Sustatu

Uztailaren 7an erabakiko dira zeintzuk izango diren Munduko 7 Mirari berriak. Tartean daude Moaiak, Stonehenge, Txinako Harresi Handia, Erromako Koliseoa, Alhambra eta Petra.

LITERATURA ETA IRUDIEN MUNDUA uztartzen dituen ikastaroa antolatu du UEUko Literatur Sailak Literatura. Abiapuntua literatura izanik eta xede horrekin, hainbat azpiatal landuko dira: komikia, ilustrazioa, zinemagintza eta gidoigintza.

Joan zen astean aurkeztu zen Antzuolako Olaran jauregian, Antzuolako hizkera eta ahozko ondarea biltzen duen proiektua. Herriko 50 hiztun ingururen ahozko jarduna dago kontsultagai Interneten, Antzuolarrak berbetan webgunean.

Kao: Sumendiko sekretua bideojokoa argitaratu berri du Elhuyar Fundazioak. Aisialdirako kaleratzen duen bigarren bideojokoa da hau. Ordenagailuan erabiltzekoa da, eta 10 urtetik gorako gaztetxoentzat.

Jean Lassalle UDF-Modem alderdiko hautagaiak diputatu aulkiari eutsiko dio laugarren hauteskunde barrutian botoen % 40,37arekin. UMPko Jean Grenetek (%52,92) eta Michele Alliot-Mariek (%58,37) irabazi dituzte hauteskundeak bosgarren eta seigarren hauteskunde barrutian.

Euskal partaidetza duen PloneGov Software Libreko ekimenak Epaimahiaren Lutece d'Or Sari Nagusia jaso du aste honetan ospatu den Paris Capital du Libre -n. Zope eta Plone teknologietan oinarrituta dagoen ekimen honetan Belgika, Frantzia, Suitza, Holanda, Argentina edo Euskal e-government proiektuak parte hartzen dute.

EuskalNatura.net webguneak dei egin nahi die Euskal Herriko natura argazkilariei webguneko galerian parte har dezaten. EuskalNatura.net-en Euskal Herriko animalia, landare eta onddoen inbentarioa burutzen ari dira eta galerian ahalik eta argazki gehien biltzeko nahia dute. Horretarako jendearen laguntza ezinbestekoa da eta beren argazkiak publikatzea nahi lukeen inori animatzeko deia egin dute.

Uda honetan Iruñean ipuinzaleak elkartuko gara, ipuinaren festa izango da! Datorren uztailaren 16, 17 eta 18an Iruñean ipuin kontaketan trebatu eta sakondu nahi duten hainbat lagun elkartuko gara.

Ba al dauka kontsumitzaileak nahikoa indarrik markei aurre egiteko? Zilegi da blogak horretarako erabiltzea? "Nere esperantza bakarra sarea da", dio Josebak Wolkswagen No blogean laguntza eskatuz, 4.000 euroko faktura pagatzea eskatu diotenean bere Wolkswagen matxuratua konpontzeagatik.

Hostaliak, hosting-zerbitzuak eskaintzen dituen Euskal Herriko enpresa nagusiak, bulegoa ireki du Second Life-n. Horrela, harreman-bide berria eskaintzen die bere bezeroei, baita egoitza berria ezagutu nahi duten bisitari guztiei ere. Alegiazko munduan bulegoa ezarri duen lehen euskal enpresa da Hostalia.

Ez zait gehiegi gustatzen nonbaitera joan eta gero kronika kontatzea... dio Maite Goñi IKTeroak. Baina Espiral saria jaso ondoren kronika idatzi du Kataluniara egindako bidaiaz, eta IKTeroen blogeko lizentzia librea baliatuz, handik hona ekarri dugu.

Bai Euskarari Ziurtagiriaren urteko ekitaldi nagusia ekainaren 14an izango da, Donostiako Kursaal aretoan; sortu eta 7 urtera hain zuzen ere. Une berezia da, izan ere, zehazki, 2000. urteko ekainaren 13an sortu baitzen Bai Euskarari Ziurtagiria.

(Eitb.com ataria berrituta ageri da gaur, baina lehen bistadizoan, gazteleraz hobetsita lehen orria. Sustatuzale bat kontaturatu da eta hau idatzi du) Hauxe da info@eitb.com-era bidali berri dudan gutuna. Pentsatzen dut badela gogoeta berri baterako garaia...

Softwarearen kopia lizentzia gabeak (batzuek piratak esaten diete) saldu dituzten denda askoren artean Donostiako Indi PC Guipuzcoa, Bilboko Euro System Informatica eta Gasteizko Bikain Ordenadores daude. Saltzaileon kontrako epaiak Microsoftek berak argitaratu ditu.

Egun nazioartean protagonismo zuzena duten zenbait aldagai ideologikoren dinamikak aztertzea eta hortik sortu daitezkeen parametroen bitartez nazioarteko zenbait gatazka eta harremanen inguruko hausnarketa egitea da IKASTARO honen helburua.

HUHEZIk bi ikastaro antolatu ditu nazioartekoak 2007-2008 ikasturterako. Biak ingelesez emango dira erabat, ikasturteko lehen lauhilekoan, eta bertan parte hartuko dute 10 bat ikaslek, erbestetik etorriak.

Euskal Herriko Unibertsitateak antolatutako Bilbao Arte eta Kultura topaketen VIII. edizioan, tailer bat emango dute Nacho Vigalondok eta Borja Cobeagak, film labur bat egiteko eman behar diren pausoak erakusteko.

Askotariko edukiekin hornituriko web orri berritua du Hamaika Bertute bertsolari eta gai-jartzaile taldeak. www.hamaikabertute.net webgunean aurkituko dituzue guztiak: bertso-saioetako kronikak, argazkiak, taldekideen bertso-idatziak, iritzi artikuluak... Atal berri-berri bat ere bada: asteko argazkia. Astero, gaurkotasunari loturiko argazki bat zintzilikatuko da webgunean, eta taldekideek zein bisitariek bertsoz ilustratu ahal izango dute errealitate puska bat.

G8 bileran Putin-ekin bapo jan eta edan ibili den Sarkozy-ren UMP alderdiko hautagaiek izan dira garaile Iparraldean eta Frantzia osoan Bostgarren Errepublikaren XIII. legealdiaren Legebiltzarrerako egin diren hauteskundeetan, Barne Ministeritzak argitaratutako datuen arabera.

Joan den astean Googlek egindako iragarpen ugarien artean (Panoramio erosi dutela, Google Gears aplikazioa, eta beste makina bat), mapekin lotutako hau interesgarria iruditu zait: Street View ikusmira AEBetako zenbait hiritako kaleetan. Teknikoki nola egiten duten bereziki interesgarria iruditzen zait.