Sustatu

Atzo, apirilak 16, aurkeztu zen Eskoriatzako Ibarraundi museoan, Leintz bailarako hizkera eta ahozko ondarea biltzen duen proiektua. Eskoriatzako, Aretxabaletako eta Leintz Gatzagako 100 hiztun ingururen ahozko jarduna dago erakusgai Interneten.

Web 2.0 izango da, aurtengoan, Informatikari Euskaldunen Bilkuraren gai nagusia. Izen-ematea irekita dago, eta programa osatuta. Maiatzaren 10ean izango da, Miramongo Teknologi Elkartegian, Donostian.

Japoniera Euskara Hiztegia sortu dugu, laster 20.000 sarreratik gora izango ditu. Japoniak eta Euskadik asko daukate elkarrengan ikasteko eta elkarren mesederako.

Hamabostean behin, Asier Irizar euskara irakasleak lekua hartzen du bere ordenagailuaren aurrean, Eskoriatzan, piztu egiten ditu Skype aplikazioa eta webcam txiki bat, jantzi aurikularrak eta mikroa, eta harremanetan jartzen da Ainhoa Azarloza eta Amaia Belokirekin, teknikariak biak Euskadiren Ordezkaritzan, Bruselan.

Otsailean argitaratzen genuen bezala EUSTATen inkestetan jasotako aipamenen arabera, Aurki.com eta Berria.info izan ziren aipatutako webgune euskaldun elebakarrak, web eta atari edo bilatzaileen artean. Aurki atari eta bilatzaileen 6. tokian dago eta Berria webguneen 26. lekuan.

Orain dela 3 urte, 2005ean, Googlek Software Librearen garapena sustatzeko, ekintza iraultzaile bat abiatu zuen: Google Summer Of Code delakoa. Aurten, Donostiako Fakultateko 2 informatikari, Iñigo Martínez eta Arkaitz Garro, hautatuen artean daude.

Sautrela saioak 183. atala beteko du larunbat honetan. Hasier Etxeberriak gidatuta, 8.denboraldian barrena, abiatuko da Sautrela saioa. Letren eta literaturaren errepublika txiki honek, Errepublika egunean, Apirilaren 14ean, larunbat honetan, ikusiko du argia berriro ere.

Udako Euskal Unibertsitateak (UEU) BURUXKAK liburutegi digitala aurkeztu du. Bere helburua unibertsitate mailako materiala erabiltzaileen esku jartzea da, batez ere unibertsitario euskaldunen eskura, ikertu, ikasi zein kontsultatzeko. Doako zerbitzu hau www.buruxkak.org helbidean topatu daiteke.

Lehen edizio arrakastatsuaren ondotik, Euskal kultur erakundeak eta Iparraldeko AEK-k euskarazko diktaketaren bigarren edizioa antolatzen dute heldu den maiatzaren 5ean, Baionan. Oraindanik izena eman daiteke eta treba daiteke zonbait jokoren bidez !

Abangoardiako mugimenduez ari garenean, artearen ikuspegi hertsi eta tradizionalenarekin zerikusia duten mugimendu plastikoak etortzen zaizkigu burura automatikoki: pintura, eskultura, grabatuak, argazkilaritza... Baina arte joerez ari garenean, ezin ditugu alde batera utzi arkitektura, industria-diseinua edota interiorismoa gisako adierazpen garaikideagoak.

Eraikuntzako Kode Teknikoa (CTE, erdaraz) berria abiarazteak aldaketa handiak ekarriko ditu eraikuntzaren sektorean. Ingurumenaren babesa, jasangarritasunaren bidetik, ezinbestekoa izango da eta energia berriztagarriak gero eta gehiago erabili egin beharko dira eraikuntzan. Datu bat ematearen, etxeetan ur beroaren %30 eguzki-energiaren bidez lortu beharko da Gipuzkoan (eguzkiak ordu gehiagotan jotzen duen beste lurralde batzuetan, gehiago).

Igo dugun azkena IMH Sariei buruzkoa izan da: Aurtengo ikasle ohi aipagarriari nahi genion saria eman baina arazo bat geneukan: Txinan zegoela egun horretan. Zer egin berarekin zuzenean harremana lortzeko? Internet, skype, webcam, ordenagailua, bideokamara eta "google-video" uztartu.

Hiru.com atariak bi sari nagusi lortu ditu Infografiaren Nazioarteko Sarien hamabosgarren edizioan: "Egiptoko Piramideak" izeneko infografiak zilarrezko domina lortu du, eta hiru.com atariak berak 2006an egindako lanengatik ere saria jaso du.

Aldi bat desaktibatuta egon ondoren gaur jarri da berriro ere martxan Opentrad itzulpen automatikoko sisteman gaztelania-euskarazko itzulpenak egiteko baliabidea (www.opentrad.org).

Repsol YPF etxeak egunotan aurkeztu berri du web orri eguneratua (www.repsolypf.com). Web orriaren itxura eta egitura goitik behera aldatzeaz gain, gaztelaniatik Estatuko hizkuntza ofizial guztietara itzuli dute: euskarara, galizierara eta katalanera.

Karteldegian dago, 300 filma. Komiki liburu batean oinarritua egonik, espero genuen Igor Leturiaren blogean iruzkina, eta etorri da, baina berak sinatuta barik, Beñat Irasuegi kolaboratzaile berriaren izenean. Handik hona ekarri dugu, bere copyleft lizentziari esker.

Zure inguruneari buruzko mobilmetrai on-line lehiaketa. Proposamen honen funtsa nerabeek Mobilmetraien (mugikorrarekin grabatutako 60 segundo baino gutxiagoko bideoak) bidez, bizi diren lekuari buruzko hainbat ikuspuntu erakustea da.

Patxi Iraeta Zubeldia naiz, Zumarragako udaletxean udaltzain. Web-orri bat sortu det, eta beronen berri eman nahi dizuet. Maiz hitzegiten da udalen funtzionamentu exkaxaz, eta udal politikak dituen ajeetaz. 1990. urtetik udaletxean lanean, udal administrazioaren gora-beherak barrutik ezagutzea tokatu zait, eta nere esperientzian oinarrituta, esan dezaket, Zumarragako udala ez dala salbuespena.

Sei urte pasatxoko ibilbidearen ondoren, goitik behera berrituta datorkigu GAZTETXULO aldizkaria. Kanpotik eta barrutik eraberrituta, izena eta izana aldatuta, etapa berri bati ekin dio gazteei zuzendutako euskarazko hilabetekariak. Izen aldaketa eta etapa berria? Bai, ondo irakurri duzu: aurrerantzean, Gaztetxulo GAZTEZULO bihurtuko da, gazte guztien zuloa, planeta, bilgunea izan nahian

Korrika 17 Baztanen eta Iparraldean dagoen bitartean Xorroxin Irratia eta Euskal Irratiak izeneko federazioa osatzen duten Xiberoko Botza, Irulegiko Irratia, Gure Irratia eta Antxeta Irratia, zuzeneko irrati jarraipena ematen dute.