu, ordea, egun bakarra baino gehiago euskarak bereak beharko lituzkeela urteko egun guztiak eta noski, asmo horiek egia bilakatzeko urteko egun guztietan egin behar dugula lan. Gaurko egunaren aitzakia baliatuko dugu euskararen unibertsaltasunari muzin egin gabe euskarak gaur eta hemen duen erabilgarritasunari buruz gogoetatxo bat egiteko.

Euskal blogosferako hainbat bitakoratan Sustatun bezala egin dute, kantuak aukeratuz omendu dute Mikel Laboa.

Nafarroako Gobernuak partzialki desblokeatu du euskararen erabilera hedabideetan sustatzeko blokeatua zuen diru-poltsa. Horren aurrean, honekin batera doan adierazpena gizarteratu nahi dugu Nafarroan euskaraz dihardugun hedabideok eta haietako asko bazkide dituen Topaguneak, Euskara Elkarteen Federazioak.

1988ko abenduaren 2an, ostirala, kaleratu zen Mondragoen Arrasate Press herri aldizkariaren lehen zenbakia. Gaur inork ez du txapligurik botako 20. urteurren hori ospatzeko, gaur egun Arrasate Pressik ez delako, 2000. urtean beste proiektu zabalago batean uztartu baitzen, Goiena proiektuan. Hala ere, orain hogei urte, Arrasate Press mugarri bat izan zen, euskarazko prentsa lokalaren loraldia ekarri baitzuen Euskal Herrira. (Joxe Aranzabalen artikulua Faroan azaldu da, eta handik ekarri dugu bere lizentziari esker)

Albiste honen inguruan (ez dela BBK-Kutxa fusiorik izango, Kutxan huts egin duelako bozketak), zera gehitu nahi nuke: Bistakoa da erabakiak ezer gutxi izan duela ekonomikotik eta bai politikotik.

Azken urteotan bezalaxe, aurten ere, hasiak gara dagoeneko Bergarako amodiozko gutunen lehiaketaren edizio berriaren zabalpenarekin. Aurtengoan, amodiozko gutunen XVII. edizioa eta amodiozko SMS mezuen VII. edizioa ospatuko dira.

Albiste txar batekin hasi da astelehena. 74 urterekin Mikel Laboa hil dela jakin dugu oraintxe bertan. Azken egunotan ospitalean zegoen eta gaur goizeko 8:30tan hil da. Azken orduetan bere emazte eta bi seme-alabak izan ditu alboan.

EGUNERAKETA 19:00: Ez da hiletarik egingo. Bihar goizean erraustuko dute Mikel Laboaren gorpua eta familiak etxera eramango ditu errautsak.

Elhuyar Fundazioak Geografian aditu/aritu bideo-jokoa argitaratu berri du. Brain Training motako bideo-jokoa da, eta adin guztietako jokalarientzat pentsatuta dago. Helburua da jolasen bitartez munduko mapa politikoak eta fisikoak menderatzea eta euskarazko toponimoak zuzen idaztea.

Bueno, kanpaina hau ez da Estatu Batuetako hauteskundeak bezain luzea, baina edarra tabarra eman digutena, fusioa gora eta fusioa bera. BBKk egin du bere partea baina Kutxak ez: 63 alde, 33 aurka eta 4 abstentzio.

Argia.com-ek zabaldu duenez, manifestu bat kaleratu dute hainbat musikarik, eta sinadura bilketa bideratu, Kepa Junkerari Jaurlaritzak emandako 702.000 euroko dirulaguntza dela-eta. Eguneraketa ostirala, 18.00: Sinatzaileetarik batzuk ezagunak dira jada, tartean, Ruper Ordorika, Fermin Muguruza, Iñaki Salvador edo Gontzal Mendibil.

Ziurtagiriaren Elkarteak Euskaliten Kudeaketaren Kalitate eta Bikaintasunaren XIV. Europar Astearen barruan mintegia izan zuen hilaren 26an Bilbon Euskara enpresan txertatuz, berrikuntzarantz izenburupean. Bertan kalitatera eta bikaintasunera iristeko euskara enpresan txertatzea beharrezkoa dela argudiatu da.