Sustatu

Europako Batasunaren lehendakaritza hartu duenean, Txekiak eskultura alegoriko hau ezarri du Bruselan, David Czerny artistaren lana da, herrialde bakoitzeko beste hainbat artistaren laguntzarekin egin zuela esan zion Txekia Gobernuari, baina ez da egia, dena txantxa bat da, Czernyk Txekiako gobernuari eta Europako Batasunari sartutako ziria.

Urtea hasi berritan, Mara Mara Taldea (www.maramara.net) hizkuntza zerbitzu berria sortu da. Ohiko hizkuntza zerbitzuak (itzulpenak, zuzenketak, interpretazioa, transkripzioa) kalitatez eskaintzeaz gain, ikerketaren eta teknologia berrien aldeko apustua egingo du.

Bangalore, Silicon Valley, Singapur, Dubai, Shenzhen, Stockholm, Sheffield, Valentzia, Bilbo… munduan zehar badaude hainbat hirik zein lurraldek berrikuntza erakarri eta sustatzen dituenak.

Urtarrilaren 23 eta 24an Bilbon egingo dira Topaguneak antolatutako esku era jardunaldiak, Bilborock aretoan. Sormena izango da aztergai jardunaldietan, euskara elkarteak ardatz hartuta.

AHTk eragingo dituen kalte ugarien artean, gure kultur ondarea ere arriskuan dago. Durangaldean ehunka urte dituzten hainbat baserri bota nahi dituzte eta orain arte inor ez da arduratu kultur ondare hori zaintzeaz. Artikuluan baserri horretako bat nabarmentzen da, Abadi�oko Mendilibar Erdikoa, gaur egun egoerarik latzena bertan bizi baitute.

Hautatu irteera, helmuga nahiz denbora-tartea eta bilatu garraio ezberdinen ordutegiak, prezioak eta ibilbidea, Gipuzkoan, betiere. EHUko ikasle pare baten ikasgai baterako proiektua da Mugitu.com, nonbait, eta Arraytxiki web laborategiak ostatatzen duen lehen ekimena da.

Urtarrilaren 10ean Zarautzen egingo den ekitaldi honen iragarpen original bat bidali digute. "Batzuetan, letra txikiak letra larriak adinako garrantzia du", diote antolatzaileek.

Blogak egiteko Wordpress plataforma libre eta ezagunaren bertsio berria, 2.7, euskaraz eskuragarri dago jada, eta Wordpress-en gune ofizialean eu.wordpress.org azpidomeinu lor daiteke.

Munduko euskaldun eta hauen lagunen sareak erabiltzaileen arteko ezagutza bultzatuko duten tresna eta estetika berriekin emango dio urte berriari ongi etorria.

Iragan abenduaren 11n hasi eta 13ra bitartean euskararen astea antolatu genuen Zarauzko Putzuzulo Amets Fabrikan. Orduan bizi eta ikusiak kontatu eta baloratzera gatoz hona.

Han-hemenka (adibidez duela aste batzuk Benito Fizen Karrajuan) aipatu izan dut kontu hau; jardunaldiez a-posteriori zein gutxi kontatzen den. Sustatu.com-era ere, zenbatek bidaltzen duen honako topaketa, hizketaldi edo mintegiaren oharra. Beti esperantzarekin aretoa ez dela hutsik egongo, Sustatuko ohar horrek audientzia 20 lagunetik 25era igoko duen itxaropentsu.

Iñaki Sagredok argitaratutako “Navarra. Castillos que defendieron el reino” liburuen harira, “La defensa de los vascones” proiektua martxan jartzera animatu gara. Editoriala ardatz hartuta eta lan talde bat osatu ondoren, dokumental honen lanari ekitea erabaki dugu, gure historiak bere barne dituen klabe batzuetan sakondu nahiean.

Gaztezulo aldizkariak 2009rako Agenda Digitala aurkeztu du. Doan da, eta jaisteko www.gaztezulo.com atarian sartu besterik ez da egin behar. PC eta Mac sistementzat balio du.

Buru-mapei buruzko 10 orduko ikastaroa zuzenduko dut urtarrilean Barakaldon. Euskaraz eta debalde. ideiak antolatzeko moduari buruz duzun paradigma aldatuko dizun teknika. Sormena garatuko duzu, jendaurrean mintzatzean izaten duzun estualdia gaindituko duzu... oso ondo pasatuz!

Gogoratuko duzue nola albistea atera genuen, irakurle batek kargatua, Espainiako Poliziak euskarazko pankarta bat zerabilela anti-disturbioak errealismo handiagoarekin entrenatzeko. Beste irakurle batengandik jakin dugunez, zantzuak daude pentsatzeko pankarta hura Iruñean ebatsia dela. Poliziek beraiek lapurtua, alegia.

Teknopolisek, Elhuyar Fundazioak EITBrentzat ekoizten duen zientziari eta teknologiari buruzko telebista-saioak, web gune berria estreinatu du: http://teknopolis.elhuyar.org. Web gune berrian, 2007ko urritik aurrera emititu diren Teknopolisen programa guztiak aurkituko ditu erabiltzaileak, osorik edota erreportajeka.

Argazki eta bideoen bidez, KREA Adierazpen Garaikidearen web-orrialdea bisitatzen dutenek Betoño komentuko birmoldaketa-lanen berri izango dute. Eraikin neogotiko zaharra, zentro moderno, denontzat irekia eta praktiko batean bihurtuko da eta bertan programatutako kultura- eta aisialdi-beharrei egokituko zaie.

EITB iragarki bat ari da emititzen egunotan irratiz eta telebistaz. Ez dugu beren webgunean aurkitu, baina gutxi gora-behera zera diote: Abesti bat jaisten duzun bakoitzean, musika itzaltzen hasten da eta horrela segitzekotan, guztiok musikarik gabe gelditzeko arriskua dugu. Ez jaitsi musikarik. EITB musikarekin bat.

Askok ohituragatik, beste batzuk alferkeriagatik, beste batzuk baimenik ez dutelako lantokian eta baita ezjakintasunagatik ere, ordenagailua ez dute euskaraz erabiltzen. Hau da, ezin dute ordenagailuan egunero egiten dituzten lanak euskaraz burutu.

Cybereuskadi albistegiak kaleratu duenez, 702.000 euroko aurtengo laguntza publikoa ez da Kepa Junkerak Jaurlaritzatik lortu duen bakarra. 2007ko urtarrilean, Herrilan saileko Meteorologia eta Klimatologia zuzendaritzak 200.000 euroko laguntza eman zion Nomadas del viento izeneko proiektu baterako.