Sustatu

Ana Urkiza (Ondarroa, 1969), pare bat poema-liburu eta haurrentzako hainbat kontakizun kaleratu ondoren, helduentzako bigarren ipuin-bildumarekin dator. Desira izoztuak kaleratu zuen 2000n, eta Bekatuak besapean hartuta dator orain. Horren inguruan joan gara beregana galdezka.

Eusko Ikaskuntzaren Asmoz Fundazioak, Hizkuntza Politikarako Sailburuordetza eta Euskal Herriko Unibertsitateko Soziologia 2 sailarekin batera antolatutako soziolinguistikazko graduatu ondoko ikastaroa da HIZNET, 2005-2006 ikasturtea 5. edizioa izango delarik.

Soziolinguistika arloan eskaintzen den goi-mailako prestakuntza lantzen duen HIZNET ikastaroko ikaleen lanak sarean daude eskuragai.

Software libreak azken urteetan izan duen garapena izugarria izan da. Gainera, administrazioek mugimendu hori bultzatu nahi dute eta enpresetan arlo honetako profesionalen falta sumatzen da. Software librea epe luzerako apustua da, informatikari euskaldunen bilkuran argi azaldu bezala. Hori dela eta Eusko Ikaskuntzaren Asmoz Fundazioak eta Udako Euskal Unibertsitateak honako ikastaroa aurkezten dute.

Urriaren 4tik 7ra Bilboko zazpi kaletan dagoen EHU-BBK eraikinean Euskarazko Unibertsitate-liburuen 1 Erakusketa egingo da EIREk antolatuta.

Microsoftek bere lekuko hizkuntzen programa aurkeztu du gaur, eta prentsa ohar ofiziala honela titulatu dute: How do you say “click” in Basque?

Kontseiluak ‘eskutik euskara’ kanpaina abian jarri du. Herrietan zabalduko den proposamen bat da, horrekin euskaldunei eta euskara ikasten ari direnei lagun edo senideren bat euskara ikastera animatzeko konpromisoa har dezatela eskatu diete. “Euskararen normalizazioa lortzeko gizartea euskaldundu nahi dugu, gure ingurua euskaldundu behar dugu”, adierazi du Kontseiluko Idazkari Nagusiak, Xabier Mendigurenek.

Ikastaroa Iruñean UEUren eskutik, 2005eko urriaren 5etik azaroaren 23ra. Helburuak: Globalizazioaren eta uniformetasunaren aroan, inoiz baino beharrezkoa da hausnarketa berriei bide ematea. Islamismo politikoa eta haren adierazpenak dira behar horren adibide argia.

Euskal Herriko DBHko 1. eta 2. mailako zientzia eta teknologiaren inguruko olinpiada hau urritik ekainera bitartean egingo da, Internet bidez. Olinpiadan izena emateko epea jada irekita dago.

Europar mailan biztanle guztion telefono deien eta Interneteko trafikoko datu guztiak gordetzeko egiten ari diren saiakeren aurka, sinadura bilketa bat burutzen ari da.

Zinemaldia amaitzeko Roger Donaldson zeelandaberritarraren "The world's fastest Indian" (Munduko Indian azkarrena) eskaini dute, lehiaketatik kanpo: abiadura-marka bat hautsi nahi duen xahar baten epopeia antzekoa, zapatu arratsaldeko telebistarako maila ozta-ozta ematen duena, eta bere burua aintzat duen zinemaldi batean lekurik beharko ez lukeena, inondik ere.

Chema de la Peña eta Gabriel Velazquez zinemagile espainiarren "Sud Express" izan dugu lehiaketa ofizialeko azken filma, bihar saila itxiko duen "The World's Fastest Indian" lehiatik kanpo aurkezten baita. Orain arte esandakoak esanda eta ikusitakoak ikusita, fede handirik gabe sartu gara aretora baina, hara ustekabea, pelikula eder eta hunkigarri bat gozatu ahal izan dugu.

Nork esan du aurtengo Zinemaldian glamourra ez dagoenik? Aupa Etxebeste! filmeko aktore eta zuzendariek euskal glamourra ekarri zuten atzo Zinemaldira. Telmo Esnalek eta Asier Altuna Kixi-k zuzendutako filmak sekulako ikusmina piztu zuen eta ikusleek gustura hartu zuten aspaldian egin den lehen euskarazko filma. Barre algarak entzun ahal izan ziren Kursaaleko aretoan. Besteak beste, Juan Jose Ibarretxe Lehendakaria egon zen atzoko estreinaldian.

Simon Staho zuzendari daniarraren "Bang Bang Orangutang" ikusi dugu lehiaketako azken egun honetan, bere onetik ateratako gizon baten noraez eta gainbehera kontatzen dituena.

Enpresa-sustapenerako SPRI elkarteak eta EAEko hiru foru aldundiek ETB2n izango den programa berri bat aurkeztu zuten atzo: Generación XXI. Antolatzaileen iritziz, enpresa ideia baloratu eta saritzeaz gain, ideia berritzailea enpresa (enplegua eta aberastasuna sortuko duena) bihurtzeko behar diren oinarrizko teknika eta mekanismoak erakutsiko dira. Gaztelaniaz izan beharko da, ematen du.

Euskal Herriko bakarlari edo taldeen abestiak poltsikoko telefonoetan jartzeko aukera ematen duen proiektua da smsoinu. Baina abestiez gain, soinuak, irudiak eta jokoak ere eskuratu daitezke.

Elekan analista programatzaile postua betetzeko lan-eskaintza atera da.

Apal antxean ari da amaitzen Donostiako Zinemaldiko sail ofiziala, eta azken egunak ustekaberik eman ezean erdipurdikoa izango da bataz besteko maila. Osteguna honetako bigarren filma Anne Fontaine frantziarraren "Entre ses mains" (Bere eskuen artean) izan da, maitasun-istorio konbentzional samar moduan hasi baina beldur ukitu batez jantzia.

Manuel Martin Cuenca zuzendari espainiarrak "Malas temporadas" (Bolada txarrak) aurkeztu du, gaur egungo Madrilen kokaturiko zenbait istoriorekin egindako joste-lana, beren bizimodua nola-hala daramaten pertsonaien bizitza-puskak erakusten dizkiguna.

Amaran utzi nau autobusak, eta oinez egin dut Kursaalerako bidea. Maleta handi batekin eta nire ordenagailua sorbaldatik zintzilik, gogoz jotzen du eguzkiak gainera. Alfonbra gorria topatu dudanerako ez dut oso itxura glamourosoa, egia esanda. Kursaaleko kafetegian indarrak berreskuratzen saiatzen naiz. Kafea izotzekin: 2,60 euro. Zer espero nuen? Donostian nago.