Sustatu

Mooteu Euskadi 2024 apirilaren 26an Eibarren izango da. Aurtengo jardunaldian, etorkizunari begira jarriko gara adimen artifiziala bezalako teknologiek zer eman dezaketen aztertu nahian. Informazio gehiago eta izena emateko: ueu.eus 

Venki Ramakrishnan Nobel saridunak bizitza luzatzeko estrategiak, zientzia eta bizitzaren luzapenaren aho-handi iruzurtiak aztertu ditu, loaren garrantzia, dieta osasuntsua eta faktore ekonomikoak nabarmenduz.

Oskar Alegria zinegilearen azken filma aurkeztu da astean Iruñean eta pentsatzen dugu laster izango dela herriz-herri ikusteko aukera. Oraingo honetan Oskarrek Paolo izeneko astoa aukeratu du filmerako lagun moduan, eta egindako ibilaldian grabatu du pelikula.

Euskal Herri osoa batzen duen 23. KORRIKAk euskara eta kultura bultzatzen ditu. HARRO HERRI.  Martxoaren 14tik 24ra. Irundik Baionarat. Gaur martxoak 14, hasiera eguna Irunen. 

Europako Parlamentuak Adimen Artifizialari buruzko lege berri bat onartu du, teknologia honen erabilera arautuz eta etikaz jokatzeko asmoa adieraziz. Europako AA lege berriak gaur, martxoaren 13an, onarpen handia lortu du. Europar Parlamentuan aldeko 523 bozka, aurkako 46 eta 49 abstentzio izan dira. Honek erakusten du legearen aldeko nabarmeneko babesa eta Europar Batasunaren barruan adimen artifizialaren erabilera arautzeko konpromisoa.

Bizkaiko gazteen artean arrakastatsuenetakoa den jolas hau berriro ere bueltan da. GUROTen edonork jokatu ahal du baina lehiaketa 12-18 urte arteko gazteentzako da. Gurot lehiaketan parte hartzeko izen-ematea www.gurot.eus webgunean egin beharko da otsailaren 26tik martxoaren 14ra bitartean.

Egunean Behin jokoak 5 urte bete ditu, 2019ko martxoan abiatu baitzen. Naiz Irratiko Bigarren Kafea saioan izan da Josu Azpillaga app-aren proiektuko ingeniaritza burua, azaldu zein izan diren jokoaren gako tekniko eta sozialak, 5 urtean euskarazko teknologiako arrakasta kasu nabarmen bat bilakatzeko.

Gure ibaietan izokinen populazioaren egoera ez dirudi ona denik, baina aurten albiste ona izan dugu: izan ere Urdazubiraino iritsi bait dira 25 bat izokin, Urdazuri edo Ugarana ibaian gora.

Zabalkunde hau harrigarria da, horrela inoiz gertatu izanaren errejistrorik ez bait dago. Kontutan izan behar da gutxienez 1770. urtetik Ainhoako Urrutienean zegoela 5 metroko presa bat eta horrek blokeatzen zuela espezie guztien igoera. Aingira zen pasatzea lortzen zuen espezie bakarra, eta bakarrik uholde handien uneetan.

Athlon Kooperatiba Elkarteak Kirol eta Jolas egitasmoa abiatu du, Eusko Ikaskuntzaren Asmoz Fundazioarekin elkarlanean. Ekimenak Eusko Jaurlaritzaren Kultura eta Hizkuntza Politika Sailaren laguntza jaso du.

Egunean Behin jokoa egiten duen CodeSyntax enpresako Yoaira Garciak azaldu du Euskadi Irrarian joko/aplikazioaren 5. urteurrena ospatzeko antolatu dutena. Galdera berezien argitalpena, bereziki jokoaren bilakaerari buruzkoak barne, eta 100 kamiseta opari, sailkapeneko lehen 50entzat erdiak, eta besteak zozketaz. Zaldieroak marraztutako diseinu esklusibo batekin.

EUSKALIT-ek Berdintasunagatik enpresa eta erakundeek egin ditzaketen gauzak gogoratu nahi izan ditu eta Berdintasuna Kudeaketan Bilatzailea ekarri du gogora. Bilatzaile honetan gizonen eta emakumeen arteko berdintasuna sustatzeko kudeaketako 79 praktika on aurkitu daitezke.

Lehiaketa bat antolatu du EIZIE-k Emakumeen Nazioarteko Eguna ospatzeko. Literatura Unibertsala eta Urrezko Biblioteka bildumetako liburuak zozketatuko ditu parte-hartzaile guztien artean!

90. hamarkadan Euskal Telebistari esker hain ezaguna egin zitzaigun Son Goku eta bere dragoi bolen sortzailea, Akira Toriyama mangaria hil da.

Eusko Ikaskuntzaren Asmoz Fundazioak Euspodcast Play egitasmoa jarri du martxan, bideojokoen inguruko podcastak eta bideo podcastak oinarri hartuta, nerabeak eta gazteak euskarazko eduki digitalak sortzera animatzeko.

Urtarrilaren 18 eta 19an Bilboko Euskalduna Jauregian ospatu zen "Languages Lanean" Kongresuaren material guztia (hitzaldiak, mahai-inguruak, proiekzioak, argazkiak...) eskuragarri daude webgunearen "multimedia" atalean.

Aste berezi-berezia prestatu du Egunean Behineko taldeak, jokoak 5 urte bete dituelako. Eta hori ospatzeko, sorpresaz betetako galdera eta sariak.

Norvegiatik, Tromsoko Unibertsitate Artikotik (Hizkuntza eta Kulturen Instititutik) eskaera bat hizkuntzalaritza ikerketa batean parte hartzeko. Helburua da euskaldunek euskara interpretatzeko duten eraren inguruan gehiago jakitea da. Horretarako eye-tracking esperimentu bat prestatu dute. Ordenagailuan egin behar duzu, kamera baldin badu zuri begira, eta 15 minutu inguru hartuko dizu.

Hekimen elkarteko urteko batzarra egin genuen ostiralean, eta bertan euskarazko komunikabideen inguru hausnarketa partekatu genuen. Honako hau:

Elhuyarrek eta Donostia Kulturak elkarlanean antolatzen dute “Emakume zientzialarien argitan” solasaldi-zikloa. Udaberrian, hiru saio eskainiko dira: martxoaren 12an, apirilaren 16an eta maiatzaren 7an. Saioak euskaraz izango dira, 19:00etan, Ernest Lluch Kultur Etxeko areto nagusian.