Sustatu

Nonbait-ek, euskal produktuen salmentan espezializaturiko denda gasteiztarrak, Nonbait.com sareratu du.

1904ko abenduaren 1ean jaio zen Bergaran Telesforo Monzon. Duela 100 urte. Gaur, bere jaiotzaren mendeurrena gogoratzeko, bere literatur lan guztiak biltzen dituen gunea jarri dugu Armiarma.com atarian.

Bitoriano Gandiagaren heriotzatik hiru, ia lau urte igaro eta gero dator haren azken liburua, azken urteetan idatzia eta egileak berak argitaratzeko prest utzia. Obrari hitzaurrea paratu dion Joxe Azurmendiri galdezka joan gatzaizkio.

Duela egun batzuk eman genuen Sustatun udal liburutegien on-line katalogo bateratuaren berri. Joan den astean, berriz, katalogo bateratuarekin batera beste bi katalogoren OPAC-ak (Online Public Access Catalog) aurkeztu zituen Kultura Saileko Liburutegi Zerbitzuak hainbat liburuzain eta profesionalen aurrean: Bilgunea (Euskadiko katalogo kolektiboa) eta AUBI (Autoritatea eta gai-sarreren katalogoa).

Orain, Deia egunkariaren webguneko edukiak irakurtzeko erregistratu beharra dago. Gainera, SMS bat ordaindu behar da bi hilabetean behin, erregistratuta jarraitu nahi izanez gero.

Eusko Jaurlaritzako Kontsumo Zuzendaritzak ikerketa egin du on-line erosketen gainean. Azterketaren emaitzek azaltzen dutenez, on-line komertzio webgune ugarik ez dituzte salmenta baldintza guztiak betetzen; hain zuzen ere, aztertutako webguneen erdiak betetzen ditu on-line komertzioaren gaineko lege guztiak.

Dagoeneko, badaude Internet bidez kontsulta daitezkeen euskarazko hiztegiak. Orain, berriz, HIZTEK "Hizkuntza Teknologiak" masterrean eskuko ordenagailu txiki batetik (PDA) hiztegiak kontsultatzeko sistema garatu dute.

Joan den astean Euskaltzaindiak Gasteizen egin zuen osoko bilkuran, ohorezko euskaltzain berriak izendatu zituen, 11 guztira. Horien arten dago Jose Luis Alvarez Enparantza, Txillardegi. Erabili.com-en idatzi du gaur Txillardegik, izendapen horri uko egiten diola esanez.

Gure ama hizkuntzaz denaz bezainbatean bildu diren azken datuek honela diote: euskotarren %25a baino ez gara euskaldun, alegia, 600.000 lagun baino ez gara euskaraz mintzatzeko gai. Datu horri ez darabiltenen zifra kentzen badiogu ez dut jakin gura ere eguzkiz eguzki euskaraz berbaz gabiltzanon kopurua zein murritza den. Gauzak honela, neba-arrebarik gabeko hizkuntza zahar hau bere azken hatsa noiz emango duen kezkaturik bizi behar.

Elgoibarko Makina Erremintaren Institutuak garatzen duen on-line bidezko prestakuntza teknikoak bigarren aldiz lortu du Hezkuntza eta Zientzietako Ministerioak etekinik lortzeko helbururik ez duten erakundeek sortutako material multimedia berritzaileei ematen dien saria.

Hegoafrikako erakunde batek ekoiztu du software librea promozionatzeko lehenengo telebista programa. Go_Open da saioaren izena eta software librearen gaineko albisteak, elkarrizketak eta beste hainbat kontu biltzen ditu. Hilaren 20an eman zuten lehenengo atala; guztira 13 izango dira.

Aste batzuk pasatu dira Rockdelux aldizkariko disko-zerrendaren inguruko iruzkina sustaturatu zenetik, eta euskal disko onenen zerrenda alternatibo bat osatzeko deiak hainbat erantzun jaso zituen. Hau da emaitzen nolabaiteko laburpena. Abenduaren 23ra arteko erantzunak jasoko ditugu.

Karlos Linazasororen "Itoko dira berriak" B.n dago kokatua. Linazasorok argitu behar izan gabe ere ohartu naiz B. hori Benidorm dela.

Deustuko Unibertsitatean ikasten ari dira Igela! taldea osatzen duten sei ikasleak eta joan den uztailean argitaratu zuten lehenengo aldizkaria taldearen izen berarekin. Aste honetan argitaratuko dute aldizkariaren bigarren zenbakia. Igela! aldizkariaren bidez euren literatur lanak ezagutaraztea eta euskal kultura bultzatzea dira taldearen bi helburu nagusiak.

Araba Enpresa Digitalak antolatu du jardunaldia. Abenduaren 2an, osteguna, Arabako Teknologi Parkean (Eraikin Nagusia), 16:00etatik 18:30era. Doakoa da. Eusko Jaurlaritzak eta Arabako Foru Aldundiak sustatutako jardunaldia da.

Consumer-ek ikerketa egin du on-line banketxeen gainean. 55 ezaugarri eta prestazio aztertu ditu. Interneteko bankua tradizionala bezain segurua da, baina izan beharko lukeena baino on-line maila txikiagoa du.

Gazte giroko ipuinak eta detektibe-istorioak utzita, bere sustraietara itzuli da Jon Arretxe, "Griot" bidaia-liburuarekin; itzulera bai, baina berrikuntza ere bai, bere zaleek deskubrituko dutenez.

Euskaldunok badugu aukera berri bat Internet bidez gauzak saltzeko, erosteko, bidaiak konpartitzeko, lana eskaini edo eskatzeko... Iragarkiak.net da horretarako euskarazko atari berria.

Arrasateko AED Elkarteak eta Elkar argitaletxeak, Kutxa gizarte ekintzaren laguntzarekin, XVIII. Jokin Zaitegi Sariketa antolatu dute. Jokin Zaitegi arrasatear idazlea gogoratzeko eta hark literatura unibertsala euskaratzen egindako ahaleginari jarraitzeko helburua dauka sariketak. Edizio honetan, Elfriede Jelinek idatzitako Die Liebhaberinnen eleberria itzuliko da. Sariketara aurkezteko epea abenduaren 15ean amaituko da.

Industri ingurunean punta-puntakoa den mekanizazio prozesu berri honen erakustaldia antolatu du Makina Erremintaren Institutuak. IMHk abiadura handiko makina ekarri berri du bere lantegira eta makina horrek ekarri duen teknologia eta ezagutza izango dira jardunaldiko ardatzak.