Sustatu

Atzo ospatu zen Google Developer Day 2007 mundu guztian. Californian izan zen jaialdi nagusia, baina munduko beste 9 hiriburutan ere ekitaldiak antolatu ziren, besteak beste, Madrilen. Hantxe egon ginen zenbait euskaldun, eta hauxe laburpen txiki bat.

Euskal Idazleen Elkarteak www.idazleak.org web orriaren diseinu berria aurkeztu du Bilboko Euskararen Etxean.

Iruñean aurkeztu du UEUk udako ikastaroen aurtengo ekitaldia UDA ZURE NEURRIRA lelopean.

Kontseiluak alderdi politikoen hautagaiei euskarari buruzko hiru galdera zuzendu zien kanpaina hasieran, orain, bukaeran erantzunak dokumentu honetan jaso ditu.

Ikusita zenbait ikaslek ez dutela euskara maila nahikorik, HUHEZIk protokolo bat onartu du, ikasle horien hizkuntza maila hobetzeko. Protokoloa datorren ikasturtean abiatuko da, baina maiatzean eta ekainean proba egingo zaie horrela eskatu duten ikasleei.

Plaentxia, Plazentzi, Soraluze, Placencia de las Armas... herri zulo honetan hazi, hezi edo bizi diren denentzat eta munduko edozein parajetatik herriko berri jakin nahi dutenentzat sortutako orainkaria da Plaentxia.com.

Leioako Plazak eta kaleak antzerkiaren adierazpen guztiekin beteko dira: txotxongiloak, zirkua, kalejirak, umorea, musika eta malabareak. Bihar (maiatzak 31) hasi, eta ekainaren 3a arte.

Topagunea Euskara Elkarteen Federazioak eta Gernika-Lumoko Udalak Euskal Herriko Graffiti Lehiaketaren IV. Edizioa aurkeztu dute. Lehiaketaren buruz burukoa uztailaren 14an izango da Gernika-Lumon, eta izena emateko epea hamar egun lehenago amaituko da, uztailaren 4an hain zuzen ere.

Bermeoko 49 enpresa eta elkartek euskararen erabilera areagotzeko neurriak hartzeko hitzarmena sinatu zuten, maiatzaren 18an, Bermeoko XIII. Arrain Azokaren egunean. Sinadura ekitaldia eguerdiko 13:30tan izan zen Bermeoko Nestor Basterretxea Kultur Aretoan. Enpresa eta elkarte sinatzaileez gain, Bermeoko Udalaren izenean Juan Karlos Goienetxea alkatea bera ere han egon zen euskararen aldeko konpromisoa berresteko.

Iazko Iruñeko jaiari lekukoa hartuta dator aurten Donostiara Mintza Eguna, Euskal Herriko mintzalagun, mintzakide, berbalagun eta abarrak elkartu eta hurbiltzeko antolatutako jaia.

Hala da. Sakeleko telefono bidez bideo bat egin eta MP4 bat irabazteko aukera ematen du Euskonews Gazteak. Bideoak, gai zehatz bati buruzkoak izan behar dute.

Euskal Zinema Bartzelonan ikusteko aukera izango dugu maitzaren 29tik ekainaren 9rarte Euskal Etxeak antolatzen duen ZNMLD [zinemaldia]an.

Dibulgazio-artikuluen hiru sari nagusiak eta gazteentzako sari berezia ez ezik, dibulgazio-liburu bat idazteko beka ere emango dute, bosgarren aldiz

Gaztea zara eta etorkizunean zure enpresa propioa sortzea gustatuko litzaizuke? Aurtengo udari begira, eta Europako Fondo Sozialak finantzaturik, ekimen berri bat martxan jartzen ari da Saiolan, Arrasateko Enpresa eta Berrikuntzarako Zentroa: Elosuko auzolandegia, Gazte ekintzaileei zuzendutakoa.

Startup2 eta HazRuido lehiaketen sari-banaketarekin itxi zen atzoko Blogak 2.0 jardunaldia Bilbon. Sclipo proiektuak irabazi du bata, eta Todosconlapantoja.com webguneak bestea.

Iragarri genuen nola Sustaturen hauteskunde kalkulagailuak debekuaren ondorioz gertatuko diren eserleku banaketa distortsonatuak kalkulatzeko balio lezakeen. Hala ere, hain dira absurdo eta gaiztoak Alderdien Legearen aplikazioaren ondorioak, non Gipuzkoako herri batzuen kasu bitxirako, puff, beste kalkulu batzuk beharko diren gainera.

Zintzo Mintzo Euskara Elkarteak Urretxu eta Zumarragako Euskara lana Interneten jarri du kontsultagai.

1997ko otsailaren 1ean egin zuen Topagunea Euskara Elkarteen Federazioak bere sortze batzarra Durangon. Ordurako, baziren bi urte pasatxo euskara elkarteen artean antzeko egitura bat sortzeko beharra proposatu zela eta azkenik, duela 10 urte sortu zen Federazioa. Durango aukeratu da oraingoan ere urteurrena ospatzeko.

Teknologia berrietan euskara erabiltzeak duen garrantziaz jabetuta, Zumaiako Udaleko Euskara Zerbitzuak bi hitzaldi praktiko antolatu ditu. Maiatzaren 24an eta 31n izango dira, Foronda Kultur Etxean, Josu Waliñoren eskutik.

Eusko Legebiltzarrak, Eusko Jaurlaritzako Barnesailak eta Mondragon Unibertsitateak eDemokraziari buruzko ikastaro bat antolatu du, Euskal Herriko Unibertsitateak eskeintzen dituen Uda Ikastaroen barne emango dena. e-Demokraziaren dimentsio desberdinak landuko dira: soziopolitikoa, juridikoa eta teknologikoa.