Teknologia albisteak

Zientzia-kazetaritzan trebatzeko bekari oharra

Leire Cancio - Elhuyar Fundazioa

2005-10-10 : 10:10

Elhuyar Fundazioak zientzia-kazetaritzan trebatzeko bekaren iragarkia argitaratu zuen Berrian irailaren 24an eta 25ean. Iragarkian emandako helbide elektronikoarekin arazoak izan ditugu, ordea, eta horra bidalitako curriculumak ez dira iritsi. Hori konpontzeko, epea luzatzea erabaki dugu, eta posta elektronikoz bidalitako guztiei eskatu nahi diegu berriz bidaltzeko, mesedez. Dena den, gogo onez jasoko ditugu lehen bidali ez zenituzten curriculumak ere. Epea urriaren 14 arte luzatuko dugu. Barkatu eragozpenak.

Honako hauek dira bekaren xehetasunak:
Bekaren helburua da zientzia-kazetaritzan esperientzia hartzea, Elhuyar Fundazioaren Zientziaren Komunikazioa sailean praktikak eginez eta zientzia eta teknikaren dibulgazioa landuz.

Baldintzak:
·Zientzia-alor batean goi- edo erdi-mailako titulua edo kazetaritzako titulua izatea.
·Atzerriko hizkuntzak jakitea
·Lizentziatu berriak hobetsiko dira

Bekak 9 hilabeteko iraupena eta 9.000 euroko saria izango du.

Interesatuok bidali curriculuma urriaren 14a baino lehen
helbide honetara: Elhuyar Fundazioa. Zelai Haundi, 3. Osinalde industrialdea. 20170 Usurbil. Edo helbide elektroniko honetara: zk@elhuyar.com.