Jimmy Wales, Wikipediaren sortzailearen hitzaldia Miñaon

Egunero hasten, 2001ean sortu eta orain bertan Wikipediak 8,8 miloi artikulu ditu, zehazki 8.788.214, eta 253 hizkuntzatan . Hori dela eta, inoiz egindako entziklopediarik handiena da Wikipedia.

Ingelesezko wikipedian, handiena, 2.053.636 artikulu daude, aldiz beste wikipedia batzuk hasi berriak dira, esate baterako Bantuen Herero lengoaian edo Sonja Elen Kisa-k asmatutako Toki Pona lengoaia minimalistan ez daude oraindik artikulurik.

Artikulu kopuruari dagokionez, euskarako wikipediak 20.958 artikulu ditu eta 47. postuan dago. Handitzeko eta hobetzeko zure laguntza ondo etorriko zaio.

Jimmy Wales

Jimmy Donald Jimbo Wales Huntsvillen (Alabama, Estatu Batuak) jaio zen 1966ko abuztuaren 7an. Auburn eta Alabamako Unibertsitatean graduatu zen, eta Larry Sanger-ekin batera, wiki kontzeptuan eta software libreko ereduan oinarritutako Wikipedia sortu zuen.

Antolatzaileen deialdian dioenez "Walesek esandakoaren arabera, Wikipedia erabateko ideia batean oinarrituta dago: Internet-ekin egin dezakegunari eta Internet-ek izan behar duenari buruz gehienok dugun ametsa egi bihurtzea. Mundu luze-zabaleko hamaika miloi pertsonok, edozein kulturakoak izanda ere, elkarrekin eta armonian lan egiten dugu informazioa askatasunez trukatzeko."

Gaur egun Wales Wikimedia Fundazioaren presidente emeritua da. Fundazioak ez du irabazteko asmorik eta Tampan dago (Florida).

Hitzaldia Miñaon

Hitzaldia Zientzia, Teknologia eta Berrikuntzaren VI. Astearen inaugurazio-ekitaldi bezala planteatu da. Informazio eta Komunikazio Teknologiei (IKT) buruzko hitzaldia, eta datorren azaroaren 5ean, astelehenean, izango da, goizeko 11:00etan Arabako Teknologia Parkeko Auditoriumean (Lumiere anaiak, 11. Miñao).

Sarrera doan da, izen emateak hemen .