Azken Agurra literatur lehiaketa: testamentuak idatzi

Lehiaketaren oinarriak:

Ondarroako BOLO-BOLOk 9. Testamentu Gutunen Lehiaketa antolatzen du. Idazle bakoitzaren esku geratzen da gaia zelan jorratu, beti ere testamentu edo agur gutunaren eremuan bada eta hurrengo baldintzok betetzen baditu:

1. Idazlanak euskaraz idatziko dira.
2. Parte hartzeko ez dago adin mugarik.
3. Lanak argitaragabeak, saritu gabeak eta originalak izango dira.
4. Idazkiek testamentu edo behin-betiko agur gutunaren forma izatea hobetsiko da.
5. DIN A4 formatuan, eskuz (garbi irakurtzeko moduan), makinaz edo ordenadorez idatzita aurkeztuko dira lanak. Bi orrialde baino luzeagoko lanik ez da onartuko.
6. Idazlanari izenburu edo lema bat jarri eta goitizenez sinatuko da. Datu pertsonalak aparteko gutunazal batean sartu (izen-abizenak, helbide osoa eta harremanetarako telefonoa) eta lanarekin batera bidaliko dira, gutunazal berri baten barruan.
7. Lanak aurkezteko azken eguna: 2007ko urriaren 5a, ostirala.
8. Lanak posta elektronikoaren bidez edo ohiko posta zerbitzua erabiliz aurkez daitezke, helbide hauetan:
   Ondarroako Udala.
   Azken Agurra Lehiaketa.
   Euskara Zerbitzua.
   48700 ONDARROA (bolobolo@euskalnet.net)
9. Posta elektronikoaren bidez iritsitako lanak, antolatzaileek bideratuko dizkiete epaimahaikoei, beti ere datuak diskrezio osoz erabiliz.
10. Epaimahaiak bi sari aukeratuko ditu: Euskal Herriko lanik onena. 600 € eta "Bolo" oroigarria. Ondarroako lanik onena. 300€ eta "Bolo" oroigarria. Euskal Herriko lanik onena Ondarroan gertatuko balitz, bigarrenak jasoko luke 300 €ko saria.
11. Literatura munduko hiruzpalau adituk osatuko du epaimahaia (Kirmen Uribe idazle ondarrutarra epaimahai-buru dela). Epaimahaiak adostutako erabakia finkoa izango da, eta aparteko arrazoirik izan ezean, inork ezin izango du erabakiaren kontra jo.
12. Sari banaketa: aldez aurretik besterik adierazi ezean, 2007ko azaroaren 31an, asteazkena (Domu Santu egunaren bezperan), iluntzeko 8:30etan, Ondarroako Kafe Antzokian.
13. Lehiaketan parte hartzeak aipatutako arauak onartzea suposatzen du.
14. BOLO-BOLO aldizkariak saritutako lanak argitaratzeko eskubidea izango du, beti ere idazlearen izena eta datuak agertuz.