Sustatu

Bi irakasle eta ikerlarik inkesta jarri dute sarean, euskarazko esamolde batzuen inguruko datuak biltzeko. Bost minutu hartuko dizu betetzeak baina adi, bi galdetegi daude, egun bakoitian jaio bazara 1A betetzeko eskatzen dizute, eta egun bikoitian jaioa bazara 1B delakoa.

Matx, tokiko kirolaren sare soziala, atzo jarri zen martxan. Urte hasieran app mugikor gisa jaio ondoren, orain Mastodon azpiegituraren gainean berregina azaldu da. Tokikom tokiko hedabideen sareko kirol albisteen biltegi gisa ageri da webgunea orain nagusiki, iruditu zaigunez, baina kontua bertan sortuta, edozeinek parte har dezake (arau batzuk proposatzen dira; oinarrizkoena, nagusiki euskaraz egitea). Abenduaren 8a baino lehen Matx.eus-en erregistratzen den oro opari-sorta baten zozketan sartuko da.

Abenduaren 15a bitartean "Emakumeak, Memoria eta Bizkikidetza: zer dakizu?" online jolasean parte-harrtu daiteke. Zuzen erantzuteko, gida didaktiko hau errepasatzea ondo etor dakizuke: Bizikidetza baketsua eraikitzeko begiradak.

Euskal Herriko gatzagen geografia eta ustiaketa baldintzei begiratuta okurritu zaio hau grabatzea Ttap agerkarirako Luistxo Fernandez Sustatuko editoreari. Wikipediarako gatzagen inbentario bat egiten aritu da, eta, batetik edo bestetik, horrek eraman du ondorioztatzera Euskal Herria herri mediterraneoa garela.

Bigarren aldiz, Eibarko Udalak, Euskal Herriko Unibertsitatearen laguntzarekin, Mercedes Kareaga Beka kaleratu du, Eibarko herriarentzat interes berezia duten ikerketa-proiektuak sustatu eta zabaltzeko asmoz. Oraingo honetan aukeratu den ikergaia hau izan da: Instrukzio Publikoa Eibarren (1880-1936), herriko maistrak. Azaroaren 30a arte dago proposamenak aurkezteko epea. Bekak Mercedes Kareaga ekintzailearen izena darama.

Twitchen eta Segura Irratian aste honetan egin dugun zuzenekoan, Frantsesa-Eüskara (zuberera) hiztegia probatu dugu zuzenean, frantsesezko hitz [Sustatuko editorearentzat] ezezagunak sartzen, eta horrela euskara gehiago (zuberera) eta frantses pixkat ikasten. Eta kontu gehiago ere.

Goienak, Tokikom elkarteko Debagoieneko tokiko hedabideak, X/Twitter utziko duela jakinarazi du gaur, astean bertan beste hedabide batzuek erabaki duten bezala. Irizpide batzuk ere finkatu ditu, informazio iturri ez fidagarritzat har dezaten kazetariek, adibidez. Albistean ez dute aurreratu beste sare alternatiboren batera ote doazen, baina baliteke Mastodon aldera jotzea (Sustatuk jakin duenez), federatutako instantzia batean edo Mastodon.eus-en akaso, zehaztu gabe oraingoz eta hori lantzeko denboratxo bat hartuko dutelarik orain,

The Guardian egunkari britainiarrak lehenbizi eta La Vanguardia katalanak (espainolez argitaratzen du edizio zabalduago bat, baina katalanezko bertsioa ere badu) erabakia jakinarazi zuten atzo X/Twitter sare soziala uzten dutela, desinformazioaren ukuilua bihurtu delakoan.

Euskal artisten sormena eta herri kontakizuna uztartu eta euskaraz egindako artearen sormena eta hedapena bultzatzea ditu helburu Udalbiltzak antolatzen duen Geuretik Sortuak bekak. Aurten hirugarren edizioa izango da eta sortzaileek bertan parte hartzeko izen-ematea ireki dute, azaroaren 25era arte.

Juan Luis Bikuña kazetaria (Bergara, 1946), ETBko langile izana urte askoan, atzo hil zen. Euskal Telebistako aurpegi ezagunaa izan zen sasoi baten, 2006ko uztailean erretiroa hartu. Gaztelerazko Teleberri saioko lehen aurkezlea izan zen.

Junes Cazenave-Harigile apaiz eta idazlearen Frantsesa-Eüskara hiztegia (1990eko lana, 2023an berrargitaratua) sarean dago orain Sü Azia elkartearen eta Euskaltzaindiaren lankidetza hitzarmen baten ondorioz. Zubererarako hiztegia da, "frantsesetik xiberotarrerako" Sü Aziak dioen bezala

Netflix edo Max-HBO denontzat dira ezagunak, eta Euskal Herrian Primeran ere (espero dugu), baina streaming plataformak hedatzen ari dira munduan eta horietako bat da Dropout, termino estatubatuarretan "independentzat" jo daitekeen plataforma, umorea ardatz duena, ingelesez eta mundu osoan eskuragarri. Eta berriki, Palestinako genozidioaren kontra azaldu dira, eraso askoren jomugan jarri direlarik. Eguneraketa: dropout.tv domeinura sarbidea oztopatua topatu dugu... atzo idatzi genuen artikulua gaur agertzeko, eta ondo zebilen. Ez dakigu IP blokeo bat edo DDOS eraso baten pean dauden...

"TikTok bezala, baina Fedibertsokoa", horrela deskribatzen dute gehienek, horixe delako. Aste honetan jaio da aplikazio pseudo-ofizial gisa, eta ezaugarrietan aukera murritzak dituen arren, itxura aldetik badu TikTok-en tankera. Fedibertsoko Pixelfed argazkiak partekatzeko sistema

IEB Biltzarrean ostegunean bildu ziren lagunen artean inkesta itsua antolatu du Hitz Zentroak (Latxa hizkuntza eredu handiaren sortzaileak), euskaraz ondoen moldatzen den adimen artifiziala (AA) aukeratzeko. 335 lagunek bi egunez egin dituzte euren aprobak eta preferentziak adierazi, jakin gabe zein sistemak ematen zizkien erantzunak. Claude suertatu da onena, 2. ChatGPT eta 3. oso distantzia txikian Latxa eredu bat.

Twitchen eta Segura Irratian aste honetan egin dugun zuzenekoan, errepasoa egin diegu Rikardo Arregi Kazetaritza Sarietako finalistei, bereziki Komunikazio alorrekoei Interneten zeriksuia dutelako; eta bestalde telefono euskaratuak larrialdietarako nola prestatu daitezkeen erakutsi dugu. Oharrak jasotzeko konfigurazioaz gain, zure telefonoa galtzen denean edo larri zabiltzanean, telefonoa desblokeatu gabe hura aurkitzen duenak zuri laguntzeko aukera izan dezan konfiguratu daiteke.

Azaroaren 11n eta 12an, datorren astelehen eta asteartean, DOK Summit ospatuko da Bilbon, ekosistema digital, teknologiko eta enpresarialaren eragile mordoxka bat bilduko dituen ekitaldia. Topaketa hau aukera paregabea izango da aztertzeko eraldaketa digitala nola aldatzen ari den merkatuak, enpresak eta ibilbide profesionalak, iraunkortasunak eta talentu digitalak funtsezko zeregina duten testuinguru batean. ESLE Euskadiko Software Libreko Enpresen Elkarteak antolatzen du, beste eragile batzuekin.

"Komunikazio libreago baterantz trantsizioan" goiburuarekin euskal fedibertsoaren topaketa gisa antolatu dute jardunaldi bat UEUk, TEKS elkarteak eta Badalabek, datorren azaroaren 21erako, Errenteriako Torrekuan (Orereta kalea 7), gunean (Orereta kalea 7), Badalaben egoitzan. Helburua da "sareetako komunikazio librean" sakontzea, "estrategiak partekatzeko zein bateratzeko eta euskal komunitateak fedibertsoanizan dezakeen paperaz" hitz egitea. 

Rikardo Arregi Kazetaritza Sarietako 2024ko edizioko finalistak jakinarazi dituzte gaur, lau kategoria bakoitzean (Komunikazioa / Kazetaritza). Azaroaren 27an izango da sari banaketa ekitaldia, Andoainen. Bertan Ohorezko Mugarria saria jasoko duena ere jakinarazi dute, Ana Galarraga kazetari eta artista, zientzia dibulgatzaile bikaina. 

Joan den astean aipatu genuen StravaLeaks eskandalua, batzuek aplikazio horren "segurtasun zulotzat" aurkeztu arren ez zela hori: erabilera okerra da. Zure korrikaldi eta ibilerak pribatuak izan behar badira, ez partekatu Stravan edo ez erabili Strava, Instagramen irudiz dokumentatuko ez zenuen bezala. Baina beste erabilera oker baten berri jakin dugu: emaitzen salmenta Stravarako. Hau da, zure profileko emaitzak hobeak izan daitezen, kirolari profesionalago edo arituago bati erosi bere markak.

‘Bagara’ ikus-entzunezko maratoia prestatu du Gure Eskuk azaroaren 16rako (larunbata). Euskal Herriko txoko elkartuko dituen 12 orduko “bideo kate erraldoi” bat jarraian emitituko da Gure Eskuren Youtube kanalean zein Hamaika Telebistan. Bidoen kareaz gain gain, ekintza presentzialak antolatu dituzte Hego Euskal Herriko hiriburuetan: Bilbon, Gasteizen, Donostian eta Iruñean.