Sustatu

Urtarrilaren 29an, osteguna, eguerdiko 13:00etan, Hernaniko Biteri kultur etxeko ikastaro gelan, Buruntzaldeko euskara zerbitzuek Buruntzaldea Euskaraz web gunea aurkeztuko dute. www.buruntzaldea.org Buruntzaldeko euskara zerbitzuen web gune bateratua da. Bere helburua eskualdean euskara normalizatzeko aurrera eramaten diren egitasmoak Internet bidez hedatzea da.

Egun hauetan ze hobe pixka bat aurreztea baino? Hona hemen IMH -ko web orrian jarritako manualtxo bat: VoIP tresnak erabiltzaileentzat, dei merkeak Internet bidez.

Erabilera planak herri-administrazioetan jardunaldietan nago eta oraintxe aurkeztu du HPSk hemen Irati izeneko aplikazio informatikoa, euskaratze planak bideratzeko tresna.

Eusko Jaurlaritzak eta EHUk darabilten webguneetarako edukiak kudeatzeko sistema (CMS siglekin esaten zaio ingelesez), Interwoven, erosi egin du beste enpresa batek, Autonomyk. Zenbait adituren iritziz, Autonomyk ez du interesik Interwoven-en CMS produktuan eta horren jarraipena kolokan egon daiteke.

Aste honetan deskubritu du Iturrik spotify, musika Interneten zuzenean entzuteko disketxe handien zerbitzua. Bere blogetik ekarri dugu hona oharra, haren lizentziari esker. "Zenbait adituk diotenez, horrelakoa izango omen da etorkizuna. Hau da, musika Interneten entzungo dugula, inolako deskargarik egin gabe."

Eguraldi aurreikuspenen arabera, gaur arratsaldean eta gauez zikloia iritsiko da Euskal Herrira. 14 metroko altuerako olatuak izango dira kostaldean eta 150 km orduko abiadurako haizea. Ekaitzaren satelite-irudi ia zuzen-zuzenekoak ikus daitezke Sat24 eta Eumetsat webgunean. Azken horretan UTC ordua ageri da (gure ordua UTC+1 da), sakatu 12 eta gero Play, azken orduetako eboluzioa ikusteko.

eXe Learning hezkuntza baliabideak editatzeko Kode Irekia (Open Source) duen softwarea da, Auckland University of Technology eta Tairawhiti Polytechnic-ek sortua. Eusko Ikaskuntzaren Asmoz Fundazioak euskarara itzuli du, Kultura Saileko Hizkuntza Politikarako Sailburuordetzak diruz lagunduta.

Jardunaldiak izango dira datorren astean Bilbon euskara teknikarientzako: erabilera planak herri-administrazioetan. Besteak beste, IRATI izeneko tresna aurkeztuko da: herri administrazioetan euskara planak (barruko erabilera plana zein Euskara Biziberritzeko Plana) diseinatzeko eta jarraipena egiteko aplikazioa.

Cluetrain manifestua 1999. urtean idatzi zuten Rick Levine, Christopher Locke, Doc Searls eta David Weinberger-ek eta 95 tesitan oinarritzen den aldarrikapena da. CodeSyntax-en horiek guztiak euskaratu ditugu. Ziurrenik guztietan lehena ezagutuko duzu, merkatuak elkarrizketak direla dioena, baina bota begiratua gainerako guztiei: Cluetrain manifestua euskaraz .

Helburua da: denda txikiei lekua egitea sarean, kaleetako erakus-leihoetan geratu ordez mundu zabalera eskaintzea produktuak, dendarien komunitatea osatzea sarean, dendak munduan kokatzea eta gertuko zerbitzua eskaintzea bai erosi gura duenari eta baita saldu gura duenari ere.

Euskal Herriaren definizio geografikoa airean dagoen gauza bat da. Euskal abertzaleek selekzioaren kontua dela-eta, Euskadi ala Euskal Herria diskutitu bitartean, beste batzuek ere badute zer esana. Europako Legebiltzarrera ere iritsi zen kontua joan den astean.

Eskaripean bat edo beste eman bada ere, katalogoan programatutako ikastaroei zegokionean taldeak osatzeko orduan ez zen lortzen kopuru minimoa ikastaroak abiatzeko, nahiz eta aukera ezberdinak saiatu.

Dakizuenez, Bilboko Udalak Kafe Antzokia ixteko agindua eman zuen iragan astean. Bilboko euskal topagune eta kultura gune nagusia hilabetez itxi eta isuna ordainarazteaz gain, haren etorkizuneko bideragarritasuna kolokan jartzen duen edukiera murritza ezarri nahi dio udalak. Murrizketa hori ezartzen duen udal ordenantza aldatzea nahikoa litzateke arazoa konpontzeko, baina oraino udal agintariek ez dute Kafe Antzokiarekin hitz egin nahi izan. Afera honen inguruko informazioa emateko eta atxikimenduak biltzeko webgune berria jarri du abian Kafe Antzokiak. Konponbidea elkarrizketa eta negoziazioa delako, Bilbok Kafe Antzokia martxan behar duelako.

Dantzari buruz idaztea eta irakurtzea interesgarri iruditzen zaigu dantzazaleoi, argazkiak ikusteak ere ondo dago, baina joño, dantzari buruz jarduteko bideoa modukorik ez dago. Kosta zaigu, baina azkenean lortu dugu dantzan.com dantzanTV izateko bidean jartzea.

Irudiak ukitzeko Tilt-shift teknikaren bidez efektu berezia lortzen da: benetako irudiak baino, maketen argazkiak egin ditugula ematen du. Photoshop horrenbeste ez baduzu kontrolatzen, sarean truko hau egiten duen gunea jarri dute orain.

© cc-by: Guwashi999

AnHitz proiektuaren helburua da pertsonak eta gailuak elkarrekin komunikatzeko behar diren euskarazko hizkuntza-teknologiak ikertzea eta garatzea. Euskaraz hitz egiten duen zientzia-aditu birtual interaktiboa da AnHitz. Erabiltzaileak egiten dizkion zientzia eta teknologiari buruzko galderak erantzuten ditu euskaraz, eta hitz bakar edo anitzeko kontsultak ere egin ahal zaizkio. Horrez gain, kontsulta horiekin zerikusia duten gaztelaniazko eta ingelesezko dokumentuak bilatu eta euskarara itzultzen ditu.

Administrazioa Euskaraz IVAP edo Herri Arduralaritzaren Euskal Erakundeak argitaratzen duen agerkari interesgarria da. Aleak sarean daude, PDF formatuan bada ere. Azken zenbakia, 2009ko urtarrilekoa (63.a), interesgarria da, besteak beste Ivap.org webgunearen historia kontatzen duelako.

Koldo Mitxelena Kulturuneak berritu egin du bere liburutegiko webgunea. Bilaketa azkar azkarra da gune berriaren detaile interesgarriena. Zein liburu edo elementu duten fondoetan kontsulta daiteke, ea hartzeko moduan ala maileguan emana dagoen. Bilaketak, azkarra izateaz gain, iradokizun grafiko batzuk ematen dizkizu.

Azaroan iragarri zen Xabier Amurizak sarean argitaratu zuela bere liburu berria, eta harekin batera, bloga ireki zuela baita ere. Baina blog hori, sarrerarik gabe zegoen, mutu. Azkenean, aktibatu du bitakora Amurizak.

Hijosdelangelgorria blogean aurkitu dut ondorengo post hau: Krisi ekonomikoa eta hauteskundeak. Krisialditik at gidatuko gaituen “mesiasa” aukeratzeko ordua heldu da. Lehendakari izan nahi dutenen ikasketak ikertzen ibili naiz. Kuriosoa: Ibarretxerena aurkitu dut (lehenengoan), Basagoitirena aurkitu dut, Ziarretarena aurkitu dut, Madrazorena baita ere, baina, hara non! Lopezena ez da inon ageri!! Zer ari ote da ezkutatzen?