Skype debekatua Baionako Unibertsitatean
Egun hauetan, Frantziako ZDNet.fr edo Yahoo.fr bezalako albistegitean irakurri dugu albistea : segurtasun arrazoiengatik Ministeritzak Skype softwarearen erabilera debekatu egin du Frantziako Unibertsitateetan. Euskal Herriari dagokionez, Baionakoan ere bai, beraz.
Internet bidez telefonoz bezala hitz egitea uzten duen programa da Skype. Doakoa ordenagiluen arteko konexio zuzenean, oso merkea ordenagailutik telefono finko batera deitzean (deia noranahikoa bada ere).
Orain, Frantziako Unibertsitate edo Ikerketa Zentru guztietatik desagertu behar du:
"Skype doit disparaître des postes de bureau dans les laboratoires, les administrations des universités, les centres de recherches et les écoles supérieures."
Hori dela eta, URFIST (Unité Régionale de Formation à l'Information Scientifique et Technique) delakoaren Urfist.Info blogean, arrazoia segurtasuna bada ea zergaitik ez duten beste aplikazio batzuk debekatzen galdetzen dute.
Zergaitik ez pentsatu Windows-en? diote Urfist-en.
Zerikusia izango du France Telecom-ek?
Erantzun
Sartu