Mikel Laboaren kantuak sarean
Mikel Laboaren musika entzuteko aukerak badaude Interneten. Hainbat blogari euskaldunek, beren blogetan gogoratu zutenean kantariaren ibilbidea, bideoak itsatsi zituzten (Youtubekoak gehienak, baina Euskaltubekoak ere bai). Baina badaude kantuak entzuteko beste modu batzuk ere.
Musika partekatzeko guneak
Mp3 fitxategiak gorde eta entzuteko webgune erabilienetan bada Mikel Laboaren bildumarik:
Bi horietan entzun daitezke kantuak, eta baita jogailuaren kodea lortu, zeure webgunean itsasteko kantu jakin bat. Horien ondoan, zerbitzu euskaldun bat ere badago, Euskaltube, zeinean bada, gainera, beste abantaila bat: ez bakarrik lor daiteke entzuketa edo jogailuaren kodea, kantua bera ere jaitsi daiteke mp3 formatuan. Horra, Euskaltubeko bilaketa pare bat:
- Mikel Laboaren kantak
- Txerokee diskoa, osorik nonbait. 1990ean zenbait talde eta kantarik Xabier Montoiaren ekimenez osatutako bertsioen diskoa.
Erosteko
Kantuak erosi ere egin daitezke, iTunes eta Amazon-en katalogoetan:
- iTunes. Appleren aplikazioa behar da jaisteko, eta babes digitalarekin datoz fitxategiak.
- Amazon. Babesik gabeko fitxategiak dira, baina Euskal Herritik ezin da erosketarik bideratu, AEBetarako zerbitzua da soilik.
Euskal Herrian, deskarga digitalak barik, disko fisikoak eros daitezke Elkar.com dendan.
Etxea eta Etxea2
Euskaltubera igotako Mikel Laboaren kantuen artean, badaude bi, O Pello Pello eta Haika Mutil, beste bilduma batean ere ageri dira, Etxea2 delako ekimenean.
Etxea2 da erantzun edo dokumentu osagarri bat Kepa Junkeraren Etxea disko eta proiektuari. Hainbat euskal kanturen bertsioak musikatu ditu, eta Euskal Herritik kanpoko kantarien ahotsetan jarri ditu Kepa Junkerak. Hori ikusirik, proposatu zen kantu originalen (edo euskarazko bertsio jatorragoen) bilduma egitea, eta sarean jartzea: Etxea2 wikiaren bidez, poliki, badoa lan hori.
Ekimen hori abiatu eta gerora jakin zen, Kepa Junkerak Jaurlaritzaren dirulaguntza jaso izan duela hiru urtean Etxea eta beste bi disko ateratzeko, eta horrek polemika eragin du bai Sustatun, eta bai manifestu bat sinatu duten musikari euskaldunen artean ere.
Erantzunak
Junkeraren auzi-lotsagabekeria honetan, bada kontu bat gehiago harritu ta haserretu nauena.
Manifestua atera zenean Eusko Jaurlaritzak esan zuen Laboak ere jaso zuela halako aparteko dirulaguntza bat, Donostiako Orfeoiarekin egin zuen emanaldi eta disko hura gauzatzeko.
Astebete iraun du gezur horrek(herenegun Azkaratek gezurtatu zuen eta), ta aste horretan bertan joan zaigu Mikel. Bada, gezurti putre horiek dira domina bat eman nahi ziotenak, ta astelehenean tanatorioan argazki bila joan ziren asko.
Zoazte pikutara zuen domina ta dirulaguntzekin.
Mikel, maite zaitut!!
Last FM-n ere entzun daitezke Laboaren kantak:
http://www.last.fm/search?q=Mikel+Laboa&m=music
Azkena Rock Festivaleko foroan ere egin dute aipamen bat:
http://azkenarockfestival2.foroes.net/la-plazoleta-f13/mikel-laboa-hil-da-t5333.htm
Zabaldu.com gunean eztabaida bat zabaldu dugu, Mikel Laboaren kantuak biltzeko gune herritar bat sortzearen beharraz.
Badakigu jakin, bere kantuak herriarenak bilakatu direla.
Berak sortutakoa, hastapenetik herri kantagintzatik hartua zen bezala, orain herritarren artean banatzea da xedea.
izarrenahotsa.com
Horretarako, guztion artean (wiki logika, blogika.....) sortuz ta sortuz, sortu dezakegu aukera berri bat. Gune bat belaunaldi berriek ezagutu dezaten.
Zer iruditzen zaizue?
Sortuko dugu guztion artean?