EAEko Udal Legea Konstituzioaren kontrakoa da "oreka linguistikoa" urratzeagatik

Euskara hutsezko udalbatzaren funtzionamenduak zera erasotzen du, Konstituzionalaren arabera: bi hizkuntza koofizialen arteko oreka linguistikoa, zeren eta gaztelaniaren erabilpena jartzen da euskara ez jakitearen baldintza gisa". Horrek murriztu egiten omen du, bidegabe, herritarrek administrazioarekin jardutean hizkuntza aukeratzeko daukaten eskubidea.

Beste epai ezagun batzuetan, justo kontrako argudioarekin zapaldu diren euskaldunen eskubideak: non eta herritarrek administrazioarekin jardutean hizkuntza aukeratzeko eskubidea behar luketen, zeren epaiak egon dira berriki esaten dutenak deialdi publikoak zerbitzuak eta langileak kontratatzeko, hor ezin dela euskararik eskatu. 

Era horretako kasuak izan dira:

• Uliazpiko kasua, gizarte zerbitzuetarako beharko luketen langileen kasuan, ezin euskara eskatu.
• Irungo udaltzainen hizkuntza-eskakizunen kasua.
• Barakaldoko kultura zerbitzuena: ezin dela deialdian euskara "inposatu".

Adierazpen batzuk gaur arratsaldean bertan jakinarazitakoak:

• UEMA: Hau ez da euskararen aurkako oldarraldiaren beste katebegi bat soilik. Hau marra gorriak gainditzen dituen erabaki larria da.
• Topagunea: Oldarraldi atzerakoi eta erdalzalea indartzen duen erabaki oso larria hartu du Espainiako Auzitegi Konstituzionalak. Azaroaren 4an Bilboko kaleetan irmo erantzungo dugu!
• Kontseilua: Oldarraldi judizial erreakzionarioaren azken kolpea. Batasunetik erantzun irmoa emateko lanean gaude. Azaroaren 4an Bilboko kaleak beteko ditugu!

Adierazpen horietan agertzen den azaroaren 4koa deialdiaren aipua honi buruz da, Kontseiluak deitutako manifestazioa.