Sustatu

Karrajuan ariketa ikusi genuen duela egun batzuk, aprender euskera bilatu Interneten, eta nekez aurkituko duzu euskaltegirik. Hala ere, Interneten ere presentzia badute euskaltegiek matrikulazio eta marketin sasoi hauetan.

Go2Web2 webgunean irakurri dut erabiltzaileak sortutako edukiak —hori baita Web 2.0ren ezaugarririk behinenetako bat— iritsi direla pornografiara ere. Kontua da hainbat aplikazio sortu direla hortik zehar, jendeak bertara igo ditzan bideo pornoak, besteekin partekatzeko. (Joxe Aranzabalen artikulua Faroan, handik hona bere lizentziari esker ekarria)

Googlek bere bi zerbitzu konbinatu ditu tresna bibliografiko indartsu bat sortzeko: bilaketa pertsonalizatuak eta liburuen zerbitzua baturik, aukera handiak dituen tresna jaio da. Ricardo Gomez euskalariak sortu duen bilatzaile honek erakusten du potentziala.

Aranzadi Zientzi Elkatea eta Eusko Ikaskuntzaren Asmoz Fundazioa bat datoz, egun, arkeologian aplikatzen ari diren diziplina zientifiko berriak bultzatzearekin, etorkizunean gure lurraldean egin daitezkeen indusketetan arduradun izan daitekeen ororentzat. Hori dela eta Zientzia eta Teknika arkeologiari aplikatutako ikastaroaren bigarren edizioa antolatu dute.

iPhone produktua izan da 2007ko Appleren eskaintza berri nagusia, oraingoz Estatu Batuetan konpainia jakin batekin bakarrik kontratatu daitekeen zerbitzua. Merkaturatu zutenean, ilara handiak izan ziren salmenta puntuetan, eta marketin arrakasta behintzat izan zuen. Aste gutxiren barruan, berriz, bi iragarpen handi egin ditu Applek: iPod Touch ipod modeloa, batetik (iPhone bat telefonorik gabe, funtsean), eta iPhone telefonoen prezio berriak, 200 dolar merkeagoak.

Estanis Osinalde hil da, Mutrikuko alkatea, minbiziak jota. Medioetan azpimarratzen da bere kargu politikoa, baina biografian badu beste datu bat: Itoiz musika taldeko lehen bateria-jolea izan zen.

Elhuyar Fundazioak itzultzaile/zuzentzailea behar du Hizkuntza Zerbitzuen sailean jarduteko (Erref.:HZ02)

UZEI Terminologia eta Lexikografia Zentroak informatikari baten lanpostua eskaintzen du bere ikerketa-talderako.

Aurten, laugarrenez, itzultzaileen lantegia antolatu du elkarteak, euskaratik beste hizkuntzetarako literatur itzulpengintza sustatzeko asmoz. Datorren astean, Iban Zalduaren Itzalak liburuko izen bereko narrazioa landu eta itzuliko dute lau itzultzailek, idazlearen laguntzaz: frantsesera, alemanera, italierara eta gaztelaniara aldatuko dute testua.

Mundu osoko 50 proiektu baino gehiago aurkeztu dira, eta 7 geratu dira finalista eta hauen artean Euskal Herriko proiektu bat: Saregune, Teknologiaren giza eta elkarte erabilpen alde Gasteizko alde zaharrean diharduen ekimena.

Ostiral honetan, irailak 7, arratsaldeko zazpietan munduko Paquito Chocolatero handiena egiteko lehen ahalegina antolatu du Parisko Eskual Etxeak Parisen. Guiness Errekorra hausteko beste sei ahalegin egingo dira Munduko Errugbi Txapelketak dirauen bitartean, urriaren 20 arte, alegia. Saiakera guztietara zuriz eta gorriz jantzita joateko eskatu dute.

Euskal Herrian Lurralde Antolamendu eredu desberdinak daude, besteak beste administrazio desberdinek erabakitzen dutelako gaiaren inguruan. Honek, lurraldeen arteko beharrak eta interesak alde batera uzten dituzte. IRAILAREN 29an, IRUÑEAKO BALUARTEN gai honen inguruko jardunaldia izanen da. Ikus informazio osoa www.nabarralde.info/jardunaldiak blogean.

Aste batzuen buruan, Darfurreko haur umezurtz bat hartuko dugu gure familian : Otamendian 5etik 6 izatera pasako gara. (Aiherran, Nafarroa Beherean, bizi diren lagun batzuen gutuna ekarri nahi izan dut hona).

EuskalNatura.net webguneak Euskal Herriko natura argazkiak Google Earth-en ikusteko aukera martxan jarri berri du. Aipatu webguneko galeriako argazkiak ikusteko bisita birtuala egiteko aukera jarri dute. Bertan Euskal Herriko txokorik ederrenak, landareak, animaliak eta abar ikus daitezke modu erraz eta intuitiboan.

Euskal partaidetza duen PloneGov ekimena finalista da European eGovernment Awards 2007 sarietan. Beste bi proiektu euskaldun zeuden: Eusko Jaurlaritzak aurkeztutako Konekta Zaitez Ciudadano eta Bizkaiko Foru Aldundiak proposatutako Eskuar. Bizkaia.net , baina ez dira ailegatu finalera. Plonegov gustukoa baduzu irailaren 7arte izena eman eta proiektuaren alde bozka dezakezu.

Txioka.net twitter erabiltzen dutenen euskal herritarren sarea da. Bertan edonork interesgarriak diren gauzak, zer egiten ari zaren, gomendatu nahi dituzun gauzak eta ekitaldiak zehazteko aukera izango duzu. Sarearen partaideek irakurri eta parte hartzeko aukerarekin.Bere bertsio mugikorrari esker mugikorretik ere jaso ahal izango duzu.

Euskarazko ekimen berri bat aurkeztu da gaur sarean. Youtube arrakastatsua oinarri hartuta diseinatutako webgunea da eta Interneteko euskal bideosormenaren erreferente nagusi bilakatzeko asmoarekin jaio da. Euskaltube.com du izena eta, funtsean, Interneteko erabiltzaileei beren bideoak bidali eta ikusteko aukera eskaintzen die, beste parte hartze tresna batzuekin batera.

Kontseiluak Euskal Herriko museoetan euskararen egoera aztertu du. Uda parteko oporretan bete ohi dira bisitariz museoak. Aurtengo udan, Kontseilua bisitari horietako bat izan da eta Euskal Herri osoko 19 museo aztertu ditu galdera honi erantzuteko asmoz: euskara, museorako hizkuntza?

ETB2 euskeraz? Horrelakorik oraindino inork espero ez bazezakeenere, hala izango da, ETBren Heroes telesaila ETB2-tik ikusi ahalko baita, baina ez bakarrik gazteleraz. Nahi duenak euskeraz ikusteko aukera izango du.

British Libraryk eta AEBetako Office of Scientific and Technical Information delakoak worldwidescience.org nazioarteko ikerkuntzari buruzko zientzia atari berria eta globala izan nahi duenaren prototipoa sortu dute. Ikerketari buruz ohizko bilatzaileen bidez nekez eskura zitezkeen informazioak aurkitzen laguntzeko jaio da.