Basque Open Industry biltzarra BECen

ETEen aste europarra azaroaren 13tik 17ra bitarte izango da, eta BOI biltzar honek bi lehenak beteko ditu BEC-en.

Azaroak 13

Lehen egunean, 13an, Lehen egunean, Estatu Batuetako Energia Saileko ordezkari batek eskainiko du konferentzia nagusia eta, ondoren, mahai-inguru bat izango da Euskadiko industria-ekosistemari buruz, nazioarteko ikuspegitik begiratuta. Gainera, Euskadiko Nazioartekotze Agentziak (Basque Trade & Investment) talentuak erakundeetan duen garrantziari, industriarekin lotutako bokazio profesionalak sustatzeko beharrari, nazioarteko inguruetan dagoen jarduera profesionalaren gaitasunari eta talentua erakartzeko politika publiko-pribatuak zabaltzeko beharrari erreparatuko dio.

Arratsaldean, BIND 4.0 programaren arrakasta-kasu batzuk hurbiletik ezagutzeko aukera egongo da. Programa horrek ia 200 startup suspertu ditu, hainbat tamaina eta industria-sektoretako Euskadiko beste enpresa batzuekin izandako loturari esker.

Azaroak 14

Asteartean, industria adimendunaren joera berriei erreparatuko diete, bi gai nagusirekin:

• Adimen artifiziala Basque Artificial Intelligente Centeren (BAIC) eskutik.
• Industria alorreko zibersegurtasuna.

Bestetk, Basque Research & Technology Alliancen (BRTA) inguruan bilduta dauden Euskadiko zentro teknologikoen indarra agerian geratuko da digitalizazioari eta industria berdeari buruzko hainbat hitzalditan, bere ikerketa-agendaren lau lerroak azalduz:

1. Industria Adimenduna,
2. Osasun pertsonalizatua,
3. Elikadura Jasangarria eta
4. Trantsizio Energetikoa.

Halaber, arratsaldean fabrikazio aditiboarekin, material aurreratuekin, robotikarekin, makina adimendunekin eta osasun digitalarekin hainbat arrakasta-kasu azalduko dituzte Basque Digital Innovation Huben (BDIH) barruan.

Informazio gehiago

Izena emateko eta informazio gehiagorako, hemen: https://agenda.spri.eus/basque-open-industry/