Sustatu

Eusko Jaurlaritzak onartu zuen En Tol Sarmiento (ETS) taldearen Bihotzen Konkista proiektua babesteko 300.000 euroko dirulaguntza zuzena, "Bartzelonan eta Madrilen egiten ari diren kontzertuen bidez euskara eta euskal kultura Euskaditik kanpo zabaltzeko", gobernu-akordioaren berri eman duen Jaurlaritzaren oharraren arabera.

OpenStreetMap (OSM) mapak sareko azpiegitura libre inportanteenetako bat dira, Linux kartografiko bat, mapagintzaren Wikipedia bat. Bere erabilera praktikoen artean, bi aplikazio estetiko azalduko ditugu gaur, etxea edo bulegoa apaintzeko aukerak, nahi baduzue.

Bihar asteartea, apirilak 21, topaketa bat egingo da Bilbon Euskal Herria Digitalak ekimenak antolatuta, izenburu honekin: 'Teknopolitika eta burujabetza uztartzeko bideak, mapak, gidak'.

Euskararen Erakunde Publikoaren 2026ko Hizkuntza Jarduera Proiektu deialdia irekitzen da, eragile pribatuek euskararen transmisioaren eta erabilpenaren arloan garatzen dituzten ekimenen laguntzeko Ipar Euskal Herrian. Iazko deialdian 36 proiektu lagundu zituzten, eta agian aurten gehiago izan daitezke, funtsak handitu direlako. Eskaerak aurkezteko epea maiatzaren 7a artekoa da.

EHUko Informatika Fakultatearen 50. urteurreneko ekitaldiak aurrera darraite. Martxoan hasi ziren eta ekitaldiren baten berri Sustatun ere eman dugu, baina ekitaldi interesgarri parea datoz orain apirilean, eta ekitaldi nagusian maiatzean egingo dutela iragarri dute.

Zero Kilometroko Arkitekturaren I. Topaketa antolatu du UEUk datorren apirilaren 24rako, Getxoko Udalaren laguntzarekin. Zero kilometrokoa... eta euskaraz, noski.

AEKk doako euskara klase bat eskainiko du bere sareko 100 inguru euskaltegietan datorren asteazkenean, apirilaren 22an. ‘Eskola bat doan’ ekimena da: Korrikaren 12. egun bezala aurkezten dute, eta hasiera-mailako klase bat izango da, ez gehiegi ikasteko, noski, baizik eta oraindik euskarara hurbildu ez direnentzat pentsatutako esperientzia bat.

Euskararen Erakunde Publikoak euskara sustatzeko hitzarmen eta laguntzetan 2,47 milioi euroko fondoa eratu du 2026an, iaz baino 540.000 euro gehiago (%27 baino gehiagoko hazkundea). EEPk berak 1.970.000 euro jarriko ditu aurten fondoan, iaz baino 440.000 euro gehiago. Eta Eusko Jaurlaritzak, lankidetza hitzarmena berritzeaz gain, bere ekarpena handitu du fondoan halaber, 400.000 eurotatik 500.000 eurotara.

Duela urte batzuetatik eraikitzen ari diren proiektua da, baina orain erregearen izena eman diote: King Charles III England Coast Path, Charle III.a erregearen Ingalaterrako Kosta Ibilbidea. Martxoan Charles III.a Erresuma Batukoak inauguratu zuen zatiarekin, bideak bere 4.247 kilometro posibleen %80a irekia du jada. 4.247 km diogu, hori delako ibilbidearen luzera, baina beste kontu bat da zenbat neurtzen duen Ingalaterrako kostak... ezin ebatzizko paradoxa bat, "Kostalde lerroaren paradoxa" deritzona.

Esnatu dinamika aurkeztu zuen atzo UEMAk, hainbat eragilerekin batera. Otsailean euskararentzat Lurguneak kontuan hartuko dituen Lurralde Estrategia proposatu ondoren, euskararen egoerari buelta ematea ezinbestekotzat joaz, ekimen berriari ekin dio UEMAk. 

Sustatuk 2025 hasieran utzi zuen X/Twitter, baina tartean itzultzen gara bertatik informatzeko edo gauzak arakatzeko. Atzo, albiste honetarako edukia arakatzen gauza batez konturatu ginen: eduki batzuk, ingelesez eta frantsesez bereziki, automatikoki euskarara itzulita agertzen dizkigu Twitterrek. Web ingurunean eta kontua baduzu, berau euskaraz konfiguratuta baduzu gertatzen da hori; aplikazio mugikorrarekin ez da posible, ez baitu euskarazko bertsiorik, baina kasu honetan ere munduko hizkuntzetako edukia (dela hungarieraz, arabieraz, ingelesez, indonesieraz...) agertzen zaigu gure erdaretara itzulita, gaztelaniara edo frantsesera.

Beharbada ikusi dituzue, bereziki Tiktok, Instagram edo Twitterreko jarioetan bazabiltzate: bi gizon musika jartzen edo entzuten, zigarroak erre eta Campari edaten, meme "europar" baten protagonista. Trumpek zerbait mehatxatu duela? Bi horien bideotxo bat, "hatu arnasa" relax egoeran, Europak beste begi batzuekin ikusten duela egoera. Maila lokalagoan ere, Espainiako perrosanxe estiloko memeetan ere ikusi ditugu. Adibidez, Netanyahu Espainiako gobernuarekin sartu denean, erreakzio-meme bezala bi hauen agerpen bat. Italo-disco egiten duten italiar bikote bat dira, Mind Enterprises. 

Kime Amonarriz soziolinguistak artikulua idatzi zuen duela aste batzuk Guraso.eus agerkarian izenburu honekin: Zein da eskolaren helburua, euskarari dagokionez? Euskara irakasteaz gain, hiztun aktiboak sortzea ere funtsezkoa dela irizten dio Amonarriz, eta ikastetxeek, eskolek beraiek, horretara begira antolakuntzaren aldetik urrats batzuk egin ditzaketela dio.

Home Assistant etxeko domotikako aplikazioak euskarazko ahotsez erantzun dezake jada, tartean Piper aplikazioa erabilita, eta euskarazko adimen artifizialeko tresnak garatzen diharduen Itzune taldeak prestatu dituen euskarazko ahots-ereduak tarteko.

EITBk jakinarazi du ETB1 ON katearen lurreko LTD seinalean berriz euskarazko haur programazioa gailenduko dela, etenik gabe, 07:00etatik 19:00etara, 12 orduz, datorren astelehenetik aurrera (apirilak 14). ETB3 ordezkatu zuen kateak kritikak jaso zituen haurrentzako euskarazko eskaintza murrizten zuelako, eta horri atzera buelta eman dio orain EITBk. Era berean, kate bakar gisa aurkeztu zena, ETB1 ON, zerbitzu bikoitza izango da orain, Internet bidez seinale edo programazio batekin, eta beste bat LTDkoa.

Euskaltzale Independentiston Topaketaren 3. edizioa antolatu du Euskal Herrian Euskarazek apirilaren 24 eta 25erako Azpeitian.

Urtarrilean izan zen albiste nola itxi zen Espainiako teknologia agerkari ezagun bat, Genbeta. Hilabete bereko estatistika bat dakargu orain, ingelesezko teknologia agerkarien trafiko gainbehera ikaragarria izaten ari dela, eta gauzak horrela nekez biziraungo dutela askok horrekin lotuta baitute irabazien bidea.

Naiz Irratiak 'Mikel eta Laboa' izeneko podkasta argitaratu berri du. 15 atal (bakoitza 40-45 minutu tarteko) Mikel Laboaren biografia kontatzeko, atal bakoitzak urte bat du izenburu: 1936 lehena, 2004 azkena. Mikel Laboaren bizitzaren inguruan egindako bidaia da, haren bide artistikoa eta pertsonala uztartuz.

Errenta aitorpena ere euskaraz egiteko deia egin dute UEMAk, udalek eta hainbat erakunde publikok. Araban eta Gipuzkoan apirilaren 7an hasiko da errenta aitortzeko epea. Nafarroan apirilaren 9an, eta Bizkaian apirilaren 15ean.

Bihar egun historikoa izan daiteke espazioaren esplorazioan, hamarkada luzeetako itxaronaldiaren ondoren NASAren Artemis II misioa jaurtitzeko prest baitago. Ez da nola-halako bidaia, 1972ko Apollo 17 misioaz geroztik gizakia Ilargiaren ingurura eramango duen lehenengo misio tripulatua baita. NASAren "Ilargirako itzulera" planaren bigarren urrats nagusi honek aurreko Artemis I misioaren arrakasta du oinarri, orduan Orion ontzia hutsik bidali baitzen dena ondo zebilela ziurtatzeko. Biharkoan, ordea, lau astronauta joango dira barruan: Reid Wiseman, Victor Glover eta Christina Koch estatubatuarrak eta Jeremy Hansen kanadarra.