Teknologia albisteak
Web bi puntu zero
Luistxo Fernandez - CodeSyntax
2005-10-06 : 11:10
Sarea eboluzio neurri batera iritsi da 2005. urtean, Netscape burtsara irten eta 10 urtera. Tartean, globoa puztu zen, eta eztanda egin zuen. Puntukomen garaia zen. Orain beste zerbait garaia da, web 2.0, web bi puntu zeroaren garaia.
Tesi bat idazteko lain ematen du hau definitzen hasteak... Baina alfertuta gaude eta ez dugu idatziko.
Irakurri erreferentzia batzuk:
- Gaztelaniazko azalpen on eta optimista bat
- Web 2.0 horren ingurumariak definitzen lagun ditzaketen meme edo kontzeptu-gakoen eskema grafikoa Tim O'Reilly editoreak bildua artikulu sakon baterako. Hor aurkituko duzun 1.0 vs 2.0 kontzeptuen elkarketa ere interesgarria da.
- Espainian web 2.0 etiketaren barruan sailkatu daitezkeen proiektuak. Bakarra, nonbait, Euskal Herrian sortua: Tagzania, geure enpresak egina, CodeSyntax-ek.
- Urrian Madrilen izango den biltzar baten berri
- Baina hori baino lehenago, aste honetan bertan Kalifornian, bilkura zabalago bat: Web2Con
Beste artikulu honetan, web 2.0 zer ez den esaten dute. Komentario bat, ederra. Web 2.0 pornoa bezalakoa da. Ez dakit definitzen, baina ikusten dudanean, ezagutzen dut.