Moncloan euskaraz
Zapaterok jarrera berria ekarri ei du. Jarrera hori zenbat berritzen den ikusteko denbora pixka bat pasa beharko da oraindik, baina badirudi hasi dela bere gobernua aldaketatxo batzuk egiten. Hasteko, Moncloako webgunean euskaraz eskuratu daiteke Europako Konstituzioaren zati bat. Ez da asko, baina Moncloan euskara entzun zitekeenik ere nork pentsatuko zuen?
Gazteleraz, katalanez, euskaraz, galegoz eta valentzieraz eskuratu daiteke Europako Konstituzioaren laburpena, Moncloako webgunean.
Hala ere, BOE (Boletin Oficial del Estado) jaso daiteke gazteleraz, katalanez, galegoz eta valentzieraz... baina euskaraz ez.
BOEren webgunea irakurri daiteke euskaraz, baina euskarazko eranskinik ez dute argitaratzen, oraindik. Katalanez, galegoz eta valentzieraz badago eranskina, baina euskaraz ez.
Baina, webgunean jartzen du helburuetan:
Estatuko Aldizkari Ofizialak bere web orria hobetzen dihardu, bi helburu nagusi iristeko asmoarekin:
- Bere edukietarako ahalik eta irisgarritasun handiena lortzea.
- Bertsioak izatea hizkuntza koofizialetan eta Europako hizkuntzetan.
Hauxe diote itzulpen oinarrietan:
(...) Estatuko Gobernuak eta Autonomia Erkidego batzuetako gobernuek Lankidetza Hitzarmenak sinatu dituzte. Horien bidez, Estatuko Aldizkari Ofizialak katalanez, galegoz eta valentzieraz argitaratzen ditu arau horiek.
Beraz, Eusko Jaurlaritza eta Espainiako Gobernuaren artean ez da egon hitzarmenik?
Erantzunak kargatzen...
