Sustatu

Abenduaren 6a, Konstituzio espainiarraren eguna. Uztailaren 14a, frantziar Errepublikaren eguna. Urriaren 12a, Hispanitatearen eguna eta Guardia Zibilaren eguna. Egun esanguratsuak ezbairik gabe, baina norentzat? Nork du zerbait ospatzeko egun hauetan?

Diocesanas-ek jendearen eskura jarriko du bere euskara hutsezko sistema eragilea. Euskararen Egunarekin batera, sistema eragilea eskuragarri egongo da abenduaren 3tik aurrera, Diocesanas-ek horretarako sortutako webgunean: Dinux.org

Hara Urbil merkatal zentruak nola zoriondu nahi dizkigun Gabonak! Euren defentsan esan behar da horrelako asko daudela han eta bakarra dagoela oker, beraz agian euskaraz ez dakien langile baten (edo langile despistatu baten) akatsa besterik ez da... Baina TASFIESCESLIFE jarri izan balu, hala utziko lukete?

Elhuyar Fundazioak ekoizten duen Norteko Ferrokarrilla irratsaioa www.zientzia.net web gunean ere entzun daiteke. Euskadi Irratian emititzen den zientzia-irratsaioaz gain, zientzia eta teknologiak XX. mendean eman zituenei buruzko hainbat erreportaje ikus eta entzun daitezke Multimedia atal berrian

Euskararen Gizarte Erakundeen Kontseiluak Nafarroako aurrekontuak aztertu ditu, hain zuzen ere euskararen normalizaziorako kopuruak. 2007rako aurrekontua 2006koaren jarraipena dela ondorioztatu du Kontseiluak. “Guztiz askiezak dira eta inondik inora ez dute ziurtatuko euskararen normalizazioan pausoak ematea”, salatu du Kontseiluko idazkari nagusiak, Xabier Mendigurenek

2000 gutunetik gora jaso ditu azken 15 urteotan Bergarako Jardun Euskara Elkarteak antolatzen duen Amodiozko gutunen lehiaketak.Maitasun mezuen SMS lehiaketa ere urtetik urtera arrakastatsuago.

Abenduaren 7tik 10era Loiolako Gogarte etxean ospatuko dira 2006ko topaketa musikalak. Oraingoan, Musikosofiaren sortzaile den George Balan bertan izango da eta Bruckner izango da landuko den autorea.

Euskararen Gizarte Erakundeen Kontseiluak ‘Ikasle guztiak euskaldundu: nola? jardunaldietan hezkuntzako hainbat adituekin egindako hausnarketaren ondorioak plazaratu ditu. “Eskolak euskaldun eleanitzak hezi behar ditu”, ondorioztatu du Kontseiluko idazkari nagusiak, Xabier Mendigurenek.

www.berakoudala.net webgunea aurkeztu du Berako Udalak, Eibarko Code&Syntax enpresak egina, Udalerria plataformaren gainean, Zope software librea erabiliz.

Mailuaren odola argitaratu berri du Aingeru Epaltzak (Iruñea, 1960), Erresuma eta Fedea deritzan trilogiaren lehen alea, XVI. mendeko Nafarroara garamatzan fresko liluragarri bat, dokumentazio itzelari eta hizkuntz maisuari kontalari iaioaren trebezia eransten diona.

Azken 15 bat egunetan hor goian dauden bi aukeretako bat azaldu zaizue Sustatun. Frogatu nahi genuen ea non egiten duen errazago klik jendeak: ondo diseinatutako kromo batean ala testu hutsezko lotura elegante batean. Emaitzen arabera, klikatu duten 210 lagunetatik, 120-ek testu hutsezkoa aukeratu dute eta 90-ek kromo grafikoa. Zenbait oker egin ditugu test honetan eta hobeto egin zitekeen, baina emaitzek zerbait adierazten dute behintzat. Eskerrik asko lagundu duzuen guztioi.

Udako Euskal Unibertsitateak (UEU) UNIBERTSITATEA.NET ataria aurkeztu du gaur Donostiako Zientziaren Kutxagunean. UEUrentzat erronka handia den proiektu honen helburua komunitate unibertsitario euskaldunarentzat erreferentziala izango den gunea sortzea da, unibertsitateari buruzko informazioa bildu eta harremanak sustatzeko asmoz.

Bilboko Kalderapeko Kulturgunean aurkeztu du AIZU!-k bere 312. zenbakia, aldizkariaren 25 urteak betetzera datorrena. Aldizkaria sortu zuen taldeko partaide Esther Zarandonak gogoratu duenez, 1981eko Durangoko Azokan ikusi zuen argia AIZU!-ren 0 zenbakiak, Bilboko euskara irakasle eta ikasle batzuen ekimenez. Harrezkero euskara ikasleei euren ikas-prozesuan lagundu dien tresna izan da AIZU!, batez ere, 1983ko azaroan AEKrekin bat egin zuenetik.

Azkartek, GNC Laser, Ikerchem eta Sebiek izan ziren atzo gauen banatu ziren Toribio Etxeberria Sarien irabazleak. Sarien aurkezpen hitzaldian, Txomin Garcia-k Ulma Packaging enpresaren esperientzia berritzailea azaldu zuen.

Bi gonbidatu berezi ekarriko ditugu Sustaturen urteurren jaira abenduan, hitzaldi kontzentratu parea ematera (labur, baina trinko eta mamitsu). Ed Freyfogle Yahooko bilaketa arduraduna izana, eta Iban Zaldua, 2006. urteko Euskadi literatur sariduna. Sustaturen urteurren ekitaldia abenduaren 13an izango da, Arrasateko Kultura Etxe berrian, Klaustroan, aratsaldeko 18.30etan.

Mondragon Unibertsitatearen HUHEZI fakultateko Dokumentazio Zentruak “Jakingarriak” aldizkariaren azken alea kaleratu du, 59.a. Ale horrek gai monografikoa du, "Psikomotrizitatea Eskolan", eta hor jasotzen ditu hainbat adituren artikuluak: Juan Carlos Polentinos, Mª Jose Intxausti, Elena Herran eta Bernard Aucouturier.

On Jose Maria Arizmendiarrietaren gogoa Bernardo Atxagaren ‘Euskal Hiria’ lurralde sinbolikoan barrena ibiliko da bere heriotzaren 30. urtemugan. Asteasuko idazleak ‘Euskal Hiria’ teoriaren nondik norakoak azalduko ditu azaroaren 30ean, Gizabidea Fundazioak Arrasateko esperientzia kooperatiboaren sortzailea gogoratzeko urtero antolatzen duen ‘Arizmendi Topaketak’ ekitaldian. Aurten, gainera, 30 urte betetzen dira Arizmendiarrieta (Markina, 1915 – Arrasate, 1976) hil zela.

Euskalduna jauregian inbertsio handiarekin aurkeztu zen Euskal Y-aren komunikazio kanala. Webgune bat da, alegia, Abiadura Handiko Trenaren aldekoa. Proiektu horren kontrakoek ere badituzte webguneak, baliabide ekonomiko gutxiagorekin eginak, baina Interneteko garaietara akaso egokituagoak.

3ARRANO.com guztiz berriturik ikusiko duzue hemendik aurrera. Orain ia urtebete erabaki nuen webgunea guztiz berritu behar nuela batipat arrazoi hauengatik: estandarrak zorrotzago betetzeko, euskaratzen nuen edozein edukik bere tokia izateko, eta itxura garbiago bat emateko.

Gipuzkoako Foru Aldundiak euskararen erabilera sustatzeko 2007an emango dituen diru laguntzen deialdia argitaratu da aldizkari ofizialean. Berrikuntzarik handiena: datorren urteko diru laguntzen deia orain egingo dugu. Oro har, eskaerak aurkezteko epea abenduaren 22an amaituko da.