Plaentxia.com, soraluzetarren webgunea
Plaentxia, Plazentzi, Soraluze, Placencia de las Armas... herri zulo honetan hazi, hezi edo bizi diren denentzat eta munduko edozein parajetatik herriko berri jakin nahi dutenentzat sortutako orainkaria da Plaentxia.com.
Pil-pilean Euskara Elkarteak sortutako ekimena da. Herriko taldeek elikatutako informazio eta iritzien bilgunea izatea du helburu.
Hiru atal nagusi ditu oraingoz:
- Albisteak: pare bat albiste egunero
- Iritzia: albisteen gaineko komentarioak egiteko aukera dago
- Agenda: edozeinek nahi duen kontzertu, hitzaldi, antzerki... edozein ekitaldiren berri eman dezake
Sartu eta egizu zeure Plaentxia.com!
Erantzunak
Kaixo,
Aurki.com-ek egiten du maila batean lan hori, baina webgune lokalak sortu ahala, baliteke horretara bideratutako webgune bat interesgarri izango litzatekeela: Aurki.com herriak
> Plaentxia, Plazentzi, Soraluze, Placencia de las Armas... herri zulo honetan hazi, hezi edo bizi diren denentzat eta munduko edozein parajetatik herriko berri jakin nahi dutenentzat sortutako orainkaria da "Plaentxia.com":http://www.plaentxia.com.
> Zorionak!
> Ondo dakigu horren atzetik zelako lana egin dozuen danok!
>
> Zorionak Plaentzia, eta zorionak Pil-pilean!
>
Aupa zuek, plazentziarrok, zorionak!
Badakit aurkik egiten duena. Baina nik webgune berezitu batez ari nintzen, aurkikoa gutxietsi barik, zelan ez. Hau da, herrien aurki bat, baina aurkiko webgunetik kanpora, bilaketak, konparaketak eta abar egiteko aukera emango lukeena. Gainera, RSS jarioen kontuekin erraz samarra litzateke, ezta?
Aupa Xiber.
Hori egiteko aski duzu feevy esperimentuan kontu bat sortu, eta gune bakoitzeko rss-ak gehitzea.
Topaguneak bere gain hartu beharko luke lan -5 minutukoa orotara- hori, eta euskara elkarte ezberdinetako guneen jarioa, orrialde bakar batean automatikoki erakutsi.
Norberak ere, bere blogeko zutabe batean publikatu dezake guzti hori, modu automatikoan.
Froga ezazu feevy oso erraza eta potentea da gainera.
Zorionak Plaentxikoei! Gauza bat, dena den: ez al litzateke euskarazko toki hedabideen atari bakarra egin behar (herri bakoitzekoez aparte). Hainbat hedabide daude eta haiek guztiak jarraitzeko tresna egokia izango litzateke: goiena, uztarria, elgoibarren, plaentxi, ukberri, aikor, otamotz, plaentxi eta ahaztuko zaizkidanak.