Jardunaldia IMHn: abiadura handiko mekanizazioa molde eta matrizetan

Azaroaren 29an, 15:30ean, IMHk erakustaldi jardunaldia antolatu du "Abiadura Handiko Mekanizazio moldeetan eta matrizeetan" gaiari buruz, Teknikerrekin elkarlanean.

Mekanizazio prozesuak zaharkituta geratu dira

Abiadura handiko mekanizazioa, manufaktura industrian, kontzeptu iraultza ari da eragiten. Gaur arte nahikoak ziren mekanizazio prozesuak zaharkituta geratu dira, ebaketa erreminta berriak eta mekanizazio estrategia berriak sortu direlako eta makina-erremintak gero eta azkarragoak eta zehatzagoak direlako.

Abiadura handiaren bidez, moldeak mekanizatzeko denbora murriztapen nabarmenak lortzen dira.

Ekipamendu berria, ikasleak prestatzeko

Teknologia berrietan ongi prestatutako ikasle promozio berriei bultzada emateko asmoz, Makina Erremintaren Institutuak punta-puntako ekipamendua sartu du berriki, gero eta lehiakorragoa den industri inguruneari erantzuteko bereziki.

Hezkuntza Saileko Lanbide Heziketa Sailburuordetzak 2003an proiektua martxan jarri zuen eta IMHk Euskadiko beste 6 zentruk bezala, abiadura handiko makina sartu zuen bere lantegian.

Helburu nagusia dokumentazio teknikoa sortu eta ondoren hezkuntza sisteman sartzea litzateke, dagokion irakasleak prestatuz. Proiektuak ere ikastetxe eta enpresen arteko zubi bihurtzea nahi du.

Helburuak

Egun langileak mota honetako mekanizazioan prestatzeko hutsune handia dago. Horregatik IMHk proiektu honen bitartez ondorengoa lortu nahi du:

• Abiadura handiko mekanizazioaren estrategiak barneratu, gero ikasleei eta enpreseei irakasteko.
• CAM sistema ahaltsua erabili.
• Mekanizazio honetan erabiltzen diren erremintei buruzko ezagutza zabala izan.
• Enpresei zerbitzu teknikoa eskeini.

Jardunaldietarako izen-ematea

Jardunaldietara etortzeko interesa duenak izena eman dezake 943 74 41 32 telefonora deituz, imhABILDUAimh.es e-posta helbidera mezua bidaliz edo 943 74 41 53 fax zenbakira idatziz.

Jardunaldia dohainik da eta plaza mugatuak ditu (20 lagun).

Informazio gehiago