Sustatu

Legegintzaldi berri honetan hizkuntza-politikak lehentasunekoa izan behar duela uste du Kontseiluak. “Alderdiek erantzukizunez joka dezaten eta normalizazioari beharrezko bultzada eman diezaioten dei egiten dugu”, adierazi du Kontseiluko Lehendakariak, Joanmari Larrartek.

Scintillan oinarrituriko testu editorea orain euskaraz dago eskuragarri 3ARRANO.com webgunean.

Juan San Martin euskaltzain eta idazle eibartarra gaur goizaldean hil da. Lan oparoko idazlea, euskalari eta ikerlari ezaguna, euskaltzain osoa 1964tik, eta EAEko lehen Ararteko izandakoa.

Apirilaren hondarrean Gipuzkoako Foru Aldundiak hitzarmen bat egin zuen El Diario Vasco egunkariarekin, blog lehiaketa bat antolatzeko. Ez zituen aintzat hartu ordura arte Gipuzkoan bertan blogintzan egindako ahalegin oparoak, eta DV-rekin ezkondu zen. Historia faltseatzera ere heldu da, gainera.

Augustin Zubikarai Ondarroako nobela laburren saria irabazi du Julian Peñak (Bilbo, 1964) Apologia deritzan obrarekin. Nihilista, ganberroa, umoretsua, kritikoa… modu askotara definitu daiteke eleberri hau. Anbiguotasun bera erakusten du egileak ere, zientzia-fikzioa maite duen latin-irakasleak, matxinadaren eta etsipenaren artean.

Bi ekintzaile euskaldunek sare sozialen eta blogen sorkuntza eta kudeaketara Interneten dedikatzen den estatuko lehen enpresa jarri dute martxan Barakaldon, Cedemi eraikinan. Tresna hauek elkarlana, baita ezagutza sorrera eta transmisioa ere errazten dituzte urrutiko lantokietan dauden pertsonen artean; horregatik, software soziala izenaz ezagutzen dira.

EAEko entitate pribatuetan eta zuzenbide publikoko korporazioetan euskara-planak garatzeko edota koordinazio-jarduerak aurrera eramateko diru-laguntzak emateko modua arautzen duen 2005eko maiatzaren 25eko Agindua ekainaren 3an argitaratuko da Euskal Herriko Agintaritzaren Aldizkarian. Aginduaren izenburuan bertan irakur daitekeenez aurtengo deialdiak baditu zenbait berrikuntza.

CONSUMER.es EROSKI-ko ikerketa baten arabera, Yahoo! eta Gmail gainerakoek baino ahalmen askoz handiagoa eskaintzen dute, erdiek baino gehiagok birusak hartzen eta igortzen uzten dute, antispam kontrola asko hobe daiteke, erantsitako fitxategia duten mezuen %20 ez da helburura iristen eta bakar bat ere ez dago prestatuta minusbaliatuek erabiltzeko

Kontseiluak proposatutako “Euskara sustatzeko eta euskalgintza babesteko Akordio Soziopolitikoa” sinatu zuten erakunde politikoek eta sindikalek euskarak irakaskuntzan duen garrantziari buruzko idatzi bat zabaldu nahi dute, Bilboko Bertendona ikastetxean itxialdian dauden bitarteko ikasleen jarreraz hausnarketa egin nahian.

IKA-k babesle kanpaina hau jarri zuen martxan duela hilabete batzuk. Nafarroako Gobernuak euskaltegi eta gau eskolei diru laguntzetan egindako murriztapenei aurre egitea du helburu, Nafarroako Gobernuak ikasleko kendu diena eskuratuz.

Euskararen Gizarte Erakundeen Kontseiluak Eusko Legebiltzarrreko mahaikideek euskaldunak izan behar dutela aldarrikatu du Parlamentuko lehendakaritza hautatzearen emaitza aztertu ondoren. “Mahaia osatzen dutenek euskara ez jakiteak hizkuntzaren erabilera oztopatzen du”, salatu du Kontseiluko Idazkari Nagusiak, Xabier Mendigurenek.

Googlek bere lehen orria pertsonalizatu eta aldatzeko aukera eskaintzen du orain. Atari-itxura edo portalizazioaren kontrako paradigma, eredu hartara hurbildu da orain? Yahooren imitaziotzat jotzen dute batzuek jokaldia.

Arintasun editoriala lortzeko asmoz berritasun ñimiño batzuk ditu Sustatuk joan den ostiraletik. Da! izeneko atala, esate baterako.

UEUko Informatika sailak PHP Progrmazio-Lengoaia ikastaroa antolatu du UEUren Ikastetxe Nagusian ekainaren 6tik 15era.

Fernando Morillok teknologia bidaide artikuluaren harira galdera bat bota du Jakintza ikastolako Maitek, eta interesgarria delakoan atera dugu Sustaturen portadara.

Mondragon Unibertsitatearen Humanitate eta Hezkuntza Zientzien Fakultateak lizentzia berri bat eskainiko du datorren ikasturtean hasita: Ikus-entzunezko Komunikazioa. Lau urtekoa da, eta emango da lehen mailatik hasita.

Goienak dituen zerbitzuak erakusten zituen orrialde bat besterik ez zen lehen Goiena.com. Orain, ordea, guztiz berritu dute webgunea. Goiena komunikazio enpresaren gaineko informazioa eta zerbitzu bakoitzaren gaineko xehetasunak biltzen ditu. Albisteentzako tartea ere badauka. Euskara hutsean dago oraingoz webgunea, baina laster jarriko dute gaztelaniazko edukia ere.

Berriako Tartean atzo Zaldi Eroak artikulua zekarren Star Wars film-sailaren gainean. Unibertso horren egiletzat George Lucas jotzen dugu, baina Zaldi Eroak gogoratzen McQuarrie diseinatzailearen lana FUNTSEZKOA izan dela eta (zeostias!) aldarrikatu beharra zegoela!

Elhuyar Fundazioak, www.zernola.net web gunearen bitartez, III. Zernola Olinpiada jarri zuen abian pasa den urrian, Hezkuntza eta Zientzia Ministerioak emandako laguntzari esker. Guztira, Euskal Herriko 61 ikasgela aritu dira lehian ikasturtean zehar, eta, azkenik, Iruñeko Jaso ikastolako DBH 2 gela izan da irabazlea

Rochester-eko Unibertsitatean aztertzen ari dira tritioarekin egindako bateriak. Hidrogenoaren forma erradioaktiboa da tritioa. Gaur egungo ion-litiozko bateriak ordezkatuko lituzke. Kargatu gabe hamar urte iraun dezaketen bateriak lortu daitezke tritioarekin.