Spool.fm, hori bai irratia!
Egun batez baino ez dut probatu, baina zoratzen nago Spool.fm sareko irratiarekin. Irrati horrek bilatzen uzten dizu zure gogoko abestiak, eta horiekin zerrendak egiten, zure gustuko abestiekin. (Faroan azaldua, eta hona ekarria haren lizentzia libreari esker).
Abestiak nahi adina aldiz entzun ahal izango dituzu sarean, zure ordenagailuan ezer instalatu beharrik gabe.
Ezaugarriak
Ezaugarri politak ditu Spool.fm honek, adibidez:
- Erraz eraman ditzakezu abestiak batetik bestera, zerrendak egiteko. Baita abestiak hurrenkeraz aldatzeko.
- Gomendioak egingo dizkizu, antzeko artistena.
- Entzun zure lagun batekin batera (listen with a friend). Horri esker, momentuan entzun ahal duzu zure lagun bat entzuten ari dena.
Bizkaia maite besterik ez.
Erantzunak
Erabilgarritasun eta sinpletasunaren aldetik, parekorik ez diot ikusten. Walabay hori ez zaio inondik ere hurbiltzen.
Hori bai, zalantza pare bat.
- Musikaren jatorriaren legaltasuna oso zalantzazkoa dirudi, eta batzuek diotenez, aprobetxatu orain, itxi baino lehen.
- Nola igotzen da musika? Ematen du hori dela jatorria, jendearen aportazioak, eta guneak abisatzen du, SpoolPack izeneko gauza bat erabil dezakezula erregistratuz gero musika kargatzeko. Baina SpoolPack hori zer den eta non dagoen, trazarik ez. Foro batean azaleko aipua besterik ez.
Jakuek bezala nik ere, aspalditik erabiltzen dut Blogmusik.net (interfazea iPod-aren itxura zuenetik hona). Duela aste batzuk eman dioten astinduarekin erabat berritu dute aplikazioa, bai itxura aldetik baita eskaintzen dituen zerbitzu berrien aldetik. Nire uste apalean, Spool.fm-ren gainetik dago bai lehenegoari baita bigarrenari dagokionez ere. Interesgarrienetako bat SmartPlaylist delakoa da. Pandorak egiten zuenaren antzera, zure gustukoa den talde edo abeslari bat hautatu ondoren, Blogmusik-ek honekin harremana gordetzen dituzten abestiak proposatzen dizkizu.
Blogmusik-eko "Terms of Use" delakoak irakurri ditut eta egia esan ez dut gehiegi ulertu. Abestiak zuzenean euren zerbitzarietara igotzeko aukera ematen dute; beraz, abestiak gune fisiko jakin batean daudela dirudi. Pentsatzen dut horrelako zerbitzu batek kanon batzuk ordaindu beharko dituela emititzen duten musikaren truke (Interneteko irratiekin gertatzen den bezala). Abestiak jaisteko aukerarik ematen ez dutenez (p2p aplikazioekin gertatzen den bezala) lege barruan egongo direla pentsatzen dut baina, halere, ez daukat oso garbi.
Luistxori bezala, nik ere nire zalantzak ditut. Are gehiago aurrekoan Mikelek gure blogean aurkeztu zituen beste gune hauekin. Oraintxe bertan gure inguruko zinemetan botatzen dituzten filmak ikusteko aukera ematen dituzten webguneak dira. zure pelikulak DivX formatuan igo ditzakezu eta horrela edonork ikus ditzake bere ekipoan. Harrigarria da hauetako gehienek duten kalitatea eta are harrigarriagoa oraindik, zeinen arin deskargatzen doaz filmak aurrera egiten duen heinean; apenas ematen dira etenak. Hauek ere legalak ote dira?
Walabay ere antzekoa da. Probatu nahi baduzue:
http://www.walabay.com/