Sustatu.com - 2006ko datuak
Urte berria hasi dugu (tira, duela hiru aste pasa), eta horrelakoetan gertatzen den moduan, iazko laburpenak egiteko eta ondorioak ateratzeko ordua heldu da. Guk ere egin dugu gurea: hona hemen 2006. urteak Sustatun utzi duena.
Datu orokorrak
Laburpen txiki modura, hauexek dira 2006ko zenbaki orokorrak.
- Bisitari kopurua: 341.921
- Ikusitako orrialde kopurua: 668.148
Sustatura heltzeko bideak:
- Bisiten %42 Googletik dator
- %35 zuzenean dator
- %3 Bloglinesetik
- %2 Aurki.com-etik
- %1 Zabaldu.com-etik
Erabiltzaile fidelak ditugula ematen du, beraz. %35 zuzenean sartzea (eta bakarrik %42 Googletik), nahiko adierazgarria da. Gainera, bisitarien %70 behin baino gehiagotan sartu izan da Sustatura urtean zehar.
Gehien ikusi diren albisteak
Hauexek dira 2006. urtean zehar Sustatun gehien irakurri diren 10 albisteak:
- EGAko atariko probak on-line
- Nerea Alias eta Aimar Olaizola, neska-mutil erakargarrienak
- Euskara-gaztelera itzulpenak egiteko plugina
- EiTB, edo nola egin erridikuloa
- Bat-bateko mezularitza. Jabber 10 ICQ 6
- Pornoa euskararen alde
- Opentrad. Gaztelaniatik euskararako itzulpen automatikoa sarean
- Sustaturen sariketa: euskal blogetako mezurik onenari saria
- Sustatuko erabiltzaileen %60 gaztelaniaz ari da sarean
- Hamaika, Telebista Hedatzeko Taldea
Nabigazio hizkuntza
Sustatuko erabiltzaileen artean, oraindik ere gehienek gaztelaniaz dute konfiguratuta nabigatzailea (%55 inguru). Hala ere, euskaraz dutenen kopurua igo egin da urtean zehar, beharbada urtarrilean hasi genuen kanpaina honi esker. Urtarrilean %25 ziren euskaraz nabigatzen zuten sustatuzaleak, eta abenduan %35 inguru izatera iritsi gara.
Badakizu, informazio gehiago Nabigatzailea euskaraz orrialdean.
Erabilitako nabigatzaileak eta plataformak:
Erabiltzaileek darabilten nabigatzaileari dagokionez, Explorer da oraindik nagusi, jakina, baina sekulako aldea gertatu da urtean zehar.
Urtarrilan:
- Explorer: %67 (gehien-gehienak IE 6.0)
- Firefox-Mozilla: %29 (gehienak Firefox)
- Safari: %2,5
- Besteak ez dira %0,4-ra heltzen.
Abenduan:
- Explorer: %57 (eta dagoeneko, %7 IE 7.0)
- Firefox-Mozilla: %38 (eta gehienak Firefox 2.0)
- Safari: %2,8
- Opera: %0,7
Erabilitako plataformei dagokienez, Windows nagusi (%88), eta ondoren, Mac (%7) eta Linux (%5). Kasu honetan ere, urtean zehar, Windows behera bi puntu (%89-%87), eta besteak bi puntu gora.
Pantaila bereizmena
Badirudi erabiltzaileok gero eta pantaila handiagoak ditugula. Urteko azken hileko datuen arabera, hauxe da Sustatuko erabiltzaileen pantaila bereizmena:
- 800*600: %17
- 1024*768: %52
- handiagoa: %30
Oharra: Urtarrilean adierazi genuen moduan, 2006. urtean gure estatistika-sistema zaharra utzi (Webalizer), eta sistema (gure ustez) fidagarriagoak erabiltzen hasi gara. Artikulu honetako datuak Analytics sistemarekin lortu ditugu. Sustaturen estatistika publikoak, berriz, Statcounterren , aurkituko dituzu.
Iazko datuak Webalizer kontagailua erabiliz eman genituen.
Webalizerrek RSS irakurgailuek egiten dituzten bisitak kontatu egiten ditu, bai norbanako irakurgailuak (Bloglines, Feednes, Feedreader, Firefox-ena, PDA irakurgailua,...) , bai beste webguneek Sustatuko titularrak eskaintzeko egiten dituzten bisitak. Jende askok irakurtzen du horrela Sustatu.
Oraindik martxan dugu webalizer kontagailua, eta kontagailu horren arabera - aurreko urteetan emandako datuekin konparatzeko balio diguna -, 2006 urtean erakutsitako orrialde kopurua 3.900.235 da (iaz 2.125.000 orrialde izan ziren)
eta bisita kopurua 1.812.953 bisita (iaz 910.000 bisita izan ziren).
Webalizerren arabera, Sustatuk bikoiztu egin ditu orrialde kopurua eta bisitak. Internet osoa bezala, joera gorakoa da.
Baina esan bezala Webalizerrek irakurgailu automatikoetatik datozen bisitak kontutan hartzen ditu. Sustaturen bilakaera aztertzeko balio zaigu Webalizer, aurreko urteekin konparatzeko. Iazko urtarriletik aurrera Googleren Analytics eta Statcounter erabiltzen ditugu banakako bisita kopuru fidagarriagoa ematen dutelakotan. Datorren urtean haiekin ere konparaketak egiteko aukera izango dugu.