Teknologia albisteak

Debabarrenaren garapen iraunkorrerako bloga, Ibaiarte

Rikardo Idiakez - Debegesa, Debabarreneko Garapen Agentzia

2007-10-22 : 16:10

Debabarrenak badu jada eskualdeko garapen iraunkorraren inguruko gaiez eztabaidatzeko txokoa interneten: Ibaiarte bloga. Deba ibaia bizkarrezurtzat duen eskualdean garapen iraunkorrerako apustua egin da eta, horretarako, herritarren iritzia plazaratzetik hastea da onena.

Deba ibaia, adindunen egoera, energia berriztagarriak, enpresen berrikuntza, kutsadura eta beste gai asko daude eztabaidagai blogean. Gainera, aldian-aldian berrituko dute gai-zerrenda. Zuk ere gai hauen inguruan esatekorik baduzu, bisita ezazu gure bloga eta eman zure iritzia, IBAIARTEn izango baita zure kezka eta ezinegonen plaza digitala.

Ezagut ezazu Ibaiarte.