Egunean Behin, astelehenean hasiko da 18. denboraldia

Denboraldi honetan, aurrekoetan izandako saridunen aukera zabaltzeko sistema egongo da indarrean. Sailkapenak ez dira aldatuko, baina jokalari batek jada sari bat eraman badu 2024tik aurrera jokatu den asteren batean (18. denboraldi honetan barne), 2.ari edo sailkapenean hurrengo den irabazi gabekoari esleituko zaio saria. Denboraldi amaieran izaten diren hiru sari nagusietan ere, 2022tik aurrera izandako garaileak (denboraldi bakoitzeko 3 lehenak) salbuetsiko dira. Sailkapenari begiratuta, saririk gabekoen artean lehen 3ek jasoko dituzte sariak.

Denboraldia Gipuzkoako Foru Aldundiak, Ipuskoa.eus webgunearen kudeatzaileak, babesten du, eta amaierako sariak ohikoak jarri dituzte, telebista bat eta telefonoak lehen hiruentzat, eta aurikularrak zozketaz bi lagunentzat.

Horiez gain, astez asteko babesle hauek ere izango dira, 

• Euskaraldia. Maiatzaren 15etik 25era izango da ariketa.
• Bioterra. Produktu ekologikoen feria (Irunen, ekainean)
• Fagor Industrial - Onnera Group. Ostalaritza eta garbiketa ekipamendu profesionalen talde kooperatiboa.
• Berria egunkaria eta Berrialaguna ekimena.
• Jakizu, Elikadura jasangarria sustatzen..
• Kutxa Fundazioa: Hitzetatik Ekintzetara ekimena.

Ipuskoa 1025 - 2025 ekimenak lehen asteko eta azkenengo asteko sariak ere jarriko ditu. Opari sorta interesgarriak izango dira horiek, honako edukiekin:

• Xabier Leteren poema eta abesti guztien bilduma.
• Chillidaren idazkiak euskaraz.
• Eguberri Umama diskoa.
• Chillidaren Aurreburu obraren serigrafia bat.
• Ekainberri bisitatzeko sarrerak.