Euskal Herri osoa erresoluzio handian Google Maps-en
Euskal Herri osoa erresoluzio handian dago jada Google Maps-en. Lehendik zenbait eskualde zeuden detaile handian, Bizkaiko mendebalde partea eta Bilbo, Txingudi ingurua, Gasteiz eta Iruñea ere bai. Baina hutsuneak gehiago ziren. Ez dagoeneko.
Uste dugunez, Euskal Herri osoa, zazpi herrialdeak, ikusten ahal dira orain detailean. Tagzanian ikusi daitezke lehen detailerik ez zuten zenbait eskualde, orain hurbiltzeko aukerarekin:
- Kakuetako arroila Zuberoan.
- Miarritzeko aireportua Lapurdi.
- Kontxako badia Donostian
- Bujanda Kanpetzuko eskualdean, Araban. Bertako elizan, San Faustoren gorpu ustelgabea datza, baina hori ez da satelitetik ikusten...
- Calatravaren Itsas Aurre zubia Ondarroan, Bizkaian.
- Arrigarri AEK Tuterako kaleetan.
Azken etsenplu horretan zoom apur bat egiten baduzu, konturatuko zara erresoluzioa hobetu arren, ez dela detaile handiegikoa. Bilboko kaleekin alderatuta ikusten da irudi sorta berri honek kalitate txikiagoa duela.
Badirudi duela bi urte lortutako irudiak direla, eta udaberria dela ematen du, basoak ikusten diren moduagatik. Irudi-sorta guzti honetan Digital Globe enpresaren copyright oharra ageri da.
Iruditeria berria ez dago Google Earth-en ikusgai oraingoz.
Erantzunak
uda aurretik horrela ikusten zen, oraindik ezin da zoom osoa egin;
ikus ezazu hemen nola ikusten den eta gero esadazu google mapsen ondo ikusten den edo ez
http://sigpac.mapa.es/fega/visor/
beste bat arte
Elosu ere hartu du asteburuko berrikuntzak. Asteburura arte, horrela ikusten zen Urrunagako urtegiaren ondoko herri hori. Orain, horrela ikusten da.
Euskal Herriko beste bazter batzuek izan dute irudi aldaketa, eta beste tresna batzuetan nola ikusi izan diren edo ikusten diren, Flickr-eko bilduma honetan.
Bai, aurrerakuntza polita, nahiz eta errezoluziak oraindik hobetzeko lekua izan. Bujadatik iparraldera ikusten da orain dela 20 hilabete izan zen sutea (2005ko ekainaren 27an, hain zuzen), bai eta horrez gero egin ziren suebakiak. Hauek igazko udan zehar burutu ziren, eta ondoko herriko urmaelan (Marañonekoan alegia) dagoen ur kopurua ikusita, ematen du argazki hauek iraila aldera eginak direla.
Eusko Jaurlaritzaren webguneak web bidezko mapa zerbitzuak eskaintzen ditu ArcIMS aplikazioaren bitartez. Eskaintzen dituen geruzen artean badaude bereizmen handiko ortoargazkiak. Irudi honetan Elosuren bereizmen handiko argazki bat ikus daiteke, orain Google Earth-ek eskaintzen duenarekin konparatuta.
Zerbitzu honek ez ditu soilik argazkiak eskaintzen, geruza bektorialak jaisteko aukera ere ematen du. Besteak beste, Udalplan aplikazioan banatzen diren geruzak erabili daitezke. Adibidez, irudi honetan AHTaren ibilibidea ikus daiteke ortoargazki baten gainean jarrita.
Geruzak jaitsi eta ikusi ahal izateko, GIS:"http://en.wikipedia.org/wiki/GIS" motako aplikazio bat behar da. Badago software librea den eta euskaraz dagoen GIS aplikazio bat: gvSIG. Aplikazio hau Valentziako Generalitata ari da garatzen, eta duela gutxi 1.0 bertsioa kaleratu du. Euskaratzea Arabako Foru Aldundiak egin du. gvSIG Java gainean dabil, beraz edozein sistema eragiletan erabil daiteke. Goian ikus daitezkeen irudietan gvSIG Ubuntu Linuxen gainean ari da funtzionatzen.
sentitzen dut baina horrela darama hilabete batzuk, eta nire ordenagailuan behintzat ezin da nire herria (elosu-legutio parean dagoena) mementuz ondo ikusi, beraz ez dakit zergatik diozue eh osoa ikus daitekeela.
agur bero bat