Jokoteknia, 6. edizioa datorren asteburuan
Jokoteknia Bideojokoen Euskal Jardunaldiaren seigarren edizioa egingo da azaroaren 11n, larunbatarekin Euskararen Etxean, Bilbon, 09:45etik 13:00etara. Jardunaldia streaming bidez jarraitu ahal izango da EITBren webgunetik.
Aurtengo jardunaldian askotariko gaiak aztertuko dira, betiere bideojokoak eta euskara ardatz direla. Lau hitzaldi nagusi egongo dira:
- Daniel Muriel soziologo eta ikertzailea bideojokoen garrantzi sozialaz arituko da;
- Eider Zabalegi eduki sortzaile eta bideojokozaleak edukiak sortzeaz eta euskaraz arituko da, biak uztartuz;
- EHUko irakasle Edurne Larrazak bideojokoak eta hezkuntza izango ditu hizpide; eta, azkenik,
- Highnoon Ekain (Ekain Zarraua) bideojoko garatzaile eta ekoizlea bideojokoen sormen prozesuan murgilduko da.
Hizlari horien profil osatuagoak hemen.
Horiekin batera, mahai ingurua izango da Digipen Europe-Bilbao Institute of Technologyko, Harrobia Ikastolako eta Tartanga Lan Heziketarako Zentro Integratuko ikasleen parte hartzearekin.
Argazkia, gaur egin den aurkezpenekoa. Informazio gehiago: https://jokoteknia.eus/
Erantzun
Sartu