Sustatu

Deustuko Unibertsitateak QV@l proiektua landu du. Web sistemen kalitatea balioztatzeko metodologia erraz eta azkarra garatu dute eta web sistemen kalitatea bermatzea du helburu. Metodologia hori Web Ingeniaritzan berritzailea da, ez dago horrelako erraztasun eta ezaugarriak dituen besterik.

Bi zine-aukera guztiz desberdin ekarri dizkigu asteartean sail ofizialeko egitarauak: Xu Jinglei zuzendari eta aktore txinatarraren "Yi feng mo sheng nu ren de lai xin" ("Emakume ezezagun baten gutuna"), eta Robert Guédiguian frantziarraren "Mon père est ingénieur".

Eusko Jaurlaritzak Internet bidezko kontratazio sistema berritzailea jarriko du martxan. Sarrera eta irteeren erregistro liburu digitala darama sistema berriak, baita jakinarazpen elektronikoa eta sinadura elektroniko onartua ere.

Zapaterok jarrera berria ekarri ei du. Jarrera hori zenbat berritzen den ikusteko denbora pixka bat pasa beharko da oraindik, baina badirudi hasi dela bere gobernua aldaketatxo batzuk egiten. Hasteko, Moncloako webgunean euskaraz eskuratu daiteke Europako Konstituzioaren zati bat. Ez da asko, baina Moncloan euskara entzun zitekeenik ere nork pentsatuko zuen?

Aralia Tecnologias Digitales enpresak "YourMusic" sistema garatu berri du. Sistema berri honen bitartez, bezeroak nahi duen abestiekin osatu dezake CDa, ordenagailu eta Internet eskura izan gabe. "YourMusic" lehen denda uztailean zabaldu zuten Madrilen.

Aurrera eta hobera doa Zinemaldiko sail ofiziala. Astelehenean ikusi ditugun bi filmak: "Horas de luz" espainiarra eta "Sam zimske noci" serbiarra, film serio eta sendoak dira biak ere, ikusleari zer pentsatua ematen diotenak eta ikusteko gomendatuko nituzkeenak.

ItzuL posta zerrenda euskaldunak 500 harpidedun ditu dagoeneko. 1998an sortu zen eta, ziurrenik, euskaraz lan egiten duen posta zerrenda jendetsuena izango da, baita mezuetan oparoena ere. ItzuL EIZIEk sortutako posta zerrenda da. Bere helburua da euskal itzultzaileen lagungarri izatea.

Elhuyar Fundazioak III. Zernola Olinpiada jarri du abian DBH 1. eta 2. mailako ikasleentzat. Olinpiada urritik maiatzera egingo da, eta gela irabazleak Espejoko aterpetxean bi eguneko egonaldia irabaziko du, Arabako Foru Aldundiaren eskaintzari esker. Han, paint ball, kanoa, arku-tiroa eta abar luze bat egingo dute Aventura Sobrón taldearen laguntzaz. Izena emateko epea jada irekita dago.

Oporretatik bueltan Sustatun izan genuen Espainiako futbol liga hasi zenaren berri Yahooren Superligaren bitartez. Pare bat jardunaldi igaro dira ordutik. Futbolak jende andana mugitzen duela esan ohi da. Internet bidezko apustu etxeak konturatu dira hortaz.

Adolfo Aristarain zuzendari argentinarra ezaguna da gure artean, ez bakarrik Donostiako Zinemaldian lehiakide eta irabazle izan delako birritan: Hego Euskal Herri osoko zinema komertzialetan ikusi ahal izan dira bere azken filmak, espainiarrekiko koprodukzio eta lankidetza estuan ari denez geroztik.

Dadud Aoulad-Syad marokoarrak, Dupeyron frantziarrak bezperan bezala, Europan sartu nahi duten emigranteen gorabeherak ekarri dizkigu bere filmean, Afrikako kostaldeko ikuspegitik kontatuta baina.

Michael Winterbottom zinemagile britainiarrak film harrigarri bat ekarri du Donostiako Zinemaldira: Nine Songs , sailkatzen zaila den pelikula, rock kontzertuetako emanaldien eta bikote baten sexu-bizitzaren irudien tartekatze bat.

Hasi da Zinemaldiko sail ofizialeko lehiaketa, sarigarri diren lehenengo bi filmen emanaldiarekin: "Brodre" daniarra eta "Inguélézi" frantziarra.

Komediaren eta tragediaren artean igeri dabil "Melinda and Melinda" Woody Allen-en azken filma, Donostiako 52. Zinemaldiaren irekiera ofiziala markatzen duena. Ez hori bakarrik, komediaren eta tragediaren arteko joko hori bihurtu du Allen-ek istorioaren motor eta giltza.

Zinemaldian 1.000 kazetarik dute akreditazioa. Horien artean 250 dira atzerriko komunikabide batekoak eta gainontzekoak Espainiako Estatuko komunikabideetakoak dira. Webguneetako kazetariek ere badute akreditazioa, guztira 17 bat dira, tartean dago Sustatu.com; blog bakarra.

Radio Euskadin "Mar de Fueguitos" saioa programaziotik kendu dutela-eta, mail-bombinga sortu dute erabakia salatzeko. Horren aurrean, Radio Euskadiko Programazio arduradunek beste mezu bat helarazi dute posta elektronikoz, spamaren bidetik.

Aurrerapen teknologikoen berri ia egunero izaten dugu. Esparru ugaritan asmakuntza sofistikatu eta berritzaileak aurki ditzakegu. Oraingo honetan, moda eta teknologia batzen dituen produktu berri bat aurkeztu dute. MP3blue, irakurgailua daukan txaketa edo jaka merkatuan da.

Johnny Ramone, The Ramones taldeko gitarra jolea hil da Los Angelesen, 55 urterekin. John Cummings-i (hala zuen benetako izena) prostatako minbizia diagnostikatu zioten duela bost urte, eta gaixotasunaren ondorioz hil da.

Tailandiako hiriburua da munduko izen luzeena duena, 168 letrarekin. Guinnessek, baina, Zeelanda Berriko mendixka baten izena jasotzen du munduko leku-izen luzeena moduan (92 letra). Interneten marratxorik gabeko domeinu luzeena duena, berriz, Galeseko Llanfairpwll da (58 letra).

Irungo Udalak, Gazte Informazio Bulegoarekin batera, Irungo Zinema eta Bideo Gaztearen IX. Lehiaketa antolatu du. Edozein nazionalitate duten 18 eta 35 urte arteko gazteek parte hartu dezakete. Fikziozko film laburrak aurkeztu behar dira, bideo edo zinema formatuan egindakoak. Urriaren 8a baino lehen aurkeztu behar dira lanak.