Teknologia albisteak

Gaindegia sariketa

Irati Azkue Leunda - Gaindegia

2007-01-16 : 09:01

Nafarroa Garaia eta gainontzeko eskualdeen arteko harremanak landuko dira lehenengo aldiz Gaindegiak antolatzen duen sariketan. Euskal Herriaren ekonomia eta gizartearen errealitatea ezagutu eta aztertzeko helburuarekin antolatu du sariketa hau Gaindegiak.

Lehiaketa honen asmoa gure herriak bizi dituen desegituraketa eremuak eta kasuak ahalik eta ondoen ezagutzea da eta, bide horretan, urtero gaia jarrita jardungo da. Lehen deialdi honetan Nafarroa Garaia eta gainerako euskal herrialdeen arteko harremanak izango dira aztergai.

Oinarriak:

Hizkuntzak: lanak euskaraz, gaztelaniaz nahiz frantsesez aurkeztu ahalko dira.
Gaia: Nafarroa garaia eta gainontzeko eskualdeen arteko harremanak aztertzea edo haien berdintasun edo ezberdintasunak jorratzea.
Gehienez 30.000 karaktere eta gutxienez 15.000 karaktere izan behar ditu lanak.
Lanak martxoaren 31a baino lehen bidali behar dira honako helbidera: Gaindegia, Martin Ugalde Kultur Parkea, 20.140 Andoain.
Sariak: hiru sari 1000, 500 eta 300.