Sustatu

Lanbide Heziketaren berrikuntzarako Tknika zentrurako lanpostuak betetzeko deialdia, batez ere teknologia berrietako postuak. Eusko Jaurlaritzako Hezkuntza Sailak atera du deialdia.

On-line egunkariak kudeatzeko softwarea euskaraz internet&euskadi ekarteak lokalizatuta.

Enpresetan berrikuntza proiektuak bideratzeko dirulaguntza sorta baterako epea irekita dago Bizkaian. Aukera interesgarriak dituzte, besteak beste, Bultzatu, Ekinberri, Sustatu Bideberri eta Bizkaiberri laguntza egitasmoek.

Gipuzkoako informatika enpresa handienak, Ibermaticak, gaztelania hutsez du webgunea. Baina azpiegitura Zope/Plone sistemara aldatu dutenetik, zirrikitu euskaldun bat utzi dute: nabigatzailean euskara lehenetsita baduzu, eta helbide oker bat eskatzen badiozu makinari, Ploneren garai bateko halamoduzko euskal aurpegia azalduko zaizu, bere itzulpen heterodoxoekin: breadcrumb edo bideko you are here mezua Hemen zaude, euskararen alde itzuli zuen txantxazaleren batek.

Eraztunaren indar ezkutua lana izan da Basque Research atariaren (Elhuyar Fundazioa) III. Tesien Sariaren irabazlea. Irabazlea Silvia Arrese-Igor izan da, Fisikan doktorea (EHU). Bigarren saria, Ane Martinez de Guereñu Ingeniaritza Industrialean doktoreak (Nafarroako Unibertsitatea) lortu du.

“Oso une garrantzitsuan gaude”, Kontseiluak Euskal Autonomi Erkidegoko Gobernua osatu baino lehen euskarak behar duen bultzadaren ardura hartzeko eskatu die alderdiei. “Euskararen normalizazioan denbora faktorea garrantzitsua da eta orain hartu behar dira neurri eraginkorrak”, azaldu du Kontseiluko Lehendakariak, Joanmari Larrartek.

Udalbide elkarteak deialdia du irekita hilabete amaierara arte, Euskal Herriarekin zerikusia duten proiektuei laguntzetara aurkezteko. Erakunde publiko zein pribatuekin hitzarmenak sinatuko ditu Udalbidek, proiektuok onartuz gero.

Batzuentzat eguraldiak markatzen du udaldiaren hasiera, besteentzat paga-dobleak, edo oporrak lotuta izateak. Niretzat, Elorrion bizi den debagoiendar honentzat, uda hasten da Musikaire abiatzen denean, hau da, gaur bertan. Sei asteburuz luzatuko da kulturaren mazedonia, mota askotako musika, dantza eta antzerkiz atondua. Aire librean eta debalde. Debagoienetik joateko anima zaitezten, kopiatuko dut hemen aurtengo programaren atarikoa:

Hizkuntza normalizazio eta aholkularitza alorretako etorkizuneko premiei erantzuteko lan-poltsa osatu nahi du Elhuyar Aholkularitzak.

Bai, badakit berandu samar nabilela, baina tira, zirkunstantzia ezberdinak direla medio, ezin atzora arte ikusi Sith-en mendekua; gainera, Sustatun insustanzialidade hauek argitaratzeagatik ordaintzen didatenagatik, ez duzue ba esperoko notizia freskoekin etorriko natzaizuenik, ezta?

Aste honetan hasi da martxan Goierriko Hitzaren webgunea, goierrikohitza.info . Egun batzuk lehenago irekitako Irutxuloko Hitzak bezala, honek ere irakurleen iritziak jasotzeko aukera du.

Wired webguneak epe luzerako apustuak (long bets) egiten ditu noizean behin: etorkizunean zer gertatuko den asmatu behar da. Azken apustua, hauxe: baietz 2007an blogak New York Times-en webgunea gainditu. Bi lagun ezagunek egin dute apustua jadanik: batak baietz, besteak ezetz.

Liburu berria kaleratu du Fernando Morillok (Azpeitia, 1974): “Dragoien orroa”, gaurko gazteen abenturak eta aspaldiko borroka mitologikoak uztartzen dituen eleberria; idazlan honen berezitasunik handiena sorrera bera izan da ordea, nahi izan duten irakurleek partehartze zuzena izan baitute kontakizunaren nondik norakoan, Kilometroak 2005ek antolatutako lehiaketa baten bitartez.

Oroimena berreskuratzeko, Galdakaoko lagun batzuek blog bat martxan jarri dute.

Eusko Jaurlaritzak Aditu izeneko sustapen-programa aurkeztu du gaur Miramongo parke teknologikoan, Donostian. Euskarazko ahotsa ezagutzeko eta sintesia egiteko motoreen aplikazioen garapena egin du Scansoft enpresak, eta, lan hori aurreratua dagoenez, haren hedapena sustatzeko programa da Aditu delakoa, hemendik aurrera bideratuko dutena.

Kopyleft 2005 Jardunaldiak, ekainaren 24, 25 eta 26an izango dira Donostian, Artelekun. Sormena elkarbanatzen defendatzen da! Horixe da jardunaldien lema. Creative Commons lizentzien euskaratzearen gaia ere tratatuko da jardunaldietan.

Un ingles vino a Bilbao? Hobe hemengo jaun txit buruargiorojakileek errespetu pixkat erakutsiko balute. Aspaldiko euskarazko itzulpen negargarriena ikusi nahi? Bilbao Urban Circuit lasterketaren antolakuntzak banatu duen hau ikus ezazue...

Euskararen Gizarte Erakundeen Kontseilua hamaika alderdi politiko eta sindikalekin aurrera doa euskararekiko konpromisoaren bidetik, oraingoan konpromiso zehatzak hartuz. Kontseilua ‘Euskara sustatzeko eta euskalgintza babesteko Akordio Soziopolitiko’-aren sinatzaileekin agertu da hitzarmenaren balantzea egiteko.

Urtero legez, CAF enpresak eta Elhuyar Fundazioak CAF-Elhuyar sariak jarri dituzte abian. Dibulgazio-artikuluen sailean, hiru sari nagusi eta gazteentzako sari berezia egongo dira jokoan; bestalde, dibulgazio-liburu bat idazteko 4.500 €-ko beka ere emango da.

Tourrean txirrindularien emaitzak asmatzen kiniela edo porra egiteko zerbitzu euskalduna jaio da Interneten, Tropela.