Sustatu

Nazioarteko Ploneconf 2023 konferentzia Eibarren egingo da urrian. CodeSyntax Eibarko enpresak Udalaren lankidetzarekin antolatua, ekimenak mundu osotik etorritako 200 bat aditu elkartuko ditu, Plone software libreko plataformaren garapenaz jarduteko. Sustatu egiten duen enpresa da CodeSyntax, eta bideo hau prestatu dugu gure herria eta PloneConf aurkezteko.

28M Locales izeneko aplikazioa prestatu du Espainiako Barne Ministerioak gaurko Hego Euskal Herriko udal hauteskundeen emaitzak emateko. Euskaraz partzialki dago, erdipurdi lokalizatuta, baina tira, zeozer. Adi, Aldundietako foru hauteskundeak eta Nafarroako Parlamentukoak ez ditu ematen aplikazioak.

Euskararen etorkizunaz gogoetatu eta gazteei entzuteko jardunaldiak antolatu dituzte Kontseiluak eta Jaurlaritzak lankidetzan: "Zer behar dute gazteek?", galdera hori da leloa, eta horri erantzuten saiatuko dira ekainaren 1 eta 2an Bilboko BBK Kunan izango den topaketan. Doako topaketa da baina izena eman beharra dago, astelehenera arte (maiatzak 29).

Nazioarteko Astronomia Elkarteak (International Astronomical Union, IAU) euskarazko Su eta Gar izenak esleitu dizkie ofizialki Virgo konstelazioaren ikusmiran dauden GJ486 bikoteko Gliese 486 izarrari (hau da Gar) eta bere inguruko Gliese 486 b exoplanetari (hauxe da Su, biak jada euskarazko Wikipedian txukun izendatuta).

K-Pop-aren fenomenoaren nazioartekotzean, Q-Pop bideo eta audioak entzuten pasatu dugu zuzeneko saioa Twitchen eta Segura Irratian. Q-Pop ketxuerazko popa da, korear ereduen gainean eraikia. Eta baita Kazakstangoa ere... Eta denetarik entzunda, denak gustatu zaizkigu.

BBCk explainer bat kaleratu du, azalpen-bideo bat bere gaztetxoenentzako edukien atalean, azalduz nola hizkuntzen aniztasuna bio-aniztasunarekin lotua egon daitekeen. Euskal Herrian ere egin dira azterketak honetaz, hala nola Dylan Inglisek eta Unai Pascualek egina. Lan horiek eta beste kontu batzuk aipatuz, Iñaki Sanz-Azkue Arazandi elkarteko biologoak haria idatzi du, eta haritik hona ekarrita testu bihurtu dugu hausnarketa hori. 

Yanapaway kunantuta!: "Lagun nazazu, salba nazazu", kitxueraz. Kantu baten izenburua, BTS talde korearraren Save me gaiaren bertsio bat, ketxueraz nagusiki (gaztelaniazko parteekin) Lenin kantari peruarrak abestua.

Metak (Facebook-en enpresak) hizkuntza-ezagupenerako eredu erraldoi bat aurkeztu du eta publikoki banatu Github bitartez: Massively Multilingual Speech (MMS) delako proiektuak, Metaren arabera, hizkuntza-ezagupeneko audio gaitasuna hedatzen du 100 hizkuntza ingurutatik, transkripzioarekin, 1.100 hizkuntzara; eta ezagupen hutsa 4.000 hizkuntzatarainokoa omen da. 

Aste honetan aurkeztu da Donostian Holaxe bizi da Xola, Bernardo Atxagaren liburua. Urteetan argitarturiko Xola txakurraren haurrentzako 5 liburuak azal gogorreko edizio batean batu ditu Ereinek edizio honetan, eta azken bi aleetan ukituak ere egin ditu Atxagak. Aurretiko liburu horietarik batzuk katalogoz kanpo daudelarik, argitalpen esanguratsu bat da euskarazko haur literaturaren alorrean. 1995etik Xola marraztu izan duen Mikel Valverde ilustratzailea da kolaboratzaile edizio berri honetan ere.

(H)itzartu EITB ekimenak elkarretaratzea antolatu du biharko (maiatzak 20, larunbata), 12etan, Bilboko EITBren egoitzaren aurrean, ETB1en nazioarteko zine programazio bat euskaraz ikusi ahal izatearen alde. “Stop betoari! Nazioarteko filmak euskaraz!” leloarekin deitu dute bilkurara, eta zenbait atxikimendu jaso dituzte, besteak beste talde hauenak: AEK, Bieuse bikoiztaileen elkartea, Euskal Encodings, Zer Non Ikusi webgunea, Steilas sindikatua eta Bilboko Kafe Antzokia. Beste inork babestu nahi balu, dei egin dute txio baten bidez aipatzeko bat-egitea deialdiarekin.

Twitcheko eta Segura Irratiko zuzeneko honetan, bi gai aipagai nagusiki: 

• Spotify aplikazioa euskaraz erabili daitekeela jada, katalanek aurrepauso bat eman ondoren.
• Abizen mapak, zenbait webgune interesgarri.

Abizen mapak dira Europako herrialde batzuetarako garatzaile batek (Savara delakoak) sortu duen webgune eta app sorta. Euskaldunoi bertsio espainol eta frantsesa interesa dakiguke, Euskal Herri osorako bilaketaren: faltan... Mapadeapellidos.eu eta Nomdefamille.eu dira web aukera horiek.

Joan Mari Irigoien (Altza, Donostia, 1948) idazlea gaur hil da. Nobelagintzan, poesian eta haur literaturan jardundako idazlea izan zen altzatarra. Hark idatziak dira, besteak beste, Oilarraren promesa, Babilonia eta Lur bat haratago eleberriak, azken hau euskaraz idatzitako luzeenetakoa.

Herenegundik Spotify, musika streaming eran entzuteko munduko zerbitzu ezagunena, euskaraz dago. Aplikazioa euskaratu dute, eta, bidez batez, Spotify Premium pirata dutenek ere euskaraz ikusiko dute edukia. Webgunean ordea oraindik ez dago euskarazko aukerarik (bai ordea katalanez).

Udazkenean Bilbon egingo den Seriesland ikus-entzunezkoen jaialdian lanak ikustarazteko deialdia ireki dute. Web fest eta ekoizpen digitalen haialdia gisa aurkezten da ebento hau eta azaroaren 6aren eta 11aren artean egingo da. Bertara lanak aurkezteko epea, aldiz, hilabete honetan dago irekita, maiatzaren 31a arte.

Mondragon Unibertsitateak (MU) Aretxabaletan duen Komunikazio Campusean egingo da formakuntza aukera interesgarri hau uztailaren 3tik 7ra. MUko Ikus-entzunezko Komunikazio graduak eta Goiena taldeak antolatzen dute, eta aurtengoan (3. edizioa da) bideo-podkasta izango da bereziki landuko den trebakuntza alorra.

Sustatuko editoretza taldeko Asier Sarasua txorizalearen bidez, aurten berri eman dugun baliabide batzuen berri; nola eBird webgune eta aplikazioak euskaraz dauden orain, edo txori kantuak identifikatzeko tresnak. Bi kategoria horietan, aplikazio hauen erabilpen hazkunde galanta ari da gertatzen azken hilabeteotan. Erabiltzaile euskaldun batzuen jardunean Merlin kantu-identifikatzaileak izan duen harrera ona ere ikusi dugu. Atzo Twitcheko gure ohiko zuzenekoa horretaz jardun genuen. Artikulu honetan emanaldi horren bideoa ere itsatsi dugu.

Twitch bidez eta Segura Irratian Asier Sarasua orntiologoarekin solasean jardun dugu. Txorietan interesa dutenentza zenbait garapen teknologiko aipatu eta ikus ditugu: eBird app eta webgunea (euskaratuta daudenak), eta Merlin, txori kantuak identifikatzeko aplikazioa.

Datorren astelehenean, maiatzaren 15ean, hasiko da Egunean Behin jokoaren denboraldi berria, jokoaren 11.a denboraldia 2019an abiatu zenetik. Denboraldi honetako babeslea Elkar izango da, euskal kulturako argitaldari eta denda katea, aurreko denboraldiren batean ere babesle izan duguna. Aurreko denboraldian lau urte beteta, eta 60.000 erabiltzaile baino gehiagorekin, beste txanda bati ekingo diogu orain udara bitartean.

Kanaldude Nafarroa Behereko tokiko telebistak duela gutxi berritu du webgunea, eta hedapena zabaltzea erdietsi ere; eta orain beste mugarri interesgarri bat probatzera doaz: Mus lehiaketa bat telebista emankizun moldean antolatua. Bikote bila casting irekia deitu dute, Euskal Herrirako eta diasporarako ere bai.