Sustatu

ETBkoak Google-n sartu dira, Espainiako erregeak Venezuelako presidenteari botatako purrustadaren arrastoari segika. Beti bezala, zenbat eta teknologikoago agertu nahi, orduan eta ezjakinago direla erakusten dute.

Elgoibarko IMH - Makina Erremintaren Institutuak, webgunea berriztatu du eta 2.0. ildoa jarraituz IMHrengana zuzentzen direnen pertsona, enpresa eta erakundeen ikuspegia landu eta zerbitzu eta atal berriak eskainiko ditu.

Benoit Mandelbrot geometria fraktalen aitak, hitzaldia emango du azaroaren 16an, Donostiako Arkitektura Eskolan, goizeko 11etatik aurrera.

Atzo arratsaldean aurkeztu zen Zarautzen "Zarautz Hizketan" proiektua. Udalaren beka bati esker Zarauzko 50 aitona-amona elkarrizketatu dira azken urteotan, eta herriko hizkera eta ahozko ondarea bildu da. Jasotako guztiaren emaitza dira atzo aurkeztutako liburua, DVDa eta webgunea, Hizketan.org.

Herenegun argitaratu zen Urola Kostako HITZA berrituaren lehen zenbakia, eta datozen egunotan azal berriarekin plazaratuko dira gainerako sei hitzak ere: Tolosaldekoa eta Leitzaldekoa, Goierrikoa, Oarsoaldekoa, Irutxulokoa, Lea-Artibai eta Mutrikukoa, eta Busturialdekoa. Interneteko edukiak eta papereko edizioa elkar-eragileak bilakatzea da aldaketaren asmoa, herritarrak eta gizarte eragileak informazio igorle bihurtuz.

Jasotako kritikei erantzun nahi izan die e-postaz Keith Johnson Wall Street Journal-eko kazetariak. Badakizue zein den kontua. Sustatuzale bat izan da erantzun hori jaso duenetako bat eta ingelesezko testua bidali digu. Itzuli egin dugu guk (ez da zinpeko itzulpengintza zertifikatua, bale?)

Keith Johnson kazetari eta filologoa AEKra hurbildu zen euskararen berreskurapenaren gainean erreportajea egiteko asmoz (WSJ-ko kazetariarekin izandako tratuaz mezua utzi du AEK-ko prentsa bulegoak Sustatuko erantzunetan: portadara ekarri dugu testu hori, lotura batzuk gehituta).

Nabigatzaileen tresna-barran ohizko bilatzaileak egoten dira txertatuta. Hemendik aurrera Elebila ere eskura izango da.

Ostiralean, azaroaren 9an, Gaztezulo Sound System izango da Donostiako Sagueseko zabalgunean. Karpa berezi baten barruan, ekimen berezia antolatu du Gaztezulok, eta guztiak gonbidatuta zaudela.

Amorebieta-Etxanoko Udalak bere web orri berria  aurkeztu du, informazio osatuagoaz eta  zerbitzuak on-line eskainiz, herritarrek izapideak errazago egin ditzaten. Webgunea Codesyntax enpresak garatu du eta Plone software libre CMS-an oinarritzen da. Web orri berriak lau atal nagusi ditu: Bizi, Ezagutu, Udala eta Izapideak. Albiste eta agenda on-line zerbitzua ematen du, harpidetza epostaz eta RSS egiteko aukerarekin. Kale-izendegia sortzeko Google Maps erabiltzen du.

Arrasateko AED Elkarteak eta Elkar argitaletxeak, Kutxaren laguntzarekin, Jokin Zaitegi arrasatear idazlea gogoratzeko eta hark literatura unibertsala euskaratzen egindako ahaleginari jarraitzeko, XXI. Jokin Zaitegi Sariketa antolatzen dute, aurtengo Literaturako Nobel saridunaren lana itzultzeko erabiliko dena, ondorengo oinarrien arabera.

Azaroaren 10ean Indarkeria-eza aktiboa Jardunaldien VI. edizioa antolatu du Bidea Helburu taldeak Donostiako Miramar Jauregian. Partaidetza doakoa eta librea da. www.bideahelburu.org webgunean aurreko edizioetako testuak daude irakurgai (Jean marie Muller, Paul Nicholson, Andreas Krakenberger, Javier Sádaba, Juan Marí Setien, Mabel Cañada, Arcadi Oliveres, Gorka Torre, Jon Sarasua, Jonan Fernandez, Elena Grau, Mario Zubiaga...) eta hainbat gairi buruzko idatziak: Palestina eta Irak-eko egoera, desobedientzia zibila, antimilitarismoa, autodeterminazioa..

Karkara kultur elkarteak karkara.com webgunea aurkeztu du. "Orioko eta Aiako orainkaria" bataiatu du Karkara taldeak bere webgune berria, helburu nagusia bi herrietan gertatzen dena momentuan bertan ezagutaraztea baita.

Berriki eta oso denbora tarte txikian, bi web zerbitzu interesgarri agertu dira euskal Internetaren panoraman: CorpEus eta Elebila. Interneteko hainbat tokitan irakurritakoagatik, badirudi zerbitzuok aurkeztean ez dela ongi ulertu zertan datzan teknologia hori. Artikulu honetan argiago azaltzen saiatuko gara CorpEus eta Elebilaren azpian dagoena.

Hasieran despistatu samar agertu zaigu Jimmy Wales gaur goizean Gasteizen egin duen aurkezpenean (Bilbao - Spain zuen idatzita aurkezpenaren izenburuan), baina hitzaldi labur eta zehatz batean, wikipedia proiektuaren ezaugarri eta datu nagusiak eman ditu, eta batez ere duela ia bi urte sortu zuen Wikia proiektuan jarri du bere arreta.

Antic Pays Basque-k bultzatzen du Euskal Herri Numerikoa labela, lurraldearen marka bezala planteatuta dago eta erakunde ezberdinak parte hartu dute prozesuan. Euskal Kultur Erakundea eta Baionako Merkataritza Bulegoa izan dira labela lortu duten azken erakundeak, baina www.pays-basque.eu webgunean aurkitu daitezke labeldun guztiak.

Sony - Sony Pictures Television eta MGM Metro-Goldwyn-Mayer Studios Inc gehitu dira NBC eta Fox-ek sortu zuten Hulu.com ekimenera. AOL, MSN, MySpace, Yahoo! edo Comcast bezalakoekin ditu akordioak, eta produktora gehiago gehitzea espero da Youtubek egunero irabazten duen audientziari aurre egiteko.

Herri-hizkeraren II. jardunaldia antolatu dugu Ondarroan, azaroaren 30erako, planteamendu honetatik helduta: herri-hizkeraren ekarpenak eta praktika onak.

Dibulgazio-artikuluen hiru sari nagusiak eta gazteentzako sari berezia ez ezik, dibulgazio-liburu bat idazteko beka ere emango dute antolatzaileek, bosgarren aldiz

Elkarrizketa bikaina egin dio Kevin Heredia delako batek, Berrian, Europako literaturan egun punta-puntako idazlea den Enrique Vila-Matasi.