Teknologia albisteak

El Paiseko kazetariek, Che-ren alde, ugazabari aurre

r.xalba garez

2007-10-18 : 16:10

Kalapita bitxia "El Pais"eko erredazio kontseiluaren matxinada eragin duena. Madrilen egunkari horrek dituen 250 kazetarien artean bi heren baino gehiago asaldatu da "el Paisek" (Pradera jaunak, edo Unzuetak akaso?) Che.ren irudia kakazteko egin duen editorialarekin.

Konbertsoa izaten omen da bere aurreko jainkoen aurkako etsairik zitalena.

Bada, PRISAn ezkerreko izpiriturik oraindik balego, "El Pais"eko erredazioan botaka hasi da azkenean: Sinboloak eta santorala horrela kakazteko premia, akaso, ETAri eta bere jarraitzaileei begira ere, imaginario iraultzaile osoa desaktibatu beharretik dator. Oilarrak hirugarren kukurrukua jo aurretik, ez, ez eta ez, Chavezi, latinamerikako iraultzari eta noski, bazpare, Bolivarri ta Che.ri.

Pascual Serranok analisi zorrotza egiten du El Paisek Che.ri eskeiniko editorialekin

Erantzunak

Luistxo

2007-10-18 : 17:26

Ez da El Pais-eko erredakzioan azken aldi honetan izandako kalapita bakarra. Beste hau ere jakingarria da, kalera bota duten erredaktore baten kasua.

El Pais-eko Babelia kultura gehigarriko zuzendaria, Maria Luisa Blanco, despeditu egin dute.

Akrostiko/poema batekin esan du agur: ECHEVARRIA, irakurri daiteke, bere olerkiko lerro bakoitzeko lehen letrak batuta irakurtzen ahal da akrostikoa.

Ignacio Echevarria bat izan zen Bernardo Atxagaren Soinujolearen Semearen kritika idatzi zuena Babelian: filo-terroristatzat jotzen zuen Atxaga, gutxi gora-behera.

El Paisek eta Echeverria hark polemizatu egin zuten luze, eta orain Maria Luisa Blancok dio kontu hori dagoela, hiru urteren buruan, bere despidoaren atzean.

Blanco, Atxagaren etsai harekin alineatuta egon da kontu honetan, Savaterren linean edo: egokia da filonazitzat jotzea euskal idazle bat, hori adierazpen askatasuna da.