Hizkuntz Eskubideen Behatokiak www.euskararentelefonoa.com web gune berria aurkeztu du. "Herritarrari modu errazagoan bizipenak helarazteko modua abian jarri dugu", azaldu du Behatokiko Zuzendariak, Paul Bilbaok.
Web gune berria hizkuntza-eskubideen urraketen edo zoriontzeen berri emateko bitartekoa da. Administrazioen, erakundeen, enpresen eta bestelakoen urraketen eta txalotzeen berri emateak hizkuntza-eskubideen egoera irudikatzen laguntzen gaitu, adierazi du Bilbaok.
Euskararen telefonoa Behatokiak urtero argitaratzen duen txostenerako informazio-iturri garrantzitsua da. Horren adibide argia Europako Adituen txostena dugu, bertan urraketa zehatzak erabili ahal izan genituen egoeraren berri emateko, gaineratu du.
Honako www.euskararentelefonoa.com gunean era-biltzaileak era errazean egin ditzake nahi di-tuen kexak, zoriontzeak edo galderak. Herri-tarrak urraketa baten berri eman nahi badu, adibidez, bere izena erregistratu behar du eta kexa jakinarazi, azaldu du Behatokiko Kudeatzaileak, Arantza Haranburuk. Erabiltzaileak nori egiten dion txalotzea edo zoriontzea ar-gitu behar du eta arrazoia azaldu. Gainera, kexa edo txalotzea ziurtatzeko dokumentua atxikitzeko aukera ere badu.
Euskararen telefonoaren proiektua 4 urte beteko ditu urte bukaeran. Informazio-iturri zuzenena dugu, herritarrak, aitortu du Behatokiko Zuzendariak. 2001etik hona Behatokiak 3.000 espedientetik gora bideratu ditu. Herritarren erantzuna oso ona da, bukatu du Paul Bilbaok.