Teknologia albisteak
2

atera! bertsozaleen txapelketa bihar hasiko da martxan

Erabiltzailearen aurpegia
atera - www.atera.org
2007-06-07 : 12:06

atera! jaialdia Goierrin antolatu den inprobisazioaren jaialdia da. Jaialdiaren ardatzetako bat plazaz-plaza ez dabiltzan bertsozale-bertsolarien arteko taldekako lehiaketa da, eta ostiralean izango da lehen saioa, Zegamako taldea eta Ataungoa aurrez-aurre ipiniko dituena.

Iritsi da, azkenean. Batzuek hainbeste denboran prestatzen jardundakoa ikusteko lehenengo aukera ostiralean izango dugu Zegaman, iluntzeko 9etan ostatuan afaldu ondoren.

atera!Aurrez-aurre bi talde indartsu izango dira, Ataungoa (Oier Zurutuza, Haitz Aierbe eta Asier Gonzalez Tximas) ), eta Zegamakoa (Ander Ormazabal, Jon Arakama Tyson, joseba Albizu Arbeltxo). Ataundar batzuk gazteagotan bertsotan ibiliak dira, maila ederrean gainera (Gipuzkoako Eskolarteko Bertsolari Txapelketa taldeka irabaziak dira). Zegamarrak berriz, beraien denbora librean, parrandan edo lagun artean ikasi eta jarduten direnak dira.

Txapelketa honen helburua normalean plazaz-plaza ikusten ez ditugunak kantuan jartzea da, beraiek ere egiten dakitena erakutsi dezaten, eta Goierri mailan etxeko giroan herri bateko zein besteko lagunek gozatzea. Saioa neurri handi batean etxean jokatzen duen herrikokideek antolatu dute. Zegamako ostatua bete egingo da ostiralean, beraz, tokia nahi duenak ahalik bezain laster erreserbatu beharko ditu sarrerak 655713053 telefonoan.

Informazio gehiagorako: www.atera.org

Erantzunak

atera!
2007-06-07 : 15:27

sarrerak agortu egin dira jada dagoeneko. Hala ere, 7 saio izango dira, eta hurrengoetan izango da joateko aukerarik.

atera!
2007-06-09 : 14:04

Txapelketako lehen kanporaketa atzo ostirala hasi zen jokoan, baina gaur, larunbatean, bukatu da. Aurrez-aurre Ataundarrak eta Zegamarrak ziren, eta Ataundarrak txapelketa irabazteko ere faborito ziren arren, ez dira Zegamarren maila berean jardun. Hala ere, saioko benetako protagonista giroa izan da, bai batzuk zein besteak ikustera joandakoek jarri dutena.



Kanporaketa Zegamako ostatuan izanda, herritarrak izan dira gehienak, baina baziren tartean ataundarrak ere, haien herrikoek bertso ona botatzen zuten aldiro jeiki eta animatzen zutenak.



Zegamarrak ere ez dira atzean geratu, ordea. Haietako askok ez zuten halako mailarik espero beraien herritarrengandik, eta bertsotan ederki asko egiteko gai zirela ikusi dutenean, animo artean hegan eraman dute beraien taldea. Horregatik, aurrera egin dute txapelketan, ataundar partehartzaileak guztiz konforme ez badaude ere, haien herrian bueltako saioa jokatzeko gogoz geratu baitira. Hala ere, haien sparringak, Iban Urdangarin bertsolariak esan digunez, “hurrengon gehio entrenau beharko die, gaur ikusi die garai baten eitten zuenakin bakarrik ezin duela irabazi”. Izan ere, ataundarrak gazteagotan oso aurrean ibiliak dira bertsotan, baina aritu ezean, martxa hartzea ez da gau bateko kontua izaten.



Ostatua bete jende ikusi dugun honetan, aipatu beharra dago bertsozaleen txapelketa izan arren, bertso bikain asko joan direla gaurkoan, bertsolari askok gustora botako lituzketenak. Bat aipatzekotan, Jon Arakama “Tyson”ek puntuari erantzunez botatakoa nabarmenduko genuke. IkerZubeldiak jarri zion puntua, eta ulertzeko esan behar da Iker Jonen nagusia dela lanean.



Iker:



Ezkonduko al zera



egunen batean?



Tyson:



Hortan pentsatzen nabil



egun gehienean



baina denbora luzez



nabil ni lanean



eta ezkonduko naiz



jai daukadanean











Hau eta beste bertso askok jendea zutituarazi dute, bertan zegoen giro beroa une askotan lehertuaraziz. Ederki hasi da txapelketa.

Erantzun

Twitter ikonoa  Facebook ikonoa  Sartu