Sustatu

Agertu izan da Hitlerren memea lehenago Sustatun. Euskal bertsiorik ere bai, baina euskarazkorik ez. Uste dugu lehen ale historikoa dela hau, ekainean egin dutena Ondarroan, Zapato Azula jaiaren inguruan...

Bizkaie!, mendebaldeko euskalkia erabiliz askotariko gaiak jorratzen dituan ataria fase barrian sartuko da gaur, garagarrilaren 7an. Bizkaie! barria ikusiko dozue Sarean: diseinu erakargarriagoa, alkarreragina sustatzeko asmoz idatzi danatan iruzkinak egiteko aukerea, azpiatal barriak eta Bizkaie! eta sare sozialen arteko buztarketea izango dira aldaketa garrantzitsuenak.

Azkenaldian Eliza Katolikoan ematen ari diren Giza Eskubideen urraketa kasuen aurrean eta urraketa hauek eragiten dituzten agintekeriazko jarrerak salatzeko; eta urraketok zuzenean pairatzen dituztenei (azkena eta nabarmenetarikoa Joxe Arregi) babesa adierazteko elkarretaratzea antolatu dute Bizkaiko hainbat kristau-elkartek. Elkarretaratzea uztailaren 8an, osteguna, Bilbon 20.00etan.

Hamar urteko denbora epeak ondorengo argazkia utzi digu: Iparraldean, biztanleria kostaldean kontzentratzen da, barnealdea hustutzen ari da, zerbitzuen sektorea hazten ari da eta industria ahula da. Iparraldeko gazteak atzerrira joaten dira ikastera eta beraien arlo profesionala garatzeko ez dira herrira bueltatzen eta Hegoaldean bezala lan merkatuaren feminizazioa ematen ari da. Uztailaren 8an, arratsaldeko 17:00etan hasita, Gaindegiak UEUko Udako ikastaroen barnean Iparraldeko azterketa sozio-demografikoaren inguruko hitzaldia eskainiko du.

The Sun eta Telegraph bezalako egunkariek zekarten astelehenean berria: Jesukristoren aurpegia azaldu dela Google Mapsen. Beste blog batzuetan apiriletik dago hor. Hona, aipatzen pareidolia kasua zuzenean mapatik ekarrita:

Jesukristoren aurpegia map

Gipuzkoako Batzar Nagusiek herritarren partaidetzarako Foru Arauak onartu ondoren, Aldundiak beste urrats bat eman du, eta herritarren partaidetzarako bulegoa abiarazi du. Parte hartze prozesuak sustatu eta koordinatzeko eta prozesu horietan herritarren parte hartze aktiboa errazteko helburuarekin.

Iraunkortasuna izango da XXI. mendean gizadiak izango duen arazorik larrienetakoa, hala ikuspegi globaletik nola lokaletik. Iraunkortasunaren aldeko trantsizioa (eremu publikoa, pribatua eta komunitarioa) eragile guztien lana bada ere, guk komunitatean jarri nahi genuke azpimarra: herrigintzaren ikuspegitik nola hel dakiokeen behar dugun trantsizioari. Eta horren inguruko hausnarketa bideratzeko mintegia antolatu du UEUk datorren uztailaren 13 eta 14rako.

Mundu mailako krisi ekonomikoa, langabezi tasa altuak, gizarte aurrekontuak maldan behera, zergak gora, BEZ %18ra… panorama horrekin gero eta zailagoa gizaki arruntok erosketak egitea… …bai eta saltokiek saltzea ere, noski. Horregatik, seguruenik, Eroskik kontsumitzaile-bezero-gizaki arrunton aldeko kanpaina zoragarria jarri du martxan: erosketak egiterakoan etxeko poltsak eramaten badituzu, zentimo bateko deskontua egiten dute eramaten duzun poltsa bakoitzeko!!! Ikusi bestela:

Zentimo bateko deskontua ERABILI DUZUN POLTSA BAKOITZEKO. Wow!!!

Euskotrenek bagoi berriak izango ditu, iragarri dutenez, 2011ko otsailetik aurrera. Bideoan ikusten denez, batuta doazen lau bagoiko trenak izango dira. Tren unitate berri hauei izen berezia jartzeko asmoa dute, eta horretarako lehiaketa antolatu du Euskotrenek.

Bart gauen, maskota eskegi eta errauste plantaren aurkako ekintza ikusgarri batekin amaitu dira Usurbilgo Santixabelak.

euskaltube.com bideoak | Izenburua: Santixabeletan ere erraustegirik ez! | Erabiltzailea: erraustegirikezinon

Joan den astean, EITBko zuzendari nagusi Alberto Suriok, ETB1-ren etorkizunari buruzko hausnarketa txosten bat aurkeztu zuen EITBko Administrazio Kontseiluaren aurrean. Txostenaren edukia eskuratu du Sustatuk, eta hemen duzue, osorik.

Iazko sanferminetan bi peña salatu zituen Iruñeko Udaltzaingoak, pankartetan bi presori ongietorria egin zutela-eta "terrorismoaren goratzea" egotzita. Peña hauetako bi kide auzipetu zituzten (absolitu egin dituzte) eta dirulaguntza kendu zien Udalak. Horren aurrean peñek pankarta beltzak egin dituzte aurten adierazpen askatasunaren eta jai herrikoi eta partehartzaileen aldeko leloekin. Hona ekarri ditugu.

Gipuzkoako Foru Aldundiak Gipuzkoa 2.0 programari lotutako dirulaguntzak eskuragarri jarri ditu. Diru laguntza hauek, kultura eta euskarazko edukiak informazio teknologien bidez hedatzeko proiektuetarako izango dira.

Topaguneak BENITO ANSOLA BEKAK sortu ditu, euskal kultura zabaldu eta ikus-entzunezkoen ekoizle gazteei laguntzeko asmoz, Lekeitioko Udala eta Euskal Zine eta Bideo Bileraren laguntzaz eta Eusko Jaurlaritzako Gazteria eta Gizarte Ekintzarako Zuzendaritza zein Bizkaiko Foru Aldundiko Gazteria Zuzendaritzaren babesaz.

Partidu batzuk falta dira oraindik mundialean, baina nekez biziko dugu atzoko Ghana-Uruguai neurketaren amaiera baino une dramatikoagorik.

Euskobarometro ikerketaren azklen emaitzetan, ondorio hau atera dute ikerlariek: Independentzia gogoa gutxiengo batena izaten jarraitzen du. Hori azaleratzeko, "independentzia gogo handia" dutenak %30 direla azpimarratzen dute ikerlariak. Eta aldiz, gehiengoak, %55ek, gogo gutxi (%22) edo batere ez daukate (%33). Grafikoan ere ikusten da hori, gorri-laranjak gehiago dira gogo handia dutenak baino... Galdera etorri zaigu burura, ordea, independentzia gogo txikia dutenak ez dute independentzia gogorik? Batera zenbatuz gero independentzia gogo "handia" eta "txikia" dutenak (laranjak eta berdeak(, gogorik ez dutenak baino dexente gehiago dira.

Tuentin orrialde bat aurkitu dugu Maria Luisa Goenkaleko pertsonaiaren zaleena (Kontxu Odriozolak jokatutako pertsonaia ezaguna). Facebooken ere badaude Maria Luisaren omenezko bi orrialde: Maria Luisa eta Goenkaleko Maria Luisa 174 eta 163 zalerekin hurrenez hurren. Tuentiko honek, berriz, 3721 ditu une honetan, baina 7.135 izateko helburua dute, Patxi Lopezek Facebooken bezain beste zale izateko.

Claudia Mitchell beso bionikoa daukan lehen emakumea da. Garunaren bitartez kontrolatzen du hiru milioi dolar balio duen besoa.

Hartu dut denbora apur bat aztertzeko Donostiako 2. ingurabidearekin ezarri duten bidesari eta deskontu sistema (gaur jarri da indarrean). Ondorioa da, interesekoa dela oraindik ere zig-zag egitea hilabete hasieretan deskontuak handiagoak izateko, hemengo kalkuluetan demostratzen saiatu nintzen bezala. Hala ere, Donostiatik autopistaz irtetea garestitu egin da, berez, eta garestitze horren gaineko deskontua are gehiago bihurritu da, 24 orduko epean egindako itzulera batekin gauzatu behar baita. Nolanahi ere, deskontu berrien azalpena, ez dute batere argi egin herri-erakundeek.

Mundialarekin nahikoa ez, eta asteburuan Frantziako Tourra hasiko zaigu! Aurten ere Tropela.net webgunean porra egiteko aukera izango duzue, urtero bezala. Eta nahi izanez gero, Sustatuzaleon artean ere lehiaketa egiteko aukera daukagu, Sustatu tropeltxoa martxan dago eta. Animatu eta eman izena! Larunbateko 16.00ak arte dago astia, baina ez gehiago! Irabazleak sari txiki bat ere izango du.

Argazkiak.org | Tropela.net © cc-by-sa: asarasua