Sustatu

Gure Robotika erakusketan zenbait euskal enpresak sortutako robotak ikus daitezke Donostiako San Telmo Museoan. Zehazki 'Gure_RBTK' deitzen da erakusketa, eta beste erakusketa handiago baten luzapena da ('Hello, Robot' nazioarteko erakusketa da hori).

Azken orduetan FaceApp aplikazio mugikorraren bidez egindako argazki mordoa ikusten ari gara sare sozialetan. Bereziki, aurpegi bat gazteago edo zaharrago egiteko filtroarekin egindak. Jolastu nahi baduzue, jolastu, baina kontuz: erabilpen baldintzetan zure irudiaren eskubide guztiak ematen dizkiezu garatzaileei.

Aldaketa klimatikoaren eraginez, Alpeetako glaziarren %90 baino gehiago desagertu daiteke datozen urteotan. Halaxe aurreikusten du duela aste batzuk argitaratu den ikerketa batek. 

Aire-garraio pertsonalaren inguruko aste honetako albisteetan, Franky Zapata ikusi dugu Uztailaren 14ko jai nazionalean Flyboard delako jet ibilgailuan hegan. Gertuago, Donostian, Tecnalia ikertegiak aero-taxi pertsonala aurkeztu du.

Atzo, uztailak 15, hil zen Joxe Ramon Elorza euskaltzale eta kooperatibista arrasatearra, 74 urterekin. Kooperatibismoaren esperientziarekin oso bat egina zegoen, formakuntzarekin lotuta neurri handi batean, eta Ikerlan ikertegian lan egin zuen hainbat urtez. Erretiroa hartu ondoren ere, kooperatibismoaren aktibista izaten jarraitu zuen.

Berri Txarrak taldean joan den igandean emandako Lagun Artean kontzertuan profesional askok parte hartu zuten, horien artean Gaizka Peñafiel argazkilariak. Peñafielek erabaki du 300 bat argazki dituen bilduma bat libreki partekatzea. Dropbox-en jarri du bilduma, eta euskarazko Wikipediak aprobetxatu du materiala entziklopedia irekira igotzeko (pentsa, atzo arte ez zegoen El Drogasen irudi librerik Interneten nonbait).

Apollo 11 misioaren 50. urteurrena da aste honetan. Igandean biribilduko da efemeridea, orduan (uztailaren 21ean) beteko delako mende erdia gizakia ilargira iritsiko zela. Bidaia bost egun lehenago hasi zen Cape Cañaveral estazioan, Estatu Batuetan. Zenbait proposamen jarraian, historia zati hau bisualki berregiteko aste honetan.

F2P Campus izeneko ekimena iaz estreinatu zen Gasteizen. Bideo-joko libreen garapenerako "campus" bat eratzen da hirian hilabete gutxi batzuetan, eta horrekin batera industria honen inguruko jardunaldiak eta lotutako ekitaldiak garatzen dira,

Azken orduko paleo-albisteak, aste honetan bertan jakindakoak: Europan Homo Sapiensak uste baino lehenago egon zirela iradokitzen duen aztarnak aurkitu dituzte (bueno, duela ia 50 urte aurkitu zituzten, baina orain datuak berraztertu dituzte), duela 210.000 urtekoak. Bestetik, Krimean aurkitutako hezur puska batetik ondorioztatu dute duela 1.5 milioi urte, ostruka erraldoiak zeudela Europan, 3.5 metrokoak eta 450 kilokoak. Hori bai oilaskoa, Ines Arrimadas gainean jartzekoa.

Duela hilabete ireki zuen Creative Commons lizentzien kontsortzioak bere irudi bilatzailea. 300 milioi irudi ditu indexatuta oraingoz, eta ez dira sarean dauden guztiak ere, kalitateari erreparatu diotela esaten baitute.

Oiasso toponimo erromatarra Oiartzun herriarekin lotu arren, aztarna geografikoek Irunen kokatzen dute. Bertan dago museo erromatarra, eta bertan antolatzen dira (aurten hamargarren aldiz) Oiassonis Dies direlakoak, Egun Erromatarrak. Asteburu honetan eta hurrengoetan gozatzeko moduko zerbaitm, Irungo Oiasso Museoaren inguruan.

Uztailaren 13an urtero egiten den bezala, Hiru Behien Zergaren zeremonia edo Iror Beien Emontarzuna (erronkarieraz) ospatuko dute bihar Erronkariko eta Baretos haraneko bizilagunek, Errazko lepoan, San Martingo Harriaren inguruan.

Telebistan streaming zerbitzuak eta nahierako edukiak ikusteko aukeretan, leiho berria ireki zaie erabiltzaileei aste honetan: gerran ibili diren bi erraldoi, Amazon eta Google, ados jarri dira, bakea egin, eta beraien zerbitzuak (Chromecast, Youtube, Amazon Fire, Amazon Prime) bateragarri egin dituzte. Euskal Herriko erabiltzaileentzat erabilgarriena, seguruenik, Amazon Prime kontuarekin daude ikus-entzunezkoak orain Chromecast bidez ikus daitezkeela telebistan.

Augustin Zubikarairen izena daraman bekak azken urteotan euskaraz nobela sortzeko egitasmo bat saritzen du (2010etik aurrera da horrela). Aurtengo deialdia kaleratu dute antolatzaileek, Ondarroako Udalak eta Elkar argitaletxeak. Saria 6.000 eurokoa izango da.

Uda iritsi da! Tenperatura altuek kalekume izatera gonbidatzen zaituzte. Hondartza, igerileku edota erreka egunak dira; eta amaiezinezko gauak. Dibertsiorik ez da falta eta bizitza-ohiturak buruz behera uzten ditu. Enbata dator… Gakoa plangintzan dago. Meal prep edo batch cooking hitzak ezagun dituzu? Lehenak, osagaiak aldez aurretik prestatzean dihardu, gero plateren osaketa errazteko: arrautzak egosita utzi, uraza garbia, angurria zurituta eta moztuta. Nagitasunak ustekabean ez zaitzala hartu. Bigarrenak, areago doa, astebeteko menua tupper-etan antolatzea da; den-dena egun bakarrean sukaldatuta.

Baku da Azerbaijango hiriburua eta Bakup (Backup, zuzen idatzita) da egin behar duzuna egunero, Interneneten datuak gorde edo manejatzen badituzu, zeuretzat edo, profesionala bazara, zeure bezeroentzat. Backup-a da "atzean gordetako kopia", eta sistema batek guztiz krak egiten duenean, konpontzerik ez badago ere, kopia berreskuratuz gero, kaltea ordu batzuetakoa besterik ez da izango, okerrenera.

Euskaltzaindiak 397 forma berri arautu ditu azken sei hilabeteotan, eta moldaketa zein berrikuntza guztiak Interneteko Euskaltzaindiaren Hiztegiari erantsi dizkio. Atzo, dokumentu batean (PDF), forma guztien zerrenda ere partekatu zuen akademiak. Hor daude tuit eta txio formak adibidez. Bertuit edo bertxio ez dira ageri, ordea, eta aditzaren formaz ere ez dakigu ezer (esango genuke gehienok txiokatu erabiltzen dugula honezkero).

Eguraldi iragarpenetan satelite mapak ezagunak egin zaizkigu, eta bada zenbait urte dituen teknologia bat. Azken urteetan, ordea, radar bidez lurretik datuak hartuz egiten diren euriaren mapak ari dira zabaltzen. Euskal Herrian Kapildui mendian dago radar horietako bat (Araba erdialdean), Euskal Herri osorako ematen du estaldura, eta Internet bidez ematen du bere berri zuzenean. Atzo Nafarroa erdialdean gertatu zena ere ikus daiteke.

Duela aste batzuk komentatu genuen hemen Sustatun nola pertsonen aurpegi, irudi eta ahotsekin bideoa-ekintza 'fake' faltsu eta harrigarriak nola egin daitezkeen. Deepfake esaren zaie lan hauei. Baina pertsonekin egiten direnak bezain harrigarriak dira robotekin eta gailu mekanikoekin sortzen ari direnak. Adibidez, Interneten ibili bazara azken aste honetan, bolatokian txirlo guztiak txikitzen dituen beso robotikoarena ikusiko zenuen...

Dolmenak eta monumentu megalitikoak Euskal Herriko eskualde gehienetan aurkitzen ahal dira, baina Gipuzkoako mendebaldean, Debarroko mendietan dagoen kontzentrazio handi eta gertuko samar batean ibilbide bat antolatu da turismoarentzat berriki. Dolmenen Ibilbidea da hori, webgune bat sortu zaio, eta bisita gidatuak ere antolatzen dira.